Golf á Íslandi - 01.10.2016, Qupperneq 115

Skorkortið hjá Henrik Stenson var magnað eins og sjá má. Mynd/Twitter.
Henrik Stenson sýndi magnaðan leik þegar mest á
reyndi á lokahringnum á 145. Opna breska meistara­
mótinu sem fram fór á Royal Troon vellinum dagana
14.-17. júlí s.l.
Þar buðu sænski kylfingurinn og Banda­
ríkjamaðurinn Phil Mickelson upp á
sannkallað einvígi sem verður lengi í
minnum haft. Stenson, sem er fertugur,
hafði eitt högg í forskot á hinn 46 ára gamla
Mickelson sem hafði einu sinni fagnað
sigri á Opna breska og fimm sinnum alls á
risamótum. Stenson átti enn eftir að brjóta
ísinn og sagan var ekki með Stenson í liði
því meðalmennska hafði einkennt leik
hans á lokahringjum risamóta. Það breyttist
svo sannarlega á sólríkum sunnudegi við
vesturströnd Skotlands.
Í stuttu máli lék Mickelson nánast
fullkomið golf og endaði á -17 samtals en
hann varð samt sem áður að lúta í lægra
haldi fyrir Stenson sem var ótrúlegur og
jafnaði mótsmet með lokahring upp á 63
högg.
Golfsérfræðingar víðsvegar um veröldina
áttu varla orð til þess að lýsa því sem
átti sér stað á Royal Troon. Flestir eru
sammála um að þar hafi farið fram eitt
mesta einvígi allra tíma á lokadegi Opna
breska meistaramótsins. Aðeins einvígi
Bandaríkjamannanna Jacks Nicklaus og
Toms Watson á Turnberry árið 1977 kemst
næst þessu, þar sem Watson hafði betur.
Skildu aðra keppendur
eftir í rykinu
Stenson og Mickelson skildu aðra
keppendur eftir í rykinu í góðviðrinu á
Royal Troon og ljóst að lokadagurinn
yrði aðeins keppni á milli þeirra tveggja.
Stenson hóf lokahringinn á 12 höggum
undir pari vallar og var höggi betri en
Mickelson. Taugarnar voru þandar hjá
Stenson á fyrstu holunni. Hann þrípúttaði
og Mickelson fékk fugl. Hinn þaulreyndi
Mickelson var strax kominn í forystu eftir
fyrstu holuna á lokahringnum, fimmfaldur
risamótsmeistari og til alls líklegur. Stenson
virtist vera óstyrkur, þrípúttaði fyrstu flötina
og reynslan var með Mickelson í liði á
þessum tíma.
Á næstu 17 holum buðu þeir Stenson og
Mickelson upp á golfsýningu sem verður
vart leikin eftir í bráð. Þeir slógu mögnuð
Claret Jug á loft. Henrik Stenson braut
ísinn þegar mest á reyndi og lék magnað
golf á lokahringnum. Mynd/golfsupport.nl
– Magnaður
lokahringur hjá
Henrik Stenson
á Royal Troon
Ísinn brotinn
116 GOLF.IS - Golf á Íslandi
Ísinn brotinn