Golf á Íslandi - 01.08.2015, Side 56

Forskot er sjóður sem styður við efnilega íslenska kylfinga.

Eimskip, Valitor, Icelandair Group og Íslandsbanki stofnuðu sjóðinn
ásamt Golfsambandi Íslands árið 2012. Markmiðið er að styrkja
framúrskarandi kylfinga sem eru að taka sín fyrstu skref út
í heim atvinnumennskunnar og stefna á að komast í fremstu röð.
Fáðu forskot
á mótherjana
Ólafía Þórunn Kristinsdóttir
Það verður spenna í loftinu þegar Íslandsmótið í golfi hefst þann 23. júlí á Garðavelli á Akranesi. Keppendur
verða án efa búnir að velta því fyrir sér hvernig leikskipulag hentar best á völlinn. Golf Íslandi fékk tvo af fremstu
kylfingum Akurnesinga til þess að ljóstra upp um öll „hernaðarleyndarmálin“ frá Garðavelli.
Stefán Orri Ólafsson hefur fjórum sinnum fagnað klúbbmeistaratitlinum hjá Leyni en hann var í mörg ár í fremstu
röð afrekskylfinga á Íslandi. Lögfræðingurinn var landsliðsmaður til margra ára og þekkir Garðavöll eins og
lófann á sér. Sömu sögu er að segja af atvinnukylfingnum Valdísi Þóru Jónsdóttur sem tvívegis hefur fagnað
Íslandsmeistaratitlinum í golfi – og hún er líkleg til þess að blanda sér í baráttuna á heimavelli. Hér er þeirra tillaga
að því hvernig best er að leika Garðavöll:
1. hola – 293 m. / 236 m. – par 4.
Stefán: Stutt og þægileg upphafshola sem
getur þó refsað ef ekki hefur kviknað á
einbeitingunni þegar leikur hefst. Ég tek
yfirleitt blendingskylfu á teig og á þá vel
innan við 100 metra eftir. Á að vera nóg
til að tryggja manni parið og jafnvel eiga
möguleika á fugli. Það er vel hægt að reyna
við flötina í upphafshögginu en það verður
þá að vera beint ef ekki á illa að fara.
2. hola – 303 m. / 264 m. – par 4.
Valdís: Þessi getur verið ansi ógnvænleg ef
vindurinn blæs. Vallarmörk beggja vegna
og skógurinn vinstra megin virðist geta
þrengt brautina ansi vel. Flötin getur verið
hörð og erfitt að slá inn á flötina og það
fleygir ansi mörgum höggum inn í skóginn á
bakvið þar sem maður lendir nánast undan
tekningarlaust í erfiðri stöðu. Hér reyni ég
aldrei við „pinnann“ og geng sátt í burtu
með par.
3. hola – 141 m. / 114 m. – par 3.
Stefán: Stysta par þrjú hola vallarins en
jafnframt sú sem umvafin er mestum hættum.
Virkilega falleg hola. Hér þarf að fylgjast vel
með hvernig vindurinn blæs fyrir ofan trén
enda er oft lítill vindur á teignum sem er vel
varinn af skógi. Kylfuvalið ákvarðast af því.
Hér vilja kylfingar forðast að slá til vinstri
þar sem vatn og vallarmörk er að finna – öll
högg til hægri sleppa þó til en geta truflast
af háum trjám. Ég reyni sjálfur að slá hægra
megin á flötina sé pinninn vinstra megin á
henni.
4. hola – 494 m. / 429 m. – par 5.
Valdís: Eftir að nýja flötin var tekin í notkun
hefur þessi breyting breytt auðveldri fuglaholu
í erfiða parholu. Nýja flötin er hörð og það
getur verið erfitt að slá inn á flötina. Annað
höggið má ekki fara of langt, annars rúllar það
ofan í tjörnina. Hér geng ég af flötinni sátt
með par, en himinlifandi með fugl.
1. brautin á Garðavelli er sýnd veiði en ekki gefin.
Glæsileg: Þriðja holan á Garðavelli er
ein fallegasta par 3 hola landsins.
Freisting: Það er hægt að slá inn á
flötina á 6. í upphafshögginu en það
eru margar hættur á leiðinni.
56 GOLF.IS - Golf á Íslandi
Hvernig er best að leika Garðavöll?