Framkvæmdafréttir Vegagerðarinnar - 23.10.2023, Blaðsíða 10
10 Framkvæmdafréttir nr. 727
5. tbl. 31. árg.
↑
Hér má sjá áhrifasvæði
Sundabrautar.
→
Helga Jóna Jónasdóttir,
verkefnisstjóri Sundabrautar
á opnum kynningarfundi í
Mosfellsbæ.
Sundabraut var til kynningar á sex fundum
sem Vegagerðin kom að í október. Mikill
áhugi er á málefnum sem varða Sundabraut
og fjöldi fólks sótti fundina. Helga Jóna
Jónasdóttir, verkefnisstjóri Sundabrautar,
segir að þar hafi matsáætlun vegna
umhverfisáhrifa Sundabrautar og fyrirhugaðar
aðalskipulagsbreytingar verið til umfjöllunar.
„Vinna við frumhönnun veglínu og helstu
mannvirkja stendur yfir og ætti að ljúka í kringum
áramót,“ segir hún.
Undirbúningur vegna
Sundabrautar hafinn
Vegagerðin, í samvinnu við Reykjavík, vinnur að
undirbúningi Sundabrautar frá Sæbraut að Kjalarnesi.
Markmið framkvæmdarinnar er að bæta samgöngur
fyrir alla ferðamáta, dreifa umferð og bæta tengingar
við og innan höfuðborgarsvæðisins, stytta akstursleiðir
og ferðatíma og minnka þannig útblástur og mengun.
Til skoðunar eru valkostir á legu Sundabrautar, auk
tenginga við byggð og atvinnustarfsemi. Áætlaður
framkvæmdatími er á árunum 2026-2031 og
framkvæmdin verður boðin út sem samvinnuverkefni.
Í októberbyrjun héldu Vegagerðin og Reykjavíkurborg
þrjá kynningarfundi þar sem matsáætlun vegna
umhverfisáhrifa Sundabrautar og fyrirhugaðar
aðalskipulagsbreytingar voru til umfjöllunar. Einnig var
haldinn morgunfundur í beinu streymi hjá Vegagerðinni,
auk tveggja kynningarfunda fyrir íbúa og hagaðila
á Akranesi og í Mosfellsbæ. Hægt var að senda
athugasemdir til Skipulagsstofnunar til 19. október. Á
síðari stigum verkefnisins verður einnig hægt að senda
inn athugasemdir vegna Sundabrautar og verður það
kynnt rækilega þegar þar að kemur.