Morgunblaðið - 07.08.1959, Blaðsíða 9

Föstudágur 7. ágúst 1959
m o v <: n tv b i. 4 ð i ð
9 -»
Guömundsson
Sigurbur
Minningarorð
F. 15/2. 1906. — D. 30/7. 1959
1 DAG er til moldar borinn Sig-
urður Guðmundsson forstjóri, er
lézt að morgni þess 30. júlí, að-
eins 53 ára að aldri.
Sigurður Guðmundsson var
ddur í Reykjavík 15. febrúar
_j06, og voru foreldrar hans þau
Margrét Kolbeinsdóttir frá
Kollafirði og Guðmundur Pét-
ursson frá Grjóteyri í Kjós. —
Bæði voru þau hjón þekktir
Reykvíkingar, og eru þau látin
fyrir allmörgum árum. Þau
eignuðust sex börn, og var Sig-
urður þeirra yngstur. Nú eru að-
eins tvö af þeim systkinum á lífi,
Þau Karitas sýslumannsfrú í
Borgarnesi og Pétur bóndi að
Þórustöðum, fyrrum kaupmaður
í Reykjavík.
Snemma beindist hugur Sig-
urðar að verzlun og viðskiptum.
Hann stundaði nám við Verzlun-
arskóla Islands, en síðar aflaði
hann sér framhaldsmenntunar á
verzlunarskóla í Englandi. Þegar
á unga aldri gerðist Sigurður
aðili að stofnun margra fyrir-
tækja hér í bæ, t. d. Vérzl. Ham-
borg og Berlín. Hann var um
marg'ra ára skeið framkvæmda-
st. jri Kexverksmiðjunnar Frón
h 1, eða þar til fííthn tók við for-
stjórastarfi hjá Lakk- og máln-
ingarverksmiðjunni Hörpu h.f.
árið 1944, og gengdi hann þvi
starfi til dauðadags.
Þegar Sigurður Guðmundsson
réðst til Hörpu h.f. var fyrir-
tækið ungt að árum og átti í
örðugleikum, eins og raunar flest
ung iðnfyrirtæki, sem voru að
ryðja nýjar leiðir í íslenzkum
iðnaði. En hér var réttur maður
á réttum stað. Með óþreytandi
vinnu og mikilli starfsorku tókst
Sigurði að gera fyrirtækið að
einu þekktasta og traustasta iðn-
fyrirtæki landsins. Hann hafði
manna beztan skilning á því, að
því aðeins yrði góðum árangri
náð í framleiðslunni, að tækni
og vísindi væri notuð í sem rík-
ustum mæli, enda lét hann
byggja upp stærstu og fullkomn-
ustu efnarannsóknarstofu lands-
ins, sem er í eign einkafyrirtæk-
is, og starfa þar hinir hæfustu
menn. Þá hafði Sigurður þann
góða eiginleika ,að kunna að
velja sér samstarfsmenn, og mun
Harpa h.f. áreiðanlega njóta þess
um ókomin ár.
Það má með sanni segja að
stórt skarð hafi verið höggvið í
hóp okkar félaganna í Hörpu h.f.,
því þrír hafa fallið frá á skömm-
um tíma, þeir Óskar Gíslason,
Lúðvig Einarsson og nú Sigurð-
ur Guðumndsson. Aðeins tveir af
stofnendum fyrirtækisins eru
enn á lífi, Trausti Ólafsson, efna-
fræðingur og Pétur, bróðir Sig-
urðar.
Sigurður Guðumndsson var í
stjórn margra fyrirtækja, t. d.
Trygging h.f., Litir & Lökk h.f.,
Efnavörur h.f., Kemikalia h.f.,
svo nokkur séu nefnd, enda var
eftir honum sótzt, því hann var
framsýnn og úrræðagóður, og
lagði jafnan gott til málanna.
Fyrir fjórum árum kenndi Sig-
urður hjartasjúkdóms, og ráð-
lögðu bæði læknar, fjölskylda
hans og vinir honum að njóta
meiri hvíldar. En það var hægra
sagt en gert, því Sigurður átti
óþreytandi starfslöngun og vinnu
gleði, og hafði mörg járn í eld-
inum. Hann undi sér ekki hvíld-
ar, og því fór sem fór.
Hinn 8. febrúar 1941 kvæntist
Sigurður Guðmundsson eftirlif-
andi konu sinni, frú Rögnu
Björnsson, Jóns Björnssonar frá
Svarfhóli og konu hans Ragn-
hildar J. Björnsson frá Sól-
heimatungu. Þeim Sigurði og
Rögnu varð þriggja barna auðið,
en þau eru: Jón Ásgeir, 16 ára
verzlunarskólanemi, Margrét 13
ára og Björn 12 ára, öll hin
mestu efnisbörn.
Sigurður Guðumndsson var
meira en meðalmaður á hæð, vei
byggður. _léttur í spori og sér-
staklega geðþekkur. Hann var
alvörugefinn trúmaður og kirkju
rækinn. Honum þótti miður ef
hann ekki komst til kirkju hvern
sunnudag, en þangað sótti hann
styrk og hvíld. Hann unni fag-
urri hljómlist enda listfengur
mjög, eins og verk hans bezt
bera vitni um. Hann var hjálp-
samur með afbrigðum og til hans
fór enginn bónleiður. Hann var
drengur góður.
Það er mikill harmur kveðinn
að konu hans og börnum, er
hann nú hverfur á burt í blóma
lífsins, en það er vissulega hugg-
un harmi gegn að minnast þess
hversu góður heimilisfaðir hann
var, því þrátt fyrir hans anna-
sömu störf, var eiginkonan, börn-
in og heimilið ætíð efst í huga
hans.
Með þessum fáu orðum kveð
ég góðan vin og félaga, og votta
konu hans og börnum innilega
samúð mína.
Blessuð sé minning hans.
Oddur Helgason.
Hver verður eigandi bessarar glæsilegu bifreiðar ?
Hún kostar 175.000 kr. og er stærsti vinningurinn í
HÉR brast styrk stoð. Hinn
hjálpfúsa og góða dreng hörm-
um við mörg. En um leið og ég i
ffendi honum mína hinstu kveðju,
get ég ekki orða bundizt um hið
merka starf sem hann hafði innt
af hendi.
Þegar um er að ræða mann,
sem fannst hvorki dagarnir né
árin nógu löng til að sinna áhuga
málunum, er margs að minnast,
jafnvel þótt hann hyrfi frá okk-
ur á bezta aldri. En án efa rekja
hér aðrir æviferil þessa merka
manns og mun ég því aðeins
minnast þess þáttar sem ég sjálf
ur kynntist bezt í lífi hans.
Sigurður var framkvæmda-
stjóri Lakk- og málningarverk-
smiðjunnar Hörpu til dauðadags.
Ekkert vissi ég honum hugnæm-
ara ert einmitt þetta starí hans.
Það er alkunna að Harpa hefir
undir hans stjórn þróað fram-
leiðslu sína og aðferðir það mjög,
að slík verksmiðja þætti standa
traustum fótum í hinum iðnþró-
uðustu löndum heims.
Hér varð Sigurður brautriðj-
andi iðnaðar og vísindalegrar
tækni. Það sem Sigurður gerði
ætti að verða Hörpu óbrotgjarnt
um langan aldur, og þó einkan-
lega hin öfluga rannsóknadeild,
sem hann kom upp við fyrir-
tækið. Sigurði var það svo und-
ur ljóst að verksmiðjan þyrfti
að standa á eigin fótum tækni-
lega engu síður en fjárhagslega.
Hann valdi til sín færa sérfræð-
inga, lét kaupa hin fullkomn-
ustu rannsóknatæki og innréttaði
gott húsnæði fyrir þessa starf-
semi. Mér er ljúft að segja frá
því hve mikla framsýni Sigurð-
ur Guðmundsson sýndi með
rekstri þessarar rannsóknardeild
ar. —
Þótt Sigurður væri svo óvænt
hrifinn burtu var hann þegar bú-
inn að sjá mikinn ávöxt þessarar
brautryðjandastarfsemi sinnar.
En ef svo hefðu bara komið nokk
ur starfsár til viðbótar, myndi
hann hafa séð sínar fyllstu von-
ir rætast. Aulc þess að framleiða
málningu, sem væri sérlega gerð
fyrir innlenda staðhætti, var eitt
aðal áhugamál Sigurðar að vinna
framleiðslu sinni markað erlend-
is. Til þess að framkvæma slíkar
fyrirætlanir vissi hann að fyrir-
tækið mætti ekki aðeins þiggja
tæknilega, það skyldi einnig
veita.
Að stofna til rannsóknarstarf-
semi í svo ríkum mæli sem Sig-
urður gerði og að reka hann síð-
an með slíkri framsýni sem raun
varð á, er undravert miðað við
aðstæður hér á landi. Hann lagði
þar fram meira en atorku sína
djarfleik og þekkingu. Hann var
gæddur sérlega spurulum huga, *
lifandi áhuga og ríkri sköpunar-
þrá. Kannski vissi hann að þama
leyndist hans gjöf til framtíðar-
innar.
Guð blessi minningu Sigurðar
Guðmundssonar.
Baldur Líndal.
Tilboð óskast
í Volkswagen ’58 lítið keyrðan. Til greina kemur
að lána hluta af verðinu. Tilboð merkt:
„Hagkvæmt—4611“, sendist afgr. Mbl.
Grænlandsflug
*
Sökum mikillar eftirspurnar er ákveðið
að efna til fimmtu skemmtiferðarinnar
til Grænlands, laugardaginn 15. ágúst.
Þar sem færri vildu komast í fyrri ferð-
irnar, skal væntanlegum þátttakendum
bent á að tryggja sér far í tíma.
Landshappdrœ fti Sjálfstœðisflokksins
Með því að kaupa miða í happrættinu skapið þér yður möguleika til að eignast þessa bifreið eða 19 aðra vinninga, sem cru farmiðar til Evrópu
og Ameríku, góðhestur, radiógrammófónn, segulbandstæki, kvikmyndavélar, veiðistöng, gólfteppi, kæliskánur, þvottavél, saumavél, Rafha- og
Shellgas-eUlavélar, prjónavél, strauvél og hrærivél
IrSEILDARVERDMÆTI 3-400 þúsund krónur
Notið þetta tækifæri og tryggið yður miða sem fyrst
Miðasala úr hifreiðinni við Útvegsbankann, skrifstofu Sjálfstæðisflokksins,
skrifstofu happdrættisins í Morgunblaðshúsinu og hjá umboðsmönnum í ölium
sýslum og kaupstöðum landsins.
Landshappdrætti Sjálfstæðisflokksins