Framkvæmdafréttir Vegagerðarinnar - 23.10.2023, Blaðsíða 17

Framkvæmdafréttir nr. 727
5. tbl. 31. árg.
17
Smíði flestra brúa er nú boðin út og hefur verið svo
í mörg ár. Starfsemi flokka Vegagerðarinnar hefur
hverfandi áhrif á verktakamarkaðinn. Helstu verkefni
þeirra snúa að viðhaldi brúa og einstaka nýbyggingum,
auk öryggishlutverksins.
Flestar brýr sem finna má á vegakerfinu í dag voru
reistar af brúarvinnuflokkum Vegagerðarinnar á
árunum 1920-2000. Það eru sjálfsagt meira en 1000
brýr, enda heildarfjöldi brúa á landinu í dag nálægt
1200 og af þeim um 700 einbreiðar. Á síðustu árum
og áratugum hafa hins vegar verktakar á almennum
markaði tekið við og byggt flestar brýr og gert það með
sóma, ekki síður en fyrri brúarsmiðir. Ekki er ástæða
til að gera hér grein fyrir öllum þessum mannvirkjum
heldur vísað til hins góða rits, „Brýr að baki – brýr á
Íslandi í 1100 ár“, sem út kom árið 2006. Höfundur
bókarinnar er Sveinn Þórðarson sagnfræðingur
og formaður ritnefndar var Einar Hafliðason, fyrrv.
forstöðumaður brúadeildar Vegagerðarinnar.
Hér eru sýnd örfá dæmi af handahófi um stórbrýr sem
brúarvinnuflokkar Vegagerðarinnar hafa byggt á fyrri
árum, en til er mikið safn ljósmynda af brúm á Íslandi
sem flokkarnir hafa reist:
↑
Hvítá í Borgarfirði. Brú 106 m, vígð 1928.
↗
Jökulsá á Fjöllum. Brú 102 m, byggð 1947.
→
Borgarfjarðarbrú 520 m, vígð 1981.
↓
Jökulsá á Breiðamerkursandi. Brú 108 m, opnuð 1967.