Golf á Íslandi - 01.10.2016, Side 32

Birgir Leifur Hafþórsson úr GKG og Ólafía Þórunn Kristinsdóttir úr GR
fögnuðu sigri á Íslandsmótinu í golfi á Eimskipsmótaröðinni 2016. Mótið fer
í sögubækurnar á mörgum sviðum og þá sérstaklega að skor keppenda
var frábært og gefur skýra mynd af því að golfíþróttin á Íslandi er í mikilli
framför.
Þar ber hæst að Ólafía og Valdís Þóra
Jónsdóttir úr Leyni voru báðar á betra
skori en efstu keppendurnir í karlaflokki.
Ólafía setti nýtt og glæsilegt mótsmet í
kvennaflokki með árangri sínum en hún lék
á -11 samtals og Valdís var á -8 samtals.
Birgir Leifur, sem varð fertugur í maí á þessu
ári, setti nýtt met í karlaflokki. Hann er
núna sigursælasti karlkylfingurinn á Íslands­
mótinu frá upphafi. Birgir Leifur landaði
sínum sjöunda Íslandsmeistaratitli eftir
hörkubaráttu á lokahringnum en hann lék
á -8 samtals og var einu höggi betri en Axel
Bóasson úr GK og Bjarki Pétursson úr GB.
Það má segja að Birgir Leifur hafi hitnað
eins og díselvél þegar leið á 75. Íslandsmótið
í karlaflokki. Fyrir lokahringinn var hann
í 7. sæti á -3 samtals og þegar hann átti 9
holur eftir var hann enn þremur höggum á
eftir efstu mönnum. Birgir fékk fugla á 10.,
13. og 15. braut. Það ótrúlega gerðist síðan á
17. flöt þar sem hann fékk fimmta fuglinn á
lokahringnum. Á 71. holu var Birgir Leifur
í fyrsta sinn í efsta sæti mótsins. Hann fékk
síðan par á 18. brautina og lék á -8 samtals.
Axel og Bjarki fengu báðir tækifæri til
þess að jafna við Birgi Leif þegar þeir
léku tvær síðustu holurnar. Bjarki var
hársbreidd frá því að fá fugl á 18. braut
sem hefði tryggt umspil gegn Birgi um
Íslandsmeistaratitilinn. Axel hafði síðan
betur gegn Bjarka á annarri holu í bráða­
bana um annað sætið. Bjarki lék allar 18
holurnar á lokahringnum á pari og er það
án efa einstakt í sögu Íslandsmótsins á
lokahring. Axel Bóasson var ansi nálægt því
að fá fugl á 17. holuna og spennan var því
gríðarleg á lokahringnum.
„Þetta var ljúft og þetta mót var frábært,
gríðarlega gaman að standa uppi sem
sigurvegari eftir svona harða keppni.
Breiddin er alltaf að aukast og það er
frábært fyrir golfíþróttina á Íslandi að
Útsýnið af 15. teig er stórkostlegt
á Jaðarsvelli og hér slær Birgir
Leifur upphafshöggið á þriðja
keppnisdeginum. Mynd/seth@golf.is
Haukur Örn Birgisson
forseti GSÍ smellti
í eina rándýra
sjálfu með Íslands­
meisturunum
eftir verðlauna­
afhendinguna.
Mynd/seth@golf.is
þú þarft nesti
á ferðinni
Nýtt og ferskt Nesti bíður þín hvar sem þú ferð um
landið. Sem fyrr tökum við vel á móti þér með nýbakað
og ilmandi bakkelsi, matarmikil salöt, frískandi boozt og
eðal kaffidrykkir sem þú getur gripið með þér eða notið
hjá okkur í rólegheitunum.
Nesti er hluti af
32 GOLF.IS - Golf á Íslandi
Íslandsmótið í golfi 2016