Helgarpósturinn - 14.04.1988, Síða 20

hafa á hreinu! Upp úr þessu var
ákveðið að stefna að frama í kvik-
myndagerð, en þegar upp var staðið
voru aðeins tveir úr hópnum, ég og
Skafti Guðmundsson, sem lögðum
þetta starf fyrir okkur."
ALLSHERJAR BRIDSSPIL
„Þegar ég hafði gert mér ljóst að
þetta væri nokkuð sem ég ætti að
leggja fyrir mig leiddi ég hugann
auðvitað að öllu öðru en náminu og
kolféll í öðrum bekk. Fór aftur
næsta vetur, en þá var komið
áfangakerfi með ákveðnu frjálsræði
sem mér tókst ekki að höndla. Það
endaði í einu allsherjar bridsspili,
við spiluðum brids næstu tvö árin,
tókum þátt í bridsmótum og gekk
mjög vel. Brids hafði ég lært í lands-
prófi þar sem við fengum að spila
inni hjá húsverðinum þegar við
nenntum ekki að sækja tíma. Brids-
mótunum fylgdi ákveðin áfengis-
drykkja og einhverju sinni vorum
við að keppa á skólamóti á Laugar-
vatni og ég faldi flöskurnar undir
úlpunni minni undir borðinu. Kem-
ur ekki skólameistarinn og býðst tii
að hengja úlpuna upp. Ég sagði það
auðvitað vera óþarfa en hann tók
úlpuna upp af gólfinu og úr henni
hrundu vínflöskur skólasveitarinn-
ar. Við vorum auðvitað sendir strax
í bæinn og kallaðir inn á teppi hjá
Guðmundi Arnlaugssyni rektor,
sem þótti atvikið mjög leiðinlegt."
KENNARI MEÐ
PERMANENT Á RAUÐUM
PORSCHE
Vilhjálmur segist hafa eytt drjúg-
um hluta annars vetrarins í félagslíf-
ið og hætt upp úr því í menntaskól-
anum. „Þá fór ég að vinna á bílasölu
þar sem ég starfaði í eitt og hálft ár.
Þá fékk ég vinnu hjá Kvik-kvik-
myndagerð. Þá var mikil gróska í
kvikmyndagerð, 1100 ára afmæli ís-
landsbyggðar og fleira. Það var því
mikið að gera við framleiðslu sjón-
varpsauglýsinga og heimilda-
mynda. Eftir tvö ár með Kvik-mönn-
um, þeim Ásgeiri Long, Ernst Kettl-
er og Páii Steingrímssyni, ákvað ég
að reyna að ljúka stúdentsprófi.
Komst um jól inn í Kennaraskólann,
kláraði um vorið. Þá um haustið fór
ég ásamt vini mínum sem ég kynnt-
ist í Kennaraskólanum, Júlíusi
Bjarnasyni, upp á Akranes. Á þeim
tíma var ég með „Afrógreiðsiu" og
átti rauðan Porsche með blæju.
Akurnesingar fíluðu okkur mjög
iila. Við lentum upp á kant við flesta
og vorum með stæia. Ég kenndi
meðal annars krökkum í öðrum
bekk í gaggó. Sum hver voru varla
læs — og ég átti að kenna þeim
eðlisfræði! Það þótti mér vont mál
og á kennarafundi spurði ég eitt
sinn hvort ég mætti ekki heldur
reyna að kenna þessum krökkum
að lesa. „Ert þú með íslensku Vil-
hjálmur?" var svarið sem ég fékk. Á
þessum tíma voru sementsverk-
smiðjan og fótboltinn hærra skrifuð
á Akranesi en skólinn, Við þraukuð-
um til vors með harmkvælum."
I JARÐARBERJAHÉRAÐI
Eftir Akranesdvölina tóku kenn-
ararnir Júlíus og Vilhjálmur þá
ákvörðun að fara utan til náms:
„Júlíus fór til Austin í Texas að læra
kvikmyndagerð, en ég fór til Noregs
þar sem ég hugðist gera það sama.
Þá hafði ég kynnst núverandi konu
minni, Ástríði Hannesdóttur hjúkr-
unarfræðingi, sem hafði starfað áð-
ur í Noregi og hafði áhuga á að búa
þar í einhvern tíma. Ég kom út um
vorið, skömmu síðar brann skólinn
til kaldra kola. Það varð því lítið um
kvikmyndanám og ég sneri mér aft-
ur að kennslu. Kenndi þarna í
norsku jarðarberjahéraði ensku,
sund og leikfimi. Ég kunni auðvitað
að synda — en ekki meira en svo!
Þetta gekk þó allt vel og eftir fyrsta
veturinn var ég orðinn nokkuð góð-
ur!“
í Noregi bjuggu þau í nokkur ár og
„kynntumst þar mörgum ágætum
Norðmönnum, meðal annars fisk-
salanum í Lillehammer, sem átti
flottasta ameríska bílinn í bænum.
Fiskbúðin var merkileg fyrir þær
sakir að það var ekki nokkur leið að
finna inni í henni fisklykt. Ég starf-
aði um tíma hjá fisksalanum og
komst þar að ýmsum iðnaðarleynd-
armálum í sambandi við fisk í versl-
unum! Þarna var engu hent og fisk-
ur sem ekki seldist á tveimur, þrem-
ur dögum seldist örugglega á fjórða
degi sem reyktur fiskur"!
En Vilhjálmur var ekki kominn til
Noregs til að vinna í fiskbúð og fór
því til náms í skóla sem ætlaður var
sem framhaldsskóli fyrir kennara.
„Það var góður tími og þar kynntist
ég mörgu góðu fólki," segir hann.'
KEYRÐI 1000
KÍLÓMETRA EFTIR BJÓR!
Vilhjálmur segir að þegar hann
kom til Noregs hafi hann haft mik-
inn og einlægan áhuga á bjór: „Þá
var bara hægt að fá norskan bjór í
Noregi, Lillehammer Bryggeri
bruggaði alveg ótrúlega vondan
bjór, þannig að ég lét mig hafa það
að keyra til Svíþjóðar til að kaupa al-
mennilegan bjór, 500 km hvora leið!
Það ríkti mikil bjórgleði fyrstu vik-
urnar — en svo fór hún fljótt af! Þá
tók heilbrigðari lífsmáti við, ég
keypti mér hjól og fór m.a. með
nemendurna í gríðarmikinn hjól-
reiðartúr sem endaði á þann veg að
ég varð sjálfur að teyma hjólið síð-
asta spöiinn! Við vorum líka mikið á
skíðum, enda er mjög gott skíða-
svæði í námunda við Lillehammer."
Eftir heimkomuna til íslands segir
Vilhjálmur sig og konu sína hafa
gert einhvern sniðugasta hlut sem
þau hafi nokkurn tíma gert: Gift sig:
„Já konan mín var með mjög gott
kaup þarna úti en megnið af því var
hirt í skatta. Við komumst hins veg-
ar að því að ef við giftum okkur
fengjum við skattana endurgreidda.
Hins vegar hafði það þau eftirköst
að ég mun aldrei fá að vita hvort
hún giftist mér bara til að fá pening-
ana til baka! Þeir dugðu hins vegar
jyrir innbúi og gömlum bíl að auki!“
PRINSIPPIN FÓRU
FYRIR LÍTIÐ
Bílinn keyptu þau hins vegar ekki
strax, enda segir Vilhjálmur þau
hafa verið komin með ákveðna Iífs-
speki eftir Noregsdvölina: „Við ætl-
uðum að koma heim, leigja okkur
íbúð og ferðast um í strætó, vera
reglulega heilbrigð. Ég byrjaði á að
fara aftur í Kvik og vann með þeim
þar er þeir gerðu myndina „Sessil-
íu“. Síðan fór ég að kenna í Breið-
holti og það leið ekki á löngu þar til
ég sá hversu vonlaust það var að
eyða svona miklum tíma í strætis-
vagnaferðir. Þá keyptum við eld-
gamlan Volvo, síðan alvörubíl og
loks brutum við það prinsipp að
eignast ekki íbúð. Prinsippin fóru
því fyrir lítið á skömmum tíma! Síð-
ar fór ég að starfa hjá æskulýðsráði,
í félagsmiðstöðinni Árseli í Árbæn-
um, ásamt Valgeiri Guðjónssyni og
Hlín Agnarsdóttur. Með því starfi
vann ég hjá útideildinni og það end-
aði með að ég vann alla daga og öll
kvöld nema eitt. Þar með var síð-
asta prinsippið brotið.J"
Fyrir þremur árum stofnaði Vil-
hjálmur sitt eigið kvikmyndagerð-
arfyrirtæki, Hrif, sem hann rekur nú
ásamt Ara Kristinssyni kvikmynda-
tökumanni. Þeir félagar hafa unnið
að fjölda auglýsinga, þáttunum
„Bítlum og blómabörnum" og eru
um þessar mundir að vinna að
barnamynd fyrir ríkissjónvarpið,
ásamt leikinni mynd fyrir Listahá-
tíð. Auk þess hefur Vilhjálmur átt
drjúgan þátt í að gera íslandsmyndir
fyrir þýska ríkissjónvarpið, en upp-
haf þess má rekja til þess er hann
var einhverju sinni í Þýskalandi að
kaupa tæki og kynntist blaðamann-
inum Ralph Christians, sem rekur
eigið kvikmyndagerðarfyrirtæki:
„Hann hafði lengi haft áhuga á að
vinna á íslandi en einhverra hluta
vegna hafði aldrei orðið neitt úr því.
Með okkur tókust góð kynni og í
rúm tvö ár vorum við meira og
minna að gera efni um ísland fyrir
þýskar sjónvarpsstöðvar. Við höfum
gert mynd um íslenska kvikmynda-
gerð, um sjávarútveginn og nokkrar
barnamyndir, ásamt 200 mínútna
dagskrá um ísland. Þessar myndir
voru sýndar um allt Þýskaland."
SÁ SEM BORGAÐI
BRÚSANN AF
MYNDBANDINU
„MOSKVA, MOSKVA"!
Þegar leiðtogafundurinn var hald-
inn á íslandi kom Ralph hingað til
lands og þeir félagar sömdu við
þýskar sjónvarpsstöðvar um að
vinna fyrir þær fréttir frá fundinum:
„Við vorum þá að undirbúa tökur
fyrir íslandsprógrammið, en leið-
togafundurinn kom inn í það dæmi,
þannig að við gerðum honum skil.
Við höfðum beðið Stuðmenn að
gera lag í íslandsmyndina, en þegar
leiðtogafundurinn kom upp á var
ákveðið að gera frekar lag um hann.
Stuðmenn áttu í fórum sínum lag
sem þau höfðu tekið upp í Kína,
textanum var breytt og við fengum
Ágúst Baldursson og Saga film til að
gera myndbandið, og fórst þeim það
mjög vel úr hendi. Það var því nokk-
uð kyndugt þegar þessir undirverk-
takar okkar tóku síðan við verð-
launum fyrir myndbandið — mynd-
band sem við framleiddum! Annars
er þetta nokkuð dæmigert fyrir
þennan bransa, enginn er annars
bróðir í leik.“
/ • t ' '

NISSAIM
NISSAN PATHFINDER
Vertu .
Nissan megin
við stýrið í ár
IFINDER NISSAN SUNNT
• Kraftmikil 2,4 eða 3ja lítra vél.
• Afistýri.
• Lúxusinnrétting.
• Fimmgíra beinskiptur eöa
NISSAN SIINNY
COUPÉ
• Glæsileg innrétting.
• Kraftmikill: 1500ccog
lóOOccfjölventla vél.
• Beinskiptur eða
sjálfskiptur.
• Aflstýri.
NISSAN MICRA
• 1000cc4rastrokkavél.
• Beinskiptur 4ra - 5 gíra.
• Framhjóladrifinn.
• Eyðslugrannur meö
afbrigðum.
• Betri smábíll finnst varla.
Verð frá kr. 359 þús.
sjálfskiptur, hátt og lágt drif.
• Kosinn jeppi ársins af tímaritinu
„Four Wheeler".
Verð firá kr. 1.055 þús.
• Fjölskyldubíllinn með möguleikana.
• 3ja dyra — 4ra dyra — 5 dyra.
• Þrjár vélastærðir: 1300, 1500,
1600 cc. — fjölventla.
• 4ra, 5 gíra beinskipting eða
sjálfskipting.
• Aflstýri.
Verð firá kr. 455 þús.
NISSAN SUNNY
WAOON 4WD.
• 5 dyra.
• 5 gíra beinskipting
með fjórhjóladrifshnappi.
• Aflstýri.
Verð frá kr. 626 þús.
NISSAN PRAIRIE
4WD.
• Sérstaklega lipur.
• Kraftmikil 2000 cc vél.
• Hæð milli gólfs og lofts 1,4 m.
• 5 gíra beinskiptur.
• Aflstýri.
Verð frá kr. 743 þús.
Rauðagerði
Sími: 91 -3 35 60
20 HELGARPÓSTURINN