Golf á Íslandi - 01.08.2015, Side 62

Þorsteinn er einn af stofnfélögum Golfklúbbs Akraness sem síðar varð Golf
klúbburinn Leynir. Hann hefur verið lengst allra formaður Leynis og án þess
að á nokkurn sé hallað þá var „Steini Þorvalds“ hjartað og lungun í starfi
Leynis allt frá upphafi.
Vinnuferð til Skotlands
kveikti neistann
Það má segja að það hafi verið tilviljun
að Þorsteinn fékk áhuga á að koma golf
íþróttinni af stað á Akranesi. Upphafið má
rekja til vinnuferðar hans sem vélstjóra á
vélbátnum Sigurvoninni.
„Þetta þótti frekar asnaleg íþrótt hér á
Íslandi og ég hafði ekki hugmynd um
það þegar ég var í Peterhead að golf væri
stundað á Íslandi. Ég fór að kynna mér þetta
þegar ég kom heim. Eiríkur bróðir minn
vissi að ég hafði verið þarna úti í Skotlandi
og kynnst golfíþróttinni. Hann skrifaði mig
því inn í klúbbinn. Hann vissi að ég hafði
áhuga á þessu.“
Mikið lagt á sig á upphafs­
árunum
Eins og gefur að skilja voru hæfileikar
Þorsteins hvað vélaviðgerðir varðar nýttar
til hins ítrasta á upphafsárum Leynis og í
marga áratugi þar á eftir.
„Það voru alltaf gamlar og slitnar vélar
hérna. Og alltaf mikið viðhald. Einnig
á traktorum, það þurfti að slípa ventla,
stýrisenda og ýmislegt annað. Ég gerði þetta
allt sjálfur. Á sumrin þegar þurfti að bera á
brautirnar þá keyrði maður áburðinn út á
völl og bar síðan á seint á kvöldin – nánast
um miðnætti þegar menn voru hættir að
spila. Það var alvanalegt að koma heim kl.
eitt eða tvö á nóttunni eftir áburðargjöfina.
Það mátti enginn vera að þessu, menn
voru að vinna á daginn og vildu spila golf á
kvöldin. Ég hafði aldrei áhuga eða lét mig
dreyma um að vera góður í golfi. Ég vissi
Bæjarbúar geta verið
stoltir af Garðavelli
„Mér fannst skemmtilegasti tíminn
vera fyrsti áratugurinn eftir stofnun
klúbbsins. Á meðan við vorum að móta
þetta upp og gera völlinn. Flatirnar
voru eins og mosaþembur. Það var
ekkert til hérna á Akranesi og maður
úr Golfklúbbi Reykjavíkur gaf okkur
holupotta þannig að við gætum búið
til fyrstu holurnar,“ segir Þorsteinn
Þorvaldsson þegar hann er inntur
eftir því hvað standi upp úr á þeim 50
árum sem hann hefur komið að starfi
Golfklúbbsins Leynis.
Frumkvöðlar: Hjónin Þorsteinn
Þorvaldsson og Elín Hannesdóttir
hafa verið í fararbroddi í
golfíþróttinni á Akranesi frá því
að Leynir var stofnaður.
Sáttir: Gunnar Júlíusson og Þorsteinn
Þorvaldsson á góðri stund á gömlu 5. flötinni.
62 GOLF.IS - Golf á Íslandi
Bæjarbúar geta verið stoltir af Garðavelli