Helgarpósturinn - 02.05.1985, Side 10
HP
HELGARPÓSTURINN
Ritstjórar:
Ingólfur Margeirsson og
Halldór Halldórsson
Blaðamenn: Edda
Andrésdóttir, Jóhanna
Sveinsdóttir og Sigmundur
Ernir Rúnarsson
Útlit: Elfn Edda
Ljósmyndir: Jim Smart
Handrit og prófarkir:
Magnea Matthíasdóttir
Útgefandi: Goðgá h/f
Framkvæmdastjóri:
Hákon Hákonarson
Auglýsingar:
Steinþór Ólafsson
Innheimta:
Garðar Jensson
Afgreiðsla: Ásdfs Bragadóttir
Ritstjórn og augiýsingar eru
að Ármúla 36, Reykjavík, slmi
8-15-11. Afgreiðsla og skrifstofa
eru að Ármúla 36.
Sími 8-15-11
Setning og umbrot:
Leturval s/f
Prentun: Blaðaprent h/f
Flokkarnir
læsast um blöðin
Mikið umrót er í íslenskum
dagblaðaheimi þessa dagana.
NT-ævintýrinu er lokið með
fjöldauppsögnum á báða bóga
og fremstur í útgönguliðinu er
ritstjórinn sjálfur, Magnús
Ólafsson. Pólitískur þrýstingur
er á Össur Skarphéðinsson, rit-
stjóra Þjóðviljans, fyrir sjálf-
stæð skrif hans um verkalýðs-
hreyfinguna. Ritstjóri Alþýðu-
blaðsins, Guðmundur Árni
Stefánsson, hefur sagt upp
störfum og enn er óráðið hver
kemur í hans stað eða hver fram-
tíð Alþýðublaðsins verður, því
að formaður Alþýðuflokksins,
Jón Baldvin Hannibalsson, hef-
ur gefið það í skyn að leggja
beri blaðið niður.
Að öllu samanlögðu er hér
um athyglisverða þróun að
ræða. Dagblöðin hafa undan-
farinn áratug þokast hægt og
sígandi frá flokkslínunni, breyst
úr steinrunnum málgögnum í
hlutlæg fréttablöð, þótt flokks-
liturinn hafi aldrei horfið alveg.
í kjölfar þessarar þróunar hefur
starfið innan Blaðamannafé-
lags íslands einnig dafnað, og
menn eru farnir að taka fagið
fram yfir flokkslínuna. Það er
þess vegna sorglegt að horfa
upp á hina köldu hönd flokk-
anna læsast aftur um dagblöð-
in. Augu flestra fjölmiðlanna
beinast einkum að NT. Þegar
þessari virðingarverðu tilraun
var hleypt af stokkunum fyrir
rúmu ári, lá byltingarkennd
hugsun að baki. Magnús Ólafs-
son, Sigurður Skagfjörð og
fleiri eru allt ungir menn sem
höfðu hug á að breyta stöðn-
uðu og dauðu framsóknarblaði
í lifandi og sjálfstæðan miðil.
Að vísu tókst þeim það aldrei
fullkomlega, einfaldlega vegna
þess að flokkurinn vildi ekki
sleppa hendinni gersamlega af
flokksmálgagninu og fjárhags-
lega þurfti blaðið bakhjall í
samvinnuhreyfingunni. öll
þessi sjónarmið sameinuðu
NT-menn í leiðarahaus undir
slagorðinu „Málsvari frjáls-
lyndis, samvinnu og félags-
hyggju."
Fyrsta útgáfumisserið var
frísklegt; á blaðið réðust úrvals-
menn og hugur var í blaðinu,
þótt það næði aldrei söluvæn-
legum prófíl. Hins vegar var
ekki nógu vel staðið að rekstrar-
hliðinni, og hvorki gerðar nauð-
synlegar fjárhagsáætlanir, út-
tekt á vörunni NT né markaði
fyrir hana. Þegar syrta tók í ál-
inn fjárhagslega, smáhrundi sú
lína sem Magnús Ólafsson rit-
stjóri reyndi að marka í upphafi,
og loks var svo komið að hinni
virðingarverðu tilraun hans
voru settir afarkostir sem hann
gat ekki sætt sig við. Nú er við-
búið að blaðið skreppi saman á
nýjan leik í lítið SlS- og Fram-
sóknarblað, og íslenskur fjöl-
miðlaheimur verði einu frjálsu
fréttablaði fátækari.
BRÉF TIL RITSTJÓRNAR
íslenska
kvikmynda-
ævintýriö
er rétt ad byrja
Sá sem þetta ritar á þad sameigin-
legt meö þeim fimm ágœtu kvik-
myndaleikstjórum sem viðrudu
skoðanir sínar um áthlutanir Kvik-
myndasjóðs í Helgarpóstinum þann
11. apríl sl., að vilja veg íslenskrar
kvikmyndagerðar sem mestan. En
ég finn mig knúinn til að gera at-
hugasemdir við þau ummœli
Hrafns Gunnlaugssonar að tslenska
kvikmyndaœvintýrið sé liðið.
Allt frá því útséð varð um að
mynd Hrafns, „Hrafninn flýgur'1,
fengi ekki nema brot af þeirri að-
sókn sem nauðsynleg var til að ná
uppí kostnað, hefur Hrafn leikið
hlutverk píslarvottsins. Hann hefur
margfaldlega lýst því yfir að hann sé
algerlega hættur að gera kvik-
myndir því aðstæður hér á landi
bjóði ekki uppá það. M.a. hefur
hann kvartað undan skilningsleysi
stjórnvalda á fjárþörf Kvikmynda-
sjóðs og reynt að koma sökinni á
óförum myndar sinnar að hluta á
Kvikmyndaeftirlitið sem bannaði
myndina innan tólf ára aldurs. Öll
stóru orðin verður hann nú að éta
ofaní sig, því nýlega barst honum
650 þúsund króna styrkur frá Kvik-
myndasjóði til að vinna handrit og
undirbúningsvinnu að næsta verk-
efni sínu, „Tristan og ísold". Það
verða að teljast gleðileg tíðindi að
Hrafni skuli hafa „snúist hugur" því
hann er slyngur kvikmyndagerðar-
maður og nógu ungur til að vera rétt
að byrja í stað þess að vera aö hætta.
Eg hygg að það hafi aldrei verið ætl-
un hans. Hann og aðrir alvöru kvik-
myndagerðarmenn vita það ósköp
vel að það er einfaldlega ekki hægt,
þetta er bara eitt af því sem verður
að gera.
Um tilganginn að baki hinum
stóryrtu yfirlýsingum Hrafns skal ég
ekki fjölyrða, en hverju hafa þær
áorkað? Það kæmi mér ekki á óvart
að þær hefðu, ásamt ýmsu öðru,
orðið þess valdandi að draga úr
áhuga almennings á íslenskum
kvikmyndum. Þær eru óneitanlega
afar slæmt „PR“ þegar íslenskt bíó
þarf einmitt á jákvæðri umfjöllun að
halda.
Lítum á hvernig hann rökstyður
andlát kvikmyndaævintýrisins á ís-
landi. Hann segir í viðtalinu við HP
að „mynd sem menn höfðu reiknað
með að yrði gróðalind, „Hvitir máv-
ar“, virðist eiga erfitt uppdráttar".
Spurningin er: Hverjir voru það
sem reiknuðu með „Hvítum máv-
um“ sem gróðalind? Jú, sjálfsagt
hafa aðstandendur myndarinnar og
ýmsir sem góðu eru vanir frá Stuð-
mannagenginu búist við að þeir
myndu kannski endurtaka leikinn
frá „Með allt á hreinu". Flest virðist
þó benda til þess að svo verði ekki.
Hversvegna? Það er of ódýrt að
skella skuldinni á misvitra gagnrýn-
endur. Hinn endanlegi dómur er
dómur áhorfenda og myndin virðist
einfaldlega hafa spurst illa út: Það
ætti að vera meginregla hvers kvik-
myndagerðarmanns sem stendur
frammi fyrir því að mynd hans hefur
fallið að leita orsakanna hjá sjálfum
sér en ekki einhverju fólki útí bæ. Sú
tíð er algerlega liðin að íslendingar
sæki innlenda bíómynd af jjjóðern-
isástæðunni einni saman. lslenskar
bíómyndir eiga nú í harðri sam-
keppni við vandaðasta afþreyingar-
iðnað í heimi, þ.e.a.s. þann banda-
ríska og breska, en til að standast þá
samkeppni er frumskilyrði að menn
viðurkenni þessa staðreynd og hagi
gjörðum sínum í samræmi við hana.
Þegar þróunin hefur orðið sú að
flestar íslenskar myndir kolfalla í að-
sókn er virkileg þörf á því að menn
velti fyrir sér hvað sé að gerast. Af-
hverju tekst íslenskum kvikmynda-
gerðarmönnum ekki að höfða til
nægilegs fjölda fólks? Orsakanna er
örugglega að leita hjá þeim sem
gera myndirnar en ekki hjá þeim
sem horfa á þær. Menn verða að
þora að horfast í augu við eigin mis-
tök. Og umfram allt; barlómnum
verður að linna.
Ég er bjartsýnn á framtíð íslensks
bíós. Fólk hefur sýnt að það vill ís-
lenskar kvikmyndir en það gerir
lika miklar kröfur. Handrit mynd-
anna hafa æði oft verið veikasti
hlekkurinn og þessvegna er
ánægjulegt til þess að vita að nú hef-
ur Kvikmyndasjóður í fyrsta sinn
veitt verulegar upphæðir í handrits-
styrki til nokkurs hóps manna. Þetta
fólk er nú í ágætri aðstöðu til að
vanda til handritsgerðar og þar með
að stuðla að betri kvikmyndum.
Varðandi þátt ríkisvaldsins í kvik-
myndagerð væri óskandi að það
færi að lögum. Það er bæði rökrétt
og sjálfsagt að söluskattur af kvik-
myndasýningum renni óskertur til
að styðja vöxt og viðgang kvik-
myndagerðar í landinu. En jafn-
framt ætti að ýta sem allra mest
undir það að kvikmyndagerðar-
menn geti athafnað sig án háipar
Kvikmyndasjóðs, m.a. með skatta-
ívilnunum til þeirra sem áhuga hafa
á fjárfestingum í iðngreininni.
Nei Hrafn, íslenska kvikmynda-'
ævintýrið er ekki liðið, það er þvert
á móti rétt að byrja. En bölsýni get-
ur ekki kallast gott veganesti. Málið
er að takast á við vandamálin og
sigrast á þeim, í stað þess að bera
raunir sínar á torg.
Þrátt fyrir að hver myndin á fætur
annarri hafi ekki hlotið náð fyrir
augum almennings á undanförnum
misserum, felst lausnin ekki í því að
örvænta heldur í að búa til betri
kvikmyndir. Auðvitað munu menn
áfram þurfa að taka áhættu. En þeir
sem aldrei taka áhættu ná heídur
aldrei neinum árangri.
Að standa og falla með gerðum
sínum, um það snýst málið.
Asgrímur Sverrisson
ritstjóri kvikmyndablaðsins
Myndmáls.
HÚSAVIÐGERÐIR
Þakklæðningar, utanhússklæðningar. Framlengjum
þök yfir steyptar þakrennur. Klæðum steyptar þak-
rennur. Múrviðgerðir, sprunguviðgerðir. Ýmislegt
fleira. Erum með eigin vinnupalla.
Uppl. i simum 13847(v) og 23097 (h).
★★★ RAGNAR V. SIGURÐSSON
Ályktun frá
þingflokki
Bandalags
jafnaðarmanna
í Helgarpóstinum fimmtudaginn
18. apríl er enn ein staðfesting þeirr-
ar siðlausu misnotkunar stjórn-
málamanna á trúnaði kjósenda,
sem einkennir það bananalýðveldi
sem landið er orðið.
Ofan á bílafríðindi njóta topparnir
margfaldra lífeyrisgreiðslna úr öllu
samræmi við kjör annarra laun-
þega. Hvers vegna þögðu fulltrúar
kerfisflokkanna um lífeyrissvindlið
þegar þeir fordæmdu bankaráðin
sín vegna bílafríðindanna? Hverja
ætlar Alþýðuflokkurinn að reka
vegna þessa máls?
Það er engin tilviljun að þing-
menn og flokksbroddar hafa hreiðr-
að um sig í þessum embættum og
það er heldur engin tilviljun að kerf-
isflokkarnir þegja. Þeir eru allir sek-
ir. Það er ekki til neins að skella
skuldinni á menn úti í bæ, sökin er
Alþingis en þingmenn hafa notað
aðstöðu sína og trúnað kjósenda til
þess að skapa sér þægilegar aðstæð-
ur að hverfa að þegar kjósendur
hafna þeim.
Það er ekki til neins að skipta um
menn. Þjóðin verður að kalla kerf-
isflokkana til ábyrgðar og taka af
þeim það andstyggilega leikfang
sem þeir hafa gert sér úr stjórnkerf-
inu.
Frá þingmönnum
Bandalags jafnaðarmanna
LAUSN Á SPILAÞRAUT
S-
H K-G-8-5
T G-10-9-4
L G-10-8-2
S Á-K-D-9-3 S G-7-6-2
H - H D-9-6-4-3-2
T Á-K T 5
L Á-K-D-5-4-3 L 9-6
S 10-8-5-4
H Á-10-7
T D-8-7-6-3-2
L 7
Lausn a.
Eftir að hin slæma tromplega kom
í ljós, á vestur að spila tígulásnum
og kasta laufi. Síðan lætur hann lít-
ið lauf. Trompar næsta lauf með
gosanum. Tekur trompin og svín-
ar níunni. Þetta er til öryggis, ef
trompin fimm væru á sömu hendi.
Lausn b.
Nú er suður tryggur gagnvart
legunni, fjórir — enginn í laufi.
Hann kastar laufi eins og áður og
trompar með gosanum.
Ert þú að ieita að hillum í stofuna,
barnaherbergið, geymsluna, lagerinn
eða verslunina? Þetta er lausnin.
FURUHILLUR
IOPIÐI
MÁN.-FIM. 9-18
FÖSTUDAGA 9-19
LAUGARDAGA 10-17
Dalshrauni 13 S. 54171 sunnudaga 1317
MYNDIN
Ef
þér leiðist!
Líttu þá inn hjá okkur,
það er stöðug blómasýning alla daga.
Opið til kl. 9 öll
kvöld.
Græna
höndin
Gróðrarstöð við Hagkaop,
Skeifoiini, súni 82895.
wrm'/.iinwiin
10 HELGARPÓSTURINN
UÉháiilMklttll