Félagstíðindi Stéttarsambands bænda - 01.11.1945, Blaðsíða 4
4
FÉLAGSTÍÐINDI
Frá stjórn Stéttarsambands bænda
Eins og útdráttur úr fundargerð frá
stofnfundi „Stéttarsambands bænda“ ber
með sér, vorum vér undirritaðir kosnir í
stjórn þess. — Þar sem „Stéttarsamband
bænda“ er ópólitískur félagsskapur bænda
hefur stjórnin afráðið að leita yfirleitt
ekki til flokksblaðanna með birtingu þess
er hún þarf að kynna bændum, heldur
fela það Frey eða snúa sér beint til bænd-
anna og félagssamtaka þeirra,, eins og
gert er með þessu riti.
Hér verður þá: 1. Skýrt stuttlega frá
störfum stjórnar Stéttarsambands bænda.
2. Gerð grein fyrir því helzta, er gerst hef-
ur á sviði verðlagsmála landbúnaðarins
eftir að stofnfundinum lauk á Laugar-
vatni og afskiptum stjórnar Stéttarsam-
bandsins af þeim málum. 3. Vikið að þeim
verkefnum er fyrri liggja og stjórn Stéttar-
sambandsins telur nauðsynlegt að leyst
verði á næstunnl, með samstarfi allra
bænda og félagastofnana þeirra.
Þann 10. sept., daginn eftir lok stofn-
fundarins á Laugarvatni, kom stjórn Stétt-
arsambands bænda saman í Reykjavk til
þess að kjósa sér formann og ritara. f stað
tveggja aðalmanna, sem voru fjarverandi,
mættu varamenn þeirra. —
Formaður nefndarinnar var kosinn
Sverrir Gíslason og ritari Jón Sigurðs-
son. Það skal fram tekið, að kosning þessi
var í samráði við og með fullu samþykki
hinna fjarstöddu aðal stjórnarnefndar-
manna. Jafnframt var formanni falið að
senda landbúnaðarráðherra tillögur fund-
arins á Laugarvatni og var það gert sam-
dægurs.
Dagana 4.—9. október, að báðum dögum
meðtöldum, kom stjórn Stéttarsambands
bænda saman á fund í Reykjavík. Einn
stjórnarnefndarmaðurinn, Pétur Jónsson
á Egilsstöðum, gat þó ekki mætt. í hans
stað mætti varamaður hans, Helgi Jónsson,
bóndi í Seglbúðum.
Þetta gerðist á fundinum:
1. Samþykkt var svohljóðandi áskorun
til ríkisstjórnar og Alþingis:
„Stjórn Stéttarsambands bænda skorar
á ríkisstjórn og Alþingi að leggja verð-
lagsmál landbúnaðarins algerlega í hend-
ur fulltrúum bænda, er þeir velja sjálfir
á aðalfundi Stéttarsambands bænda. Jafn-
framt skorar hún á Alþingi, að samþykkja
frv. til laga „um framleiðsluráð landbún-
aðarins og verðskráning og verðmiðlun á
landbúnaðarvörum“, sem lagt verður fyrir
yfirstandandi Alþingi".
2. Tekið var fyrir verðskráning á land-
búnaðarafurðum og framkvæmd þeirra
mála á yfirstandandi hausti.
Til þess að fá yfirsýn yfir þetta mál,
leitaðist stjórn Stéttarsambandsins við að
afla sér ýtarlegra upplýsinga með við-
ræðufundum og fyrirspurnum til þeirra
manna, er hafa mest afskipti af sölu land-
búnaðarafurða. Þeir menn, sem stjórn
Stéttarsambandsins leitaði sérstaklega til
í þessu efni voru: formaður Búnaðarráðs,
Guðmundur Jónsson, útflutningsstjóri S.
í. S., Jón Árnason, framkvæmdastjóri Slát-
urfélags Suðurlands, Helgi Bergs og fram-
kvæmdastjóri og meiri hluti stjórnar
mj ólkursamsölunnar, er þá voru staddir í
Reykjavík.
Allir þessir menn létu stjórninni í té
margvíslegar upplýsingar snertandi verð-
lagning á landbúnaðarvörum og sölu þeirra
á yfirstandandi hausti og kann stjórnin
þeim beztu þakkir fyrir þær.