Helgarpósturinn - 11.09.1986, Blaðsíða 7

SUMARHÚSASALINN SEM SVEIK MILLJÓNIR KRÓNA ÚT ÚR VIÐSKIPTAVINUM
SÍNUM LEYSIR FRÁ SKJÓÐUNNI í SAMTALI VIÐ HP:
SVIKAFENI
• 13 aöilar telja sig hafa verið svikna um allt að
7 milljónir króna • 2 af viðskiptavinunum sitja
upp með falsaða kaupsamninga að húsum sem
aldrei hafa verið til • Svikamyllan óx þar til um-
boðsmanninum var sagt upp • Hann hyggst nú
stefna viðskiptafélaga sínum fyrir að hafa skotið
sölulaunum undan og vegna brota á hlutafé-
lagalögum • 14 af viðskiptamönnum umboðs-
mannsins gerðust sekir um brot á gjaldeyrislög-
um.
Þetta er mynd af samskonar raðhúsum og Páll Jónsson seldi. Margir þeirra sem keyptu
af honum hyggjast nú kæra hann fyrir fjárdrátt.
Síöastlidinn fimmtudag lagöi Jón
Gunnar Zoéga, lögfrœöingur, fram
kœru á hendur Páli Jónssyni, fyrr-
verandi umboðsmanni Soumi Sun
Spain á íslandi, til Rannsóknarlög-
regtu ríkisins fyrir hönd skjólstœö-
ings síns Arna Sörenssonar, verksm.
stj. Kœran hljóöar upp á skjalafals
og fjárdrátt í tengslum viö umboös-
sölu Páls á sumarhúsi til Árna á
Costa Blanca strönd Spánar. Árni
greiddi húsiö aö fullu en Páll mun
ekki hafa skilaö greiöslunum til
Soumi Sun Spain og falsaö undir-
skrift Antonio Calvo, forstjóra fyrir-
tœkisins, á kaupsamning er hann
lét Árna fá sem staöfestingu á viö-
skiptunum. Meö þessum hœtti haföi
Páll um 670 þús. kr. af Árna.
Þessi kæra nær einungis yfir hluta
af þeim svikum er Páll beitti við-
skiptamenn sína. í samtali við HP
viðurkenndi hann að hafa falsað
undirskrift forstjóra Soumi Sun
Spain á annan kaupsamning og haft
með þeim hætti kaupverð annars
sumarhúss af viðskiptavini sínum.
Auk þess viðurkenndi hann að hafa
haldið eftir áfangagreiðslum til
Soumi Sun Spain frá fimm öðrum
viðskiptamönnum sínum. Að sögn
Páls nemur fjárdrátturinn hátt á
þriðju milljón króna.
Frásögn Páls stangast á við þær
upplýsingar er Guömundur Óskars-
son, verkfræðingur og fyrrverandi
viðskiptafélagi Páls, hefur frá Soumi
Sun Spain, en hann er nú umboðs-
maður þeirra hérlendis. Samkvæmt
þessum upplýsingum vantar hátt á
sjöundu milljón króna upp á að þær
greiðslur sem viðskiptavinir Páls
telja sig hafa greitt hafi verið færðar
inn í bókhald Soumi Sun Spain. Alls
eru það 13 manns sem telja sig hafa
verið hlunnfarna í viðskiptum sín-
um við Soumi Sun Spain í gegnum
umboðsskrifstofu Páls Jónssonar.
EKKI ALLT EINS OG
SÝNIST
Soumi Sun Spain hefur neitað allri
ábyrgð á gjörðum fyrrverandi um-
boðsmanns síns í samningum við
Ragnar Aöalsteinsson en hann er
lögmaður allra þeirra er sviknir
hafa verið í þessum viðskiptum, að
Arna Sörenssyni undanskildum.
Samkvæmt heimildum HP virðist
sem fyrirtækið hafi gengið lengra
en að neita allri ábyrgð á Páli, nán-
ast þurrkað hann út af sínum papp-
írum og skuldfært sölulaun er hann
hafði tekið á reikning viðskipta-
manna hans. Einnig virðist sem
nokkrar greiðslur frá Páli til Soumi
Sun Spain hafi aldrei verið bókfærð-
ar þar.
Lögmaður Páls, Hilmar Ingi-
mundarson, telur auk þess að Guð-
mundur Óskarsson, fyrrverandi
viðskiptafélagi Páls í Orlofsferöum
h/f, hafi vanefnt hlutafjárloforð sitt
til fyrirtækisins og þannig komið í
veg fyrir að Páll gæti endurgreitt því
fólki er hann hafði svikið. Þá mun
Guðmundur hafa brotið hlutafélaga-
lög er hann krafðist innköllunar á
hlutafjárloforði Páls með tæplega
þriggja klukkustunda fyrirvara. Páll
telur auk þess að Guðmundur hafi í
félagi við son sinn, Guömund Rafn
Guömundsson, rænt öllum bók-
haldsgögnum hans þann 6. ágúst og
þannig komið í veg fyrir að hann
gæti varið mál sitt. Einnig telur Páll
að Guðmundur hafi haft af sér um-
boðslaun með því að fresta því í 20
daga að tilkynna honum að hann
væri ekki lengur umboðsmaður
Soumi Sun Spain, en á þessum tíma
gekk Páll frá sölu á 7 sumarhúsum.
Hér virðist því um allflókið mál að
ræða og ljóst er að kæra Árna Sör-
enssonar á hendur Páli Jónssyni er
einungis sá hluti ísjakans sem stend-
ur upp úr. Þegar við bætist að nær
allir viðskiptavinir Páls, að Árna
meðtöldum, hafa gerst sekir um
brot á gjaldeyrislögum verður málið
enn torveldara.
GJALDEYRISLÖGGJÖF-
IN ÞVERBROTIN
Páll Jónsson auglýsti fyrst sumar-
hús í Torrevieja á Costa Blanca
strönd Spánar til sölu hérlendis í
nóvember 1984. Á þeim tíma var ís-
lendingum óheimilt að eiga fast-
eignir erlendis og benti Páll í þess-
um auglýsingum tilvonandi við-
skiptavinum sínum á aö kynna sér
gjaldeyrislöggjöfina. Þrátt fyrir að
kaup á þessum sumarhúsum væru
ólögleg seldi Páll að eigin sögn ein
15 hús til 14 aðila frá því í nóvember
1984 og þar til Seölabankinn breytti
þessu ákvæði í gjaldeyrislöggjöfinni
með reglugerð þann 26. janúar
1986. Frá þeim tíma er félagasam-
tökum sem hafa fleiri félagsmenn
en 50 heimilt að kaupa sér slík sum-
arhús erlendis.
Það fólk sem keypti hús af Páli fyr-
ir 26. janúar 1986 greiddi honum
ýmist gjaldeyri í reiðufé eða ferða-
tékkum. Gjaldeyrinn áttu kaupend-
urnir ýmist sjálfir, keyptu hann á
svörtum markaði eða fólu Páli að sjá
um öflun hans. Viðurlög við brotum
á gjaldeyrislöggjöfinni eru sektir, en
ef brotið er margítrekað má dæma
sökunaut í allt að fjögra ára fangelsi.
Samkvæmt upplýsingum Erlu
Jónsdóttur, deildarstjóra hjá RLR, er
rannsóknin á kæru Árna Sörensson-
ar enn á frumstigi og því of snemmt
að segja til um hvort RLR muni kafa
ofan í brot Páls og viðskiptavina
hans á gjaldeyrislöggjöfinni.
SKJALAFALS OG
FJARDRATTUR
í desember 1985 þótti Páli Jóns-
syni ljóst að einhver rýmkun á gjald-
eyrislöggjöfinni væri væntanleg og
bjó sig því undir að auka umsvif sín.
Hann leigði þotu hjá Arnarflugi og
fór með 70 manna hóp í dagsferð til
þess að skoða sumarhúsin á Torre-
vieja. Að hans sögn reisti hann sér
með því hurðarás um öxl. Leigan á
þotunni kostaði 1,2 milljónir kr. en
af þeim 70 sem fóru í kynnisferðina
reyndust ekki nema 6 hafa áhuga á
að kaupa hús og greiddu 30% kaup-
verðsins sem útborgun.
Páll sagðist í samtali við HP hafa
sent þessar greiðslur til Soumi Sun
Spain að frádregnum umboðslaun-
um sínum. Hinsvegar hafi spánska
fyrirtækið einungis sent honum
fjóra af þessum samningum undir-
ritaða til íslands en tvo óundirritaða
og því ekki gengist við þeim. Ástæð-
una fyrir þessu segir Páll þá að
Soumi Sun Spain hafi ekki fallist á
að hann tæki umboðslaunin af út-
borguninni og því talið þá greiðslu
sem Páll sendi út ekki nægja fyrir út-
borgun nema í fjögur hús.
Páll hafði þegar hér er komið
sögu þegar notað þau umboðslaun
sem hann tók af húsunum sex til að
greiða rekstrarkostnað umboðs-
skrifstofunnar. Þegar viðskiptavinir
hans fóru að krefja hann um undir-
ritaða samninga falsaði hann undir-
skrift Antonio Calvo, forstjóra
Soumi Sun Spain, á þá tvo samninga
sem hann hafði fengið óundirritaða
frá Spáni. Annar þeirra sem fékk
þannig falsaða staðfestingu á að
verið væri að byggja fyrir hann sum-
arhús á Spáni var Árni Sörensson
sem kært hefur Pál til rannsóknar-
lögregjunnar. Páll hélt þessu leyndu
fyrir Árna og þeim er hann hafði
svikið á sama hátt allt þar til þeir
voru búnir að greiða húsin að fullu
í ágúst síðastliðnum. Hann hafði því
samtals um 1,4 milljónir kr. af þeim
án þess að nokkurn tímann væri
hafist handa við að byggja sumar-
húsin er þeir töldu sig vera að
kaupa.
Skjalafals er mjög alvarlegt brot
og viðurlög við því er fangelsi allt að
8 árum.
FJÁRDRÁTTUR í ANNAÐ
SINN
Eftir reglugerðarbreytingu Seðla-
bankans þann 26. janúar 1986 seldi
Páll þrjú hús til viðbótar til félaga-
samtaka og fékk vegna þessara við-
skipta gjaldeyrisyfirfærslu.
í febrúar sagðist Páll í samtali við
HP hafa verið kominn í þrot með
rekstrarfé. Hann dró sér þá að eigin
sögn fé af fjórum viðskiptavinum
sínum, um eina milljón kr. Enn sem
fyrr er um alvarleg brot að ræða og
getur refsing vegna fjárdráttar num-
ið allt að 6 ára fangelsisvist.
Þessir aðilar hafa þó enn ekki lagt
fram kæru til RLR á hendur Páli
Jónssyni né sá sem sat uppi með
kaupsamning með falsaðri undir-
skrift á sama hátt og Árni Sörens-
son. Ragnar Aðalsteinsson er lög-
maður þessa fólks og sjö annarra
aðila er telja sig svikna í viðskiptum
við Soumi Sun Spain með milli-
göngu Páls Jónssonar. Ragnar er nú
nýkominn til landsins frá samninga-
viðræðum við forsvarsmenn Soumi
Sun Spain en í þeim lagði hann fram
kröfu um að fyrirtækið tæki ábyrgð
á umboðsmanni sínum og bætti því
fólki sem hafði verið svikið í við-
skiptum við hann þann skaða sem
það hafði orðið fyrir. Ragnar hafði
ekki erindi sem erfiði í þessari ferð
en hann vildi ekki upplýsa í samtali
við HP hvort hann hygðist reyna
þessa leið til þrautar eða hvort hann
myndi fyrir hönd umbjóðenda sinna
leggja fram kæru á hendur Páli
Jónssyni til RLR.
FUNDIN LEIÐ ÚTÚR
VANDANUM
Páll hélt áfram að kynna sumar-
húsin á Spáni þrátt fyrir að hann
væri kominn í greiðsluþrot. í mars
fóru þrír aðilar á hans vegum til
Spánar að skoða hús og var einn
þeirra Guðmundur Óskarsson verk-
fræðingur. Hann keypti ekki hús en
þess í stað hófu þeir Páll samninga-
viðræður um inngöngu Guðmundar
í fyrirtækið. Guðmundur er sterk-
efnaður maður og hefur verið um-
svifamikill í viðskiptum. Hann átti
hlut í ísmynd þegar ísfilm keypti það
'fyrirtæki, Burstageröinni og Sœ-
plasti, hann áAlfa, plötupressuna, á
móti Jóni Ólafssyni í Skífunni, hann
var sölumaður fyrir Siglufjaröarhús
HELGARPÓSTURINN 7