Bautasteinn - 01.04.2002, Page 11

11
hafi verið flutt í kirkjugarðinn í Aðalstræti
í upphafi og síðan voru allir Reykvíkingar
jarðsettir þar næstu 800 árin.
ÞRJÁTÍU KYNSLÓÐIR
HVÍLA Í GARÐINUM
Á þessu tímabili var garðurinn
stækkaður nokkrum sinnum eftir þörfum,
en árið 1838 tók Suðurgötugarðurinn við.
Talið er að allt að 30 kynslóðir Reyk-
víkinga hvíli í garðinum og þar stóð
Víkurkirkja til ársins 1796 er Dómkirkjan
var vígð. Ekki er víst að allir vegfarendur
átti sig á því að þar sem nú eru stræti og
torg var áður stærsti kirkjugarður
landsins um margra alda skeið.
Árið 1883 tók Schierbeck landlæknir
garðinn á leigu og ræktaði ýmsar jurtir og
tré og enn standa þar tré sem hann
gróðursetti. Árið 1893 tók Halldór
Daníelsson bæjarfógeti við garðinum og
fékk garðurinn þá nafnið Bæjar-
fógetagarðurinn. Þegar verið var að reisa
húsnæði Landssímans á sínum tíma, í
kringum 1930, komu upp nokkrar minn-
ingarplötur af leiðum sem síðan hafa
verið uppsettar í garðinum.
FRAMKVÆMDIR FRAMUNDAN
Nú standa fyrir dyrum umfangsmiklar
framkvæmdir vegna fornleifafundar í
Aðalstræti og hafa verið gerðar ýmsar
tillögur um útfærslu þeirra og tengingu
við Víkurgarðinn. Eins og sjá má á grunn-
myndinni sem fylgir greininni þá sést
Víkurgarðurinn til vinstri og með þessum
hætti munu þessir tveir merku staðir í
sögu Reykjavíkur tengjast, skálinn frá
upphafi byggðar og kirkjugarðurinn frá
upphafi kirkjuhalds í borginni. Saga
garðsins mun án efa skýrast betur þegar
hluti hans verður grafinn upp vegna
fyrirhugaðra framkvæmda og verður
sagan höfð að leiðarljósi við hönnun
inngangs í sýningarskálann og garðinn.
Þann 16. júní árið 2000 afhenti
biskup Íslands hr. Karl Sigur-
björnsson, fyrir hönd skipulags-
nefndar kirkjugarða, Reykjavíkur-
borg minnisvarða um hinn forna
Víkurkirkjugarð.
Unnið var að uppsetningu
minnisvarðans í samráði við menningarmálanefnd, umferðar- og skipulagsnefnd Reykjavíkur, auk embættis garðyrkjustjóra.
Verkið stendur á horni Aðalstrætis og Kirkjustrætis og er það samsett úr þremur grásteinum sem eru á bilinu 1.72 – 2
metrar á hæð og er raðað saman með u.þ.b. 25 sm millibili. Bakhliðar steinanna eru með náttúrlegri áferð, hliðarnar tilhöggnar
og á framhliðum eru lágmyndir höggnar í sagaðan flöt sem vísa til sögu garðsins og kristni á Íslandi. Verkið er gert af lista-
manninum Páli Guðmundssyni frá Húsafelli.
Listamaðurinn, Páll Guðmundsson,
að störfum við gerð minnisvarðans,
en hann var unninn hjá
Steinsmiðju S. Helgasonar.
Mynd: Magnús Reynir Jónsson