Helgarpósturinn - 02.10.1986, Síða 3

FYRST OG FREMST
MIKILL taugatitringur og ákefð
hefur gripið um sig hjá sendiráð-
um Bandaríkjanna og Sovétríkj-
anna á íslandi eftir að ljóst varð
að Reagan og Gorbachev höfðu
valið Reykjavík sem fundarstað
undir leiðtogafund stórveldanna.
Er skiljanlega allt á fullu hjá sendi-
ráðunum til að undirbúa komu
þjóðarleiðtoganna tveggja. Starfs-
menn sendiráðanna munu margir
hverjir glíma við alveg ný verkefni
og mun mikil vinna hvíla á þeim.
Við fréttum að blaðafulltrúi Menn-
ingarstofnunar Bandaríkjanna
Fridrik Brekkan væri að drukkna í
símtölum frá helstu fréttastofum
og blöðum heims. Samstarfsmenn
Friðriks munu hafa fundið nýtt eft-
irnafn á hann vegna hinna skyndi-
legu anna og ábyrgðar sem hlaðist
hefur á blaðafulltrúann. Mun Frið-
rik Brekkan nú ganga undir nafn-
inu Friðrik Breagan. . .
FYRIR nokkru lenti bandarísk
kona í því að halda að hún hefði
tapað vegabréfinu sínu í fríhöfn-
inni á Keflavíkurflugvelli. Búið var
að loka fríhöfninni og allir farnir
heim, þegar konan uppgötvaði
missi sinn í flugvélinni á vellinum.
Þá stóð að sögn upp maður, sem
kvaðst hafa vald til að láta brjóta
upp fríhöfnina til að kanna málið.
Sá heitir að sögn Sverrir Haukur
Gunnlaugsson og er forstöðu-
maður „varnamáladeildar" utan-
ríkisráðuneytisins. En þegar búið
var að brjóta upp og leita af sér
allan grun, var loks haft samband
við starfsmenn og þeir beðnir að
ganga frá eftir umbrotin. Starfs-
mennirnir voru að vonum sárir
yfir þessu og furðuðu sig á valds-
mennsku ráðuneytismannsins. Það
er hins vegar af vegabréfinu að
segja, að það fannst í tösku
konunnar...
JOHANN INGI Gunnarsson,
þjálfarinn kunni, er nú að æfa v-
þýska handknattleiksliðið TuSEM
Essen. Jóhann Ingi hefur vakið
mikla athygli í þeim störfum
sínum og í Spiegel sem kom út á
mánudaginn er löng grein um
þjálfunaraðferðir Jóhanns Inga.
Sjálfur er hann í sálfræðinámi, en
við æfingar er hann í sambandi
við sálfræðistofnun háskólans í
Kiel þaðan sem berast góð ráð í
herbúðir handknattleiksliðsins.
Hinn sálræni hernaður og brögð
sem notuð eru til að undirbúa
leikmenn undir leikina hafa verið
mjög til umræðu í Þýskalandi og
sýnist sitt hverjum um aðferðirnar.
Spiegel hefur eftir Jóhanni Inga,
SMARTSKOT
að þessi sálræni hernaður hljómi
stundum dálítið gaga og kjánalega
— en engu að síður gangi hann
vel upp. Arangur liðsins er mjög
góður. . .
FJÖLDINN allur af þingfest-
ingarmálum kom fyrir hjá Hæsta-
rétti í dag, fyrsta þingfestingardag
vetrarins. Meðal þessara mála
voru 8 mál gegn Hermanni
Björgvinssyni vegna okurmála.
Málum þessum var ekki haldið til
streitu fyrir Hæstarétti, en eftir-
taldir einstaklingar voru máls-
aðilar vegna þátttöku í okur-
pottinum fræga: Haukur Sveins-
son, Sveinn Jónsson, Valdimar
Helgason, Sigurdur Pormar, Bolli
Bjarnason, Hinrik Lárusson, Ágúst
Kristmannsson og Jónas
Jóhannesson .. .
ÞA er loksins búið að finna eftir-
mann Agnars Friörikssonar for-
stjóra Arnarflugs, sem hefur viljað
fá sig lausan frá fyrirtækinu í
langan tíma. Eftirmaðurinn heitir
Kristinn Sigtryggsson, rösklega 40
ára gamall endurskoðandi hjá
Endurskoðunarmiðstöðinni hf. —
N. Manscher. Kristinn er vel látinn
maður og fær, sem Arnarflugs-
menn vænta mikils af. Hann tekur
við starfi hjá Arnarflugi um ára-
mót. . .
HELGARPÚSTURINN UMMÆLI VIKUNNAR
Háttarlag jafnaðarmanna „Sjónvarpid er dagblad" - PÉTUR GUÐFINNSSON FRAMKVÆIVIDASTJÖRI SJÖNVARPSINS VIÐ ÞJÖÐVIUANN SL. SUNNUDAG i TILEFNI AF TViTUGSAFMÆLI STOFNUNARINNAR.
Þegar orðin grýtt er gata og galtóm virðist sérhver jata, undanvilltir allir rata aftur heim í ból til krata. Niðri.
Er Háskólinn okkar
loksins að komast á
virðulegan aldur?
Sigmundur Guðbjarnason rektor
„Við getum orðað það sem svo. 75 ár er að minnsta kosti dá-
góður tími. Annars er þetta ekki mjög hár aldur miðað við það
sem gengur og gerist á meginlandi Evrópu. Kaupmannahafnar-
háskóli hefur til dæmis haldið upp á 500 ára afmæli sitt og einn-
ig heyrist af 800 ára afmælum."
— Hvað verður gert til hátíðarbrigða á þessu merka
afmæii skólans?
„Þessara tímamóta verður minnst með margvíslegum hætti.
Næstkomandi laugardag verður efnt til sérstakrar hátíðardag-
skrár í Háskólabíói, þar sem forseti íslands og menntamálaráð-
herra munu flytja ávörp, lýst verður kjöri heiðursdoktora og flutt
tónlist við hæfi þessa tilefnis. Þá verður stofnað til tveggja ráð-
stefna um starfsemi skólans og röð fyrirlestra nokkurra þeirra
heiðursdoktora sem hér verða kjörnir á laugardag. Einnig hafa
deildir skólans svokallað opið hús um aðra helgi þar sem starf-
semi skólans veðrur kynnt gestum og gangandi."
— Eitthvað um útgáfur?
,Vá, Páll Sigurðsson dósent hefur tekið saman merkilega
bók um byggingarsögu skólans fram yfir 1940 og kemur hún
út núna á afmælinu. Árbók Háskólans kemur út um þetta leyti
og jafnframt fyrsta tölublað af Tímariti Háskóla íslands sem
framvegis á að koma út tvisvar á ári. Þá er vert að geta rann-
sóknaskrár skólans, sem er einnig nýjung I útgáfumálum hans.
Þar verður gefið yfirlit yfir þau margþættu verkefni sem unnið
er að innan skólans til upplýsingar fyrir almenning, fjölmiðla og
ekki síst háskólamennina sjálfa. I framtíðinni kemur þessi skrá
vonandi út á tveggja ára fresti. Hún ætti að auka tengsl skólans
við almenning til muna."
— Hefur þessum tengslum ekki einmitt verið ábóta-
vant og það staðið skólanum beinlínis fyrir þrifum?
„Ég er þeirrar skoðunar. Og það er gjarnan kvartað yfir því
að Háskólinn sé fyrir mörgum sem lokuð bók. Þessu viljum við
breyta og nota okkur m.a. þá athygli sem skólinn fær vonandi
nú á afmælinu til þess að hefja sókn í þessum efnum. Þjónustu-
hlutverk Háskólans er mikið. Við teljum rétt og skylt að þjóðin
viti hvað hún á hér og hvaða möguleika skólinn gefi henni núna
og í náinni framtíð. Hafi háskóli verið þýðingarmikill fram að
þessu, þá verður hann það enn frekar í framtíðinni."
— Hvernig verður þjóðin best upplýst frekar um hlut-
verk Háskólans?
„Fyrir utan þær leiðir sem ég hef áður bent á, svo sem með
rannsóknaskránni, sérstöku tímariti skólans og opnu húsi, höf-
um við í hyggju að taka myndbandið í aukna þjónustu í þessu
tilliti. Bráðlega verða sýndar í sjónvarpi tvær myndir um skól-
ann, annarsvegar um sögu hans og hinsvegar um stofnunina
í dag. Þá eru fyrirhugaðar kynningarmyndir um hverja deild
skólans, svo nemendur og foreldrar þeirra á framhaldsskóla-
stigi átti sig betur á þeim leiðum sem best henta hverjum og
einum. Þetta síðastnefnda atriði held ég að sé mjög þarft fram-
tak og eigi eftir að skila árangri, sérstaklega fyrir tvístígandi
nemendur."
— Vantar Háskólann kannski blaðafulltrúa?
„Blaðafulltrúi er vel hugsanlegur möguleiki. Altént þarf að
efla mjög tengsl skólans við fjölmiðla. Hæverskan er háskóla-
mönnum alltaf eiginleg. Ég held að hlédrægnin hafi háð okkur
og þar með skólanum."
— Hvað með tengslin við atvinnullfið?
„Þau hafa batnað mikið og eru að mínum dómi mjög góð
um þessar mundir þó þau megi efla enn frekar. Þegar hefur ver-
ið stofnuð Rannsóknaþjónusta Háskólans. Óbein þátttaka
skólans í atvinnulífinu á eftir að aukast til muna, sóknin út á
vettvang fyrirtækjanna er að hefjast. Nýlega stofnaði Háskólinn
fyrirtækið Tækniþróun hf. með einkaaðilum þar sem hugmynd-
ir sem eru á reiki hér um gangana eru beislaðar. Þetta er von-
andi aðeins byrjunin."
— Það er sem sagt engin þreytumerki að sjá á stofn-
uninni þrátt fyrir árin 75?
„Nei."
— Góður skóli?
, Já miðað við aðstæður; þrátt fyrir ófullnægjandi húsakost
og launakjör hefur Háskólanum tekist að mæta erlendum
kröfum. Hann stenst þær í flestum greinum. Okkar kandidatar
íframhaldsskólum erlendis standa sig mjög vel í samkeppni við
heimamenn á hverjum stað."
Háskóli islands, æðsta menntastig (slensku þjóðarinnar, heldur upp á
75 ára afmæli sitt um helgina. Af því tilefni átti Helgarpósturinn ofan-
skráð viðtal við núverandi rektor skólans, Sigmund Guðbjarnason, sem
tók við starfinu á síðasta ári.
HELGARPÓSTURINN 3