Golf á Íslandi - 01.10.2016, Síða 48

Íslenskir kylfingar náðu
frábærum árangri á Opna
sænska meistaramótinu
í golfi fyrir fatlaða sem
fram fór í Kalmar í lok
ágúst s.l. Golfsamtök
fatlaðra sendu þrjá
fulltrúa frá Íslandi til
keppni en þeir eru allir úr
Golfklúbbnum Keili.
Sveinbjörn Guðmundsson sigraði í A-flokki
en þar kepptu þeir sem voru með 11,4 í
forgjöf eða lægra. Elín Ólafsdóttir sigraði í
B-flokki þar sem hún lék á fjórum höggum
yfir pari með forgjöf en þar kepptu kylfingar
með 25 eða hærra í forgjöf. Þóra María
Fransdóttir varð þriðja á 25 höggum yfir pari
vallar með forgjöf.
Sveinbjörn lék á 77 og 80 höggum og var
á einu höggi undir pari með forgjöf. Hann
var einu höggi betri en heimamaðurinn
Alexander Forsman.
Keppendurnir fengu styrk til ferðarinnar
úr minningasjóði Harðar Barðdal en hver
keppandi fékk 75.000 kr. styrk úr sjóðnum.
„Þetta var frábær ferð, umgjörðin minnti
á Íslandsmótið á Jaðarsvelli í sumar, og
keppnisvöllurinn var einn sá besti sem
ég hef leikið,“ segir Sveinbjörn í samtali
við Golf á Íslandi. Hann er með 5,2 í
forgjöf en hann keppti í flokki kylfinga
sem eru með taugasjúkdóma. Sveinbjörn
er með Tourette Syndrome (TS) sem er
taugasjúkdómur sem stafar af ójafnvægi á
boðefnaflæði í heilanum. „Þessi sjúkdómur
háir mér ekki mikið í golfinu en þetta var
erfiðara þegar ég var yngri. Þetta mót er eitt
það skemmtilegasta sem ég hef upplifað og
Svíarnir stóðu virkilega vel að þessu móti,“
bætti Sveinbjörn við en hann er 25 ára
gamall tækniskólanemi og æfir af krafti með
afrekshóp Keilis.
– Kylfingar úr Golfsamtökum
fatlaðra sigursælir í Kalmar
Frábær árangur
Sveinbjörn Guðmundsson,
Þóra María Fransdóttir og
Elín Fanney Ólafsdóttir.
48 GOLF.IS - Golf á Íslandi
Frábær árangur