Þroskaþjálfinn - 2024, Blaðsíða 30

58 59
Hversu lengi hefurðu gegnt þessu starfi?
Ég hef starfað í Rjóðrinu sem þroskaþjálfi síð-
an 2017.
Hefur þú starfað annars staðar og þá hvar? 
Ég hef mest starfað á leikskólum á mínum
starfsferli, bæði sem atferlisþjálfi, þroskaþjálfi á
deild og í níu ár sem sérkennslustjóri.
Hvenær útskrifaðist þú sem þroskaþjálfi?
Ég útskrifaðist árið 1998 og minn bekkur
er fyrsti bekkurinn sem útskrifast með há-
skólagráðu sem þroskaþjálfar.
Hvers vegna valdirðu þroskaþjálfastarfið?
Það má segja að þetta hafi allt byrjað þegar
ég sem unglingur var barnapía fatlaðrar stúlku
en við náðum einstaklega vel saman. Mamma
hennar er þroskaþjálfi og þannig kynntist ég
faginu. Mig langaði að læra meira tengt þjálfun
og kennslu fatlaðra og hef svo sannarlega gert
það síðan ég var 11 ára barnapía.
Hvað viltu segja við nýútskrifaða þroskaþjálfa?
Þótt námi sé lokið þá er það mikilvægasta fram
undan og það er starfsreynslan og snertingin við
fólkið sem þið vinnið með, sem er stór hluti af
því að vera þroskaþjálfi.
Hvar starfar þú og hvert er starfsheiti þitt?
Ég starfa sem forstöðuþroskaþjálfi í Smiðjunni
í Ólafsvík, dagþjónustu fyrir fólk með skerta
starfsgetu.
Hversu lengi hefurðu gegnt þessu starfi? 
Ég hóf störf 1. mars 2021.
Hefur þú starfað annars staðar og þá hvar? 
Í kjölfar útskriftar fékk ég stöðu sem þroska-
þjálfi á leikskólanum Kríubóli á Hellissandi.
Starfaði þar í tvö ár.
Svo starfaði ég sem þroskaþjálfi við Grunn-
skóla Snæfellsbæjar í tvö ár, áður en ég tók við
núverandi starfi.
Hvenær útskrifaðist þú sem þroskaþjálfi? 
Vorið 2016.
Hvers vegna valdirðu þroskaþjálfastarfið? 
Í sannleika sagt þá hafði ég aldrei hugleitt þetta
starfssvið. En árið 2012 var mér boðið hluta-
starf í helgarvistun sem var í boði tvær helgar í
mánuði fyrir börn og unglinga með fötlun. Þar
sem ég er mjög hrifin af fjölbreyttum tækifærum
og verkefnum sló ég til. Ég tengdist þessu starfi
hratt og fann mig á þessu sviði. Á þessum tíma
kynntist ég einnig yndislegri konu, þroskaþjálfa
sem heitir Hanna Jónsdóttir, og hún fræddi mig
um starfið. Ég kolféll fyrir þessum vettvangi og
hóf fjarnám í þroskaþjálfafræði við Háskóla Ís-
lands 2013.
Hvað viltu segja við nýútskrifaða þroskaþjálfa? 
Ekki gefast upp. Þetta starf er svo sannarlega
fjölbreytt og áskoranir miklar. En starfsstéttin
er ört stækkandi og mikilvægi/þekking hennar
og máttur er mikill. Búðu þér til tengslanet með
öðrum þroskaþjálfum, því skilningur og stuðn-
ingur annarra þroskaþjálfa er mikilvægur á vett-
vangi. Oft erum við einyrkjar á vettvangi og það
getur verið erfitt þegar álag er mikið. Starfið
snýst svo alls ekki alltaf um að finna upp hjólið.
Þórheiður Elín Sigurðardóttir.
Þroskaþjálfafélag Í s l a n d s
Borgartún 6 • 105 Reyk jav ík • S ími 595 5160 • www.throska. i s • throska@throska. i s