Golf á Íslandi - 01.10.2016, Side 28

Vinkonurnar eru sammála
um að félagsskapurinn og
útiveran sé það sem heilli
mest við golfið.
Ragnheiður: „Mér finnst ótrúlega gaman
að spila með skemmtilegu fólki. Hér í GKG
var vel tekið á móti mér og ég skrái mig
bara með hverjum sem er. Ef það er laust í
þriggja manna ráshóp þá fer ég bara með. Ég
læt ekkert stoppa mig. Það hefur oft komið
fyrir að ég lendi í hóp strákum með lága
forgjöf, alveg niður í 2, og það hefur bara
verið skemmtilegt. Þeir eru ekkert að pirra
sig á því að ég sé með þeim og þeir hrósa
fyrir góð högg og slíkt. Ég hef aldrei lent í
því að upplifa það að vera ekki velkomin.
Ég skil reyndar ekki af hverju þeir sem eru
svona góðir greiði fullt gjald því þeir nota
völlinn lítið sem ekkert og slá fá högg - alla
vega miðað við mig.“
Hulda: „Umræðuefnið sem skapast í
kringum kylfinga eru óþrjótandi og það er
alltaf hægt að finna eitthvað til að spjalla
um. Mér leið ekki vel í upphafi að spila með
ókunnugu fólki en það breyttist þegar ég
spilaði með eldri manni sem var fyrrverandi
flugstjóri. Hann var með okkur Bjössa í
ráshóp og ég var með hnút í maganum fyrir
hringinn og gekk ekki vel á fyrstu holunum.
Hann sá að mér leið ekki vel. Hann sagði
mér að vera ekkert að stressa mig á þessu.
„Við byrjuðum öll einhvern tímann í golfi
og láttu þetta aldrei trufla þig,“ sagði hann.
Ég gleymi þessum orðum ekki.“
Ragnheiður er meira fyrir að keppa í golfi
en Hulda mætir af og til í mót þegar þannig
liggur á henni.
Ragnheiður: „Mér hefur gengið vel að
undanförnu, sigraði í mínum flokki á
meistaramóti GKG og einnig á Íslandsmóti
+35 í Vestmanneyjum. Ég hef haft mikið
fyrir þessu og ég þarf að fara til golfkennara
til að ná lengra. Ég skrái nánast alla hringi
og forgjöfin getur varla verið réttari hjá
mér. Mér sárnaði mikið í golfferð á Spáni
þar sem ég var sögð vera forgjafarsvindlari
eftir að hafa leikið flesta hringina á 39-
42 punktum. Það var varla klappað við
verðlaunaafhendingu á lokamótinu í þessari
ferð og mér fannst þetta skrítið hugarfar.
Fararstjórinn í þessari ferð gerði síðan vel að
slökkva þessa umræðu en þetta var óþarfi.“
Hulda: „Ég fer ekki eins mikið í mótin og
Ragnheiður. Mér líður bara vel með það
sem ég er að gera. Eina sem ég sé eftir er
að hafa ekki gefið þessari frábæru íþrótt
tækifæri fyrr, en það var kannski ekki mikill
tími sem ég hafði áður á meðan börnin voru
yngri. Núna hef ég meiri tíma og ég nýti
þann tíma bara enn betur.“
Ragnheiður: „Ég er sammála Huldu með
að hafa ekki gefið þessu tækifæri fyrr. Ég var
með fullt af fólki í kringum mig sem spilaði
golf. Ég kveikti bara ekki á perunni en það
þýðir ekkert að velta því fyrir sér. Ég er að
upplifa frábæra tíma núna og það er aldrei
of seint að byrja.“
Hulda horfir hér á eftir vel heppnuðu
upphafshöggi. Mynd/seth@golf.is
Ragnheiður slær hér upphafshögg á
8. braut í Mýrinni hjá GKG. Mynd/seth@golf.is
Eru verkir
að hækka
forgjöfina?
Fyrir
íþróttafólk og
aðra sem hreyfa
sig mikið
Fyrir þá sem
sofa illa og glíma
við fótaóeirð
Fyrir alla
Sölustaðir: Flest apótek, heilsubúðir og heilsuhillur verslana
Kristín Dagný Magnúsdóttir: „Ég er mikið í golfi og stunda
samhliða aðra líkamsrækt svo til daglega. Ég hef glímt
við beinhimnubólgu frá unga aldri ásamt því að þreyta og
pirringur í fótum hefur gert mér erfitt fyrir að sofna á kvöldin.
Ég heyrði fyrst af Magnesium Oil spreyjunum frá Better
You fyrir tveimur árum og þau hafa hjálpað mér gríðarlega
mikið. Spreyið hjálpar mér mikið með beinhimnubólguna
og nú sef ég eins og ungabarn á nóttunni. Maðurinn minn
hafði ekki mikla trú á þessu í fyrstu en hann hefur einnig verið að glíma við fótaóeirð,
sérstaklega eftir langar gönguferðir eða annasaman dag. Eftir að hann prófaði
spreyið þarf hann ekki lengur að vera sífellt að færa fæturna til í nýja legu á nóttunni
og sefur miklu betur. Við mælum heilshugar með spreyjunum. Þau virka fyrir okkur.“
28 GOLF.IS - Golf á Íslandi
„Aldrei of seint að byrja“