Bautasteinn - 01.04.2002, Blaðsíða 20

20
Eins og sagt var frá í Bautasteininum á
síðasta ári hafa Kirkjugarðar Reykjavíkur-
prófastsdæma unnið að undirbúningi
heimsókna grunnskólabarna í kirkju-
garðana undanfarið ár og nú nýverið kom
fyrsti hópurinn í heimsókn í Fossvogs-
garð í Reykjavík.
Tilgangur heimsóknanna er að fræða
börnin um dauðann og gera þau hæfari til
að mæta og vinna úr áföllum vegna ást-
vinamissis og gefa þeim tækifæri til að
ræða þessi mál út frá eigin forsendum og
í samhengi við námsefnið sem farið er
yfir í heimsókninni. Námsefnið er sent
með tveggja vikna fyrirvara til skólanna
og ákveða skólastjóri og kennarar með
hvaða hætti þeir tengja námsefnið skóla-
starfinu og að lokum kemur hópurinn svo
í heimsókn í Fossvogskirkju.
Um er að ræða 7. bekk, sem eru tólf
ára börn, og virðist sá aldur mjög mót-
tækilegur fyrir efninu og er áhugi þeirra
mikill. Heimsóknin fer þannig fram að
hópurinn kemur að morgni dags og horft
er á myndbandið „Frá vöggu til grafar,“
en heildardagskráin tekur um 60 mínútur.
Eftir sýningu myndarinnar tekur við fyrir-
lestur með myndrænu ívafi og svo eru
umræður þar sem nemendum gefst kost-
ur á að spyrja fyrirlesarann.
Stefnt er að því að níu skólar heimsæki
Fossvogskirkju á þessu misseri, en heim-
sóknin er skólunum að kostnaðarlausu, ef
undanskilinn er akstur með börnin til og
frá kirkju. Á næsta skólaári er ætlunin að
taka á móti hópum frá nóvember og út
janúar 2003.
Fræðsluefni þessu verður svo væntan-
lega dreift innan Kirkjugarðasambands
Íslands og er því mögulegt að
grunnskólar víða um land geti boðið
nemendum sínum svipaða fræðslu í
samvinnu við kirkjugarða á staðnum eða í
héraðinu.
Suðurgötugarður var aðalkirkjugarður Reykjavíkur frá
árinu 1838, en árið 1932 var búið að úthluta öllum leiðum í
garðinum og hafin ný úthlutun í Fossvogsgarði. Enn er þó
jarðsett í frátekin leiði í Suðurgötugarði og er fyrirsjáanlegt
að svo verði um nokkurn árafjölda.
Unnið hefur verið að nýju deiliskipulagi fyrir
garðinn sem er nú til umfjöllunar hjá
Reykjavíkurborg. Helstu nýmæli þess eru að
aðkoma að garðinum er skilgreind, svo og
tengistígar um garðinn. Svæðið innan veggja
garðsins verður hverfisverndað s.b. 4. kafla
skipulagsreglugerða nr. 400/98, gr. 4.22., að-
gengi að garðinum verður auðveldað með
almenna útivist í huga og komið verður upp
sýningarsvæði í garðinum þar sem saga
garðsins verður kynnt gestum.
Meginmarkmið hverfisverndar er að varðveita
einstakt menningarsögulegt yfirbragð garðsins
vegna minningarmarka og ræktunarsögu, en í
garðinum er að finna eitt merkasta safn minn-
ingarmarka hér á landi. Einnig er að finna fjöl-
breytt safn trjátegunda í garðinum sem setja
mikinn svip á miðborgarmyndina.
Suðurgötugarður er undir yfirumsjón KGRP, en stofnuð
hefur verið þróunarnefnd skipuð fulltrúum frá Fornminja-
vernd ríkisins, Biskupsstofu og Reykjavíkurborg, auk KGRP
sem er til ráðgjafar við að móta verndarstefnu í garðinum.
NÝTT DEILISKIPULAG FYRIR
SUÐURGÖTUGARÐ Í LOKAVINNSLU
HEIMSÓKNIR SKÓLABARNA TAKAST VEL
Úr Suðurgötugarði.
Nemendur 7. bekkjar Breiðagerðisskóla í heimsókn í Fossvogskirkju.
Þ. R.
M. R. J