Helgarpósturinn - 18.03.1983, Síða 13

~ípl5sturinn_ Föstudagur 18.mars 1983
• c k t * - *• « ■ ' t
13
leioariosi

með mynd af allsberum körlum!! Hefurðu á
ævinni heyrt nokkuð ógeðslegra?
— Ja þetta er svona álíka ógeðslegt og
nektarmyndir af konum hangandi víðsvegar
upp á vegg hjá körlum. Heilu verkstæðin
veggfóðruð með berum rössum og berum
brjóstum.
— Elskan mín það er nú svo algengt maður
kippir sér ekkert upp við það. Er þetta bara
ekki minnimáttarkennd í þér af því þú ert með
svo lítil brjóst!
— Þau eru nú ekki lítil núna, full af mjólk.
— Ég hef nú sem betur fer aldrei haft það’
vandamál að vera með lítil brjóst. Enda veit ég
að Elli hefði aldrei litið við mér ef ég notaði
brjóstahaldara nr. 32A. Minn maður vill hafa
hold á réttum stöðum, eins og hann segir líka
sjálfur þessi elska, hann er svo fyndinn „þú
húkkaðir mig á brjóstunum, kerling". Hann
hefur alveg óborganlegan húmor. Nei ef ég á
að segja þér eins og er þá held ég að það sé
bara eitt sem sameini þessar kvennajafnréttis-
brussur og það er hvað þær eru eitthvað ófríð-
ar og ólögulegar enda ná þær ekki i neina eig-
inmenn hvernig sem þær reyna. Og þær ætla
með þetta baráttumál á þing.
— Hvað með alla karlana í flokkunum ef
nota ætti sömu mælistiku. Á þá að banna
þeim að taka þátt í pólitísku starfi ef þeir eru
t.d. ófríðir, þunnhærðir, rasssíðir, ístrubelgir
og gjörsneiddir því að vera kyntákn. •
. — Mér blöskrar alveg hvað þú getur verið
orðljót um þessa duglegu menn.
— Eru þetta ekki lýsingarnar á þessum
konum?!
— Nei þú sérð það nú sjálf að þessar konur
sem berjast fyrir málstað kvenna erti nú bara
upp og ofan í útliti eins og gengur og gerist.
— En það er ekki bara það, þær eru svo á-
rásargjarnar þessar konur. Ég skal bara segja
þér að Árni vinur hans Ella var að segja okkur
frá því að systir hans á kunningjakonu sem
býr í sama stigagangi og ein af þessum konum
sem var framarlega á lista hjá þeim og sú gerði
sér lítið fyrir og sparkaði í manninn sinn svo
hryllilega að hún ristarbrotnaði. Þetta var víst
alveg hræðilegt. Og málið var það að hún
hafði skipað honum að vaska upp en hann
hafði bara beðið um að horfa á fréttirnar í
sjónvarpinu fyrst og þá bara gjörsamlega
brjálaðist hún og sparkaði og sparkaði. Hún
er víst í gifsi núna konan.
ViÖtalsbil
— Elskan mín, þú ert ábyggilega að tala um
hana Sísi vinkonu, hún ristarbrotnaði einmitt
um daginn. Þau voru að dansa hún og maður-
inn hennar og hann steig ofan á hana, óvart,
svo hún brákaði á 'sér ristina. Hún Sísí sagði
mér þetta sjálf.
— Elskan mín, þú átt ekki að trúa öllu sem
þú heyrir, fyrir utan að þetta hefur ábyggilega
verið allt önnur kona á listanum. En talandi
um fótbrot þá man ég allt í einu að mér var
sögð svo nöturleg saga af annarri af þessum
tveim með þennan leiðinda útvarpsþátt, þessi
Edda held ég, hún var víst að rífast í mannin-
um sínum og var víst alveg ofboðslega ósvífin
og dónaleg við hann, óskammfeilnin uppmál-
uð! Og það er ekkert með það nema hvað það
fýkur í veslings manninn og hann missir
stjórn á sér andartak og danglar rétt aðeins í
hana með löppinni — skyldi engan undra!
Nema hvað heldurðu að löppin hafi ekki lent
á einhverju beini og hún fann ekki fyrir neinu
en hann veslings maðurinn mátti staulast upp
á slysavarðstofu með brákaða tá! Heldurðu
að það sé hryllilegt. Og allt henni að kenna
búin að æsa manninn svona upp. Ég hef lika
heyrt það að hann sé loksins að losa sig við
þessa konu, og ef þau eru ekki nú þegar skilin
þá eru þau bara rétt óskilin.
— Það er kannski best að halda sig við það
sem þú sagðir áðan að trúa ekki öllu sem mað-
ur heyrir.
— Nú þetta var nú hvorki meira né minna
en haft beint eftir vinkonu hennar, hinni
þarna með þáttinn, þessari Helgu eða hvað
hún nú heitir, sem er víst ekkert betri sjálf.
Hún er nú bara búin að koma öllu, segi og
skrifa öllu, yfir á manninn sinn. Bara sem
dæmi þá lætur hún hann alltaf elda matinn,
hugsaðu þér allar máltíðir. Maður spyr nú
bara sjálfan sig, hvað er manneskjan að gera
á heimilinu á meðan?
Ekki nóg með það, heldur sagði hún
Halla hans Svenna sem býr þarna í sama húsi,
hún var einu sinni stödd í þvottahúsinu og
heyrir þá að þessi manneskja er að æsa sig
svona ofboðslega og heimtar að maðurinn
passi barnið líka. Á meðan hann er að elda
matinn!!! Þvílík ótrúleg tilætlunarsemi! Gott
ef hún ætlaði bara ekki að leggja sig á meðan
eða eitthvað svoleiðis. Og hann fór auðvitað
að malda í móinn og benda henni á að það sé
ekki auðvelt að sinna barni á meðan maður er
að snúa við kjöti á pönnu. Þetta er víst alveg
frábær kokkur. Og þá flýtti Halla sér bara
upp. Hugsaðu þér vanþakklætið í þessari
manneskju, að kunna ekki gott að meta.
Gengur stöðugt á lagið.
Viötalsbil
— Ég veit ekki betur en meirihluti kvenna
lagi mat daglega og gæti barnanna samtímis
og fara létt með það. Ég myndi örugglega geta
gert þetta hvorutveggja ef ég eldaði matinn
heima hjá mér.
— Svo er víst alveg frægt að pabbarnir eru
látnir sækja börnin á barnaheimilið fyrir
þessar kerlingar!!
— En yndislegt, mér finnst alltaf svo gam-
an þegar feður fá tækifæri til að taka þátt i
þessu daglega amstri með börnin.
— Ég á bara ekki til nema eitt orð yfir þetta
framapot í þessum konum sýknt og heilagt og
það er hrein svívirða!
— Skrítið þegar þú segir þetta, ég hef aldrei
heyrt þessa lýsingu á karlmönnum sem eru að
pota sér áfram. Skrítið, það hefur aldrei þótt
svívirðilegt.
— Þó ekki væri, hver ætti þá líka að stjórna
þjóðfélaginu ef ekki þeir?
— Það er einmitt stóra spurningin. Eiga
karlmenn að stjórna þjóðfélaginu eða getum
við kannski sameinast um það karlar og kon-
ur?
— Elskan mín auðvitað vitum við það allar
að við konurnar stjórnum nú á bak við tjöld-
in, og mér finnst nú bara að við getum verið
ánægðar með það.
— Já, já einhvers staðar las ég að eitt er að
hafa óbein áhrif og annað að hafa völd, en
það hefur nú trúlega verið haft eftir karl-
manni. Það eru svo margar hliðar á þessu
máli.
— Já, það er akkúrat það. Það er svo mikið
um dulinn áróður og besta fólk jafnvel verður
fyrir þessu. T.d. var Elli að segja mér frá Þorra
kunningja sínum sem er víst giftur einni af
þessum konum og er víst orðinn gjörsamlega
heilaþveginn af þessu og hann hefur verið að
segja Ella alls kyns fáránlega kvennabrandara
eftir konunni sinni. Eins og einn sem er nú al-
veg óskiljanlegur: „Kona án karlmanns er
eins og fiskur án reiðhjóls“!!! Hugsaðu þér,
hver skilur þetta? Og svo eru þær með alls
konar útúrsnúninga, eins og „frænkur eru
frænkum bestar“ og „ber er hver að baki
nema sér systur eigi“. Ég meina það, bullið í
þeim. Heyrðu, hefurðu svo ekki heyrt slagorð-
ið þeirra? „Fleiri brjóst í borgarstjórn, með
leg að leiðarljósi"!! Hefurðu heyrt nokkuð
eins klúrt og ógeðslegt??
— Já þetta er þrælgott. „Sameinaðar
stöndum vér, sundraðar föllum vér“. Það er
nú ákveðinn ferskleiki yfir þessum húmor,
svona sem mótvægi við alla tengdamömmu-
brandara, viðbrennduhúsmæðrabrandarana
og brjóstastóru einkaritarabrandarana.
— Það skín bara svo í gegnum þennan ó-
skiljanlega húmor þeirra hvað þær eru gegn-
sýrðar af karlahatri og fyrirlitningu. Það
finnst mér lýsa þeim best.
— Eru þá allir sem hafa hlegið að hinum
bröndurunum á kostnað kvenna gegnsýrðir af
kvennahatri?
— Nei elskan mín, það er allt annað mál,
það eru bara saklausar skrítlur. Jæja elskan
mín, ég verð að drífa mig, EIli er að kalla. Ég
verð að setja fótanuddtækið í samband fyrir
hann. Þau eru svo ægilega góð fyrir menn sem
vinna svona mikið eins og hann Elli minn.
Hann er bara allur annar maður eftir að ég gaf
honum þetta tæki. Þú þyrftir endilega að
kaupa eitt handa þínum.
— Mér veitti nú ekkert af að fá mér svona
tæki sjálf til að hressa upp á lappirnar eftir að
hafa þrammað bæinn á enda með barnavagn-
inn. Láttu ekki Ella bíða, ég heyri i þér seinna.
Bless elskan.
og Eflfla BlOrgvinsflóiiir