Ársrit Skógræktarfélags Íslands - 15.12.1942, Side 48

40
Hins vegar yrði að mæla allt gróðurlendi landsins all-ná-
kvæmlega, flokka það eftir gróðurfari, rannsaka vöxt gróð-
ursins á mismunandi stöðum, komast fyrir um, hversu
mikla beit hvert gróðurlendi þoli, án þess að nokkur hætta
sé á að það gangi úr sér. Að því loknu þarf að meta og virða,
á hvern hátt iandið verði bezt nytjað, hvaða búpening væri
heppilegast að hafa á hverjum stað og hvaða gróður væri
hagkvæmast að rækta.
Slíkar rannsóknir og þessar yrði líklega enn fjölþætt-
ari í framkvæmdinni heldur en hér hefir verið ráð fyrir
gert. En án rannsókna verður þetta starf varla unnið svo
að nokkuru gagni komi.
Ætla má, að þessar rannsóknir yrði til þess að gjör-
breyta búskaparlagi og búnaðarháttum, en í slíkt má ekki
horfa, þótt það kosti nokkura fyrirhöfn, ef það miðar að
því að gera landið byggilegra fyrir þá, sem erfa það.