Helgarpósturinn - 22.09.1983, Blaðsíða 21

hftzl cji' ’ r%i >
-Jlflcitl //-//-^/-^Fimmtudagur 22. september 1983
21
Gagnkvæmur trúnaður
Útideild Félagsmálastofnunar
Reykjavíkurborgar hefur nokkra
sérstöðu á meðal þeirra aðila sem
láta sig málefni unglinga nokkru
skipta. Við hittum að máli tvo
starfsmenn utideildarinnar, þær
Eddu Ólafsdóttiir og Stefaníu
Sörheller, og spurðum þær fyrst um
starfsemi deildarinnar og kynni
þeirra af unglingum:
„Útideildin samanstendur af átta
starfsmönnum" gátu þær upplýst,
þar af er einn fastráðinn og annast
skrifstofustörf og þ.h. hinir eru
lausráðnir. Við vinnum á vöktum á
kvöldin og um helgar með og fyrir
unglinga. Starfið er sérstakt að því
leyti að við förum til krakkanna þar
sem þeír safnast saman, t.d. við fé-
lagsmiðstöðvar, biðskýli, sjoppur, á
Hallærisplaninu eða hvar sem er.
Krakkarnir taka okkur undantekn-
ingalítið mjög vel, það ríkir gagn-
kvæmur trúnaður á milli okkar,
trúnaður sem hefur tekið tíma að
byggja upp. Þetta er mjög mikil-
vægt atriði, því að krakkarnir verða
að fá á tilfinninguna að það sé ekki
verið að ráðskast með þá og að við
lítum á þá sem jafningja. Starfið er
annars vegar fyrirbyggjandi — þ.e.
við reynum að koma í veg fyrir að.
krakkar lendi í vandræðum. Hins
vegar er það fólgið í að leysa úr
þeim vandræðum sem þeir eiga við
að etja, svo sem í skóla, á heimili, í
sambandi við atvinnuleysi, vímu-
efnaneyslu o.s.frv.
Reykjavikurborg hefur nýlega
keypt hús undir starfsemi útideild-
arinnar og er það að Tryggvagötu 4.
Hingað geta krakkarnir komið á
daginn og á kvöldin, og á föstu-
dagskvöldum er starfsmaður hérna
í húsinu fram eftir nóttu. En rétt er
að taka fram að auðvitað erum við
opin fyrir því að allir unglingar leiti
til okkar — ekki aðeins þeir sem
eiga við „vandamál“ að stríða. Við
leggjum áherslu á að tala við sem
flesta — eitt markmið okkar er að
safna ítarlegum upplýsingum um
börn og unglinga í Reykjavíký
sögðu þær Edda og Stefanía. Því
næst voru þær spurðar að því hvort
þær hefðu veitt eftirtekt auknu of-
beldi unglinga.
Svæsið bíó og vídeó
„Auðvitað verðum við vitni að
slágsmálum krakkannaý svöruðu
þær „þeir slást bæði í góðu og illu.
En ofbeldi í mynd hópa sem ganga
um og misþyrma hverjum sem fyrir
verður — það teljum við ekki hafa
færst í vöxt. Aftur á móti er mikið
ofbeldi allt í kring um krakkana.
Eitt helsta áhugamál þeirra virðist
vera að horfa á myndir í bíó og
vídeó sem oft eru mjög svæsnar. En
mesta hættan er ekki endilega fólg-
in í því að krakkarnir gangi í skrokk
hver á öðrum. Hitt getur reynst al-
varlegra þegar fullorðnir menn leita
á bæði stúlkur og pilta — þar er um
að ræða kynferðislega áreitni allt
frá dónalegum athugasemdum upp
í það að vera dreginn inn í skúma-
skot og nauðgað. Þá er mjög vara-
samt fyrir krakka að vera að húkka
bíla á kvöldin bílstjórar eiga það til
að aka á afvikna staði og beita þar
krakkana valdi. Nauðganir eru
sjaldan kærðar og viðbrögð yfir-
valda í þess háttar málum eru ekki
nógu markviss.
Algengt vandamál hjá krökkum
er sambandsleysi við foreldra. Oft
vilja foreldrarnir allt fyrir krakkana
gera, en hafa ekki tíma til að sinna
þeim vegna þess að þeir vinna svo
mikið og kemur þá rót á fjölskyldu-
lífið. Margir krakkar myndu vilja
vera meira heima, en eira þar ekki
og finnst þeir ekkert hafa þangað
að sækja. Ekki bætir úr skák ef um
er að ræða ofbeldi á heimilum. Því
miður kemur fyrir að okkur berast
upplýsingar um það að foreldrar
berji börn sín eða pabbi sé alltaf að
lemja mömmu og fleira í þeim dúr.
Það geta allir séð hversu dapurlegt
er að alast upp við slíkt.
Aðstöðuleysi og
vímuefnamál
Undanfarna mánuði höfum við
orðið vör við að heimilislausum
unglingum hefur fjölgað, ungling-
um sem búa á götunni í orðsins
fyllstu merkingu. Ástæðurnar eru
margslungnar: þeir eiga ekki fjöl-
skyldu sem þeir geta leitað til eða
hafa verið reknir að heiman eða
geta einfaldlega ekki hugsað sér að
vera heima af ýmiss konar ástæð-
um, en leita sér náttstaðar í hita-
kompum og vinnuskúrum. Þessum
krökkum er mjög brýnt að hjálpaf
Að lokum sögðu Edda og
Stefanía:
„En þegar yfir heildina er litið er
tvennt sem ráða þarf bót á í málefn-
um unglinga á Stór-Reykjavíkur-
svæðinu: aðstöðuleysið og vímu-
efnamálin. Það bráðvantar aðstöðu
sem hentar öllum unglingum, en
ekki aðeins þeim sem vilja vera í
skátum eða íþróttum og slíku.
Unglingarnir verða að fá stað sem
þeir geta ráðið einhverju um, því að
það hefur sýnt sig að þeir eru færir
um að axla ábyrgð. — Á hinn bóg-
inn er enginn vafi á því að neysla
vímuefna hefur aukist mjög upp á
síðkastið meðal unglinga — fyrir
utan vínið virðist vera nóg framboð
á hassi, pillum af ýmsu tagi og
sniffefnum. Reyndar höfum við
ekki haft tök á að kynna okkur
málið nógu vel, en við lítum á það
sem skyldu stjórnvalda að bregðast
við vandanum, rannsaka orsakir
hans og finna á honum lausn. Til
þess þarf að sjálfsögðu nokkurt
fjármagn, — en er ekki meira um
vert að byrgja brunninn áður en
það er orðið of seint?“
Heiðurslaun
Brunabótafélags
íslands
1984
I tilefni af 65 ára afmæli
Brunabótafélags Islands
1. janúar 1982, stofnaðistjórn félagsins til
stöðugildis hjá félaginu til þess að gefa ein-
staklingum kost á að sinna sérstökum verk-
efnum til hags og heilla fyrir íslenskt samfé-
lag, hvort sem er á sviði lista, vísinda, menn-
ingar, íþrótta eða atvinnulífs. Nefnast starfs-
laun þess, sem ráðinn er:
HEIÐURSLA UN
BR UNABÓTAFÉLAGS ÍSLANDS.
O
Stjórn B. í. vetirheiðurslaunþessisamkvæmt
sérstökum reglum og eftir umsóknum. Regl-
urnarfástáaðalskrifstofuB.í. aðLaugavegi
103 íReykja vík.
O
Þeir, sem óska aðkoma tilgreina viðráðn-
ingu ístöðuna á árinu 1984 (að hluta eða allt
árið)þurfa aðskila umsóknum tilstjórnar
félagsins fyrir 10. okt. 1983.
Brunabótafélag íslands