Morgunblaðið - 07.08.1959, Blaðsíða 10

10
MORCVWBL AÐIÐ
Föstudagur 7. agúst 1959
írtjpmMaMI*
Utg.: H.í. Arvakur Reykjavík.
Framkvæmdastjóri: Sigfús Jónsscn.
ASalritstjórar: Valtýr Stefónsson (ábtn.)
Bjarni Benediktsson.
Ritstjóri: Sigurður Bjarnason frá Vigur.
Lesbók: Arni Óla, sími 33045.
Auglýsingar: Arni Garðar Kristínsson.
Ritstjórn: Aðalstræti 6.
Auglýsingar og afgreiðsla: Aðalstræti 6. Sími 22480.
'Vskriftargald kr 35,00 á mánuði innamands.
1 lausasölu kr. 2.00 eintakið.
CETUR SVIKASTJÓRN VERIÐ
GÓÐ STJÓRN?
FLOKKAR vinstri stjórnar-
innar sálugu hafa und-
anfarið verið að gera
upp reikninga sína, bæði í um-
ræðum á Alþingi og í blöðum
sínum. Það sem markar svip
þessarra umræðna er fyrst og
fremst það, að vinstri flokkarnir
saka allir hver aðra um það að
hafa svikið stefnu og fyrirheit
vinstri stjórnarinnar. Kommún-
istar lýsa t.d. svikum Framsókn-
arflokksins við vinstri stjórnina
m. a. á þessa leið í blaði sínu
í gær:
„Framsókn sveik loforðið um
brottför hersins, Framsókn sveik
loforðið um kaup á 15 stórum
togurum, og Framsókn sveik
fyrirheitið um að stjórnin
myndi tryggja bætt lífskjör með
kröfu sinni um beina bótalausa
kauplækkun. Með þessari fram-
komu hefur Framsóknarflokkur-
inn stuðlað á mjög alvarlegan
hátt að því að brjóta niður trú
almennings á vinstri samvinnu
og vinstri stefnu — og það er illt
verk“.
Þannig lýsa kommúnistar svik-
um Framsóknarmanna við
vinstri stjórnina.
Framsóknarmenn lýsa því hins
vegar yfir, að kommúnistar hafi
setið á stöðugum svikráðum við
vinstri stjórnina. Þeir hafi
þvælzt fyrir og hindrað raun-
hæfar aðgerðir í efnahagsmál-
unum og svikið það loforð vinstri
stjórnarinnar að stöðva vöxt
verðbólgu og dýrtíðar.
Þannig lýsa höfuðleiðtogar
vinstri stjórnarinnar hver
öðrum sem svikurum og
skemmdarverkamönnum gagn
vart stjórn þeirra
Getur það verið góð
stjórn?
En það hlálega við þessar yfir-
lýsingar vinstri stjórnarflokk-
anna er það, að þegar leiðtogar
þeirra hafa útmálað hversu
hrapallega samstarfsflokkarnir
hafi svikið stefnu stjórnarinnar,
þá komast þeir að þeirri niður-
stöðu, að vinstri stjórnin hafi
engu að síður verið ágæt og
gagnmerk ríkisstjóm, sem eigin-
lega beri brýna nauðsyn til að
endurreisa við fyrsta tækifæri.
Vinstri stjórn sé þrátt fyrir allt
það takmark, sem keppa beri að.
Sú spurning hlýtur eðlilega að
rísa í hugum alls almennings,
hvernig það tvennt geti farið
saman, að ríkisstjórn svíki öil
sín fyrirheit, en sé engu að síður
góð og gagnleg stjórn? Svarið
við þessari spurningu getur ekki
orðið nema á einn veg: Sú stjórn
sem svíkur stefnu sína og það
fólk, sem sett hefur traust á
hana, hlýtur að vera vond stjórn,
og þá fyrst og fremst í augum
þeirra, sem höfðu gert sér mikl-
ar vonir um góðan árangur af
starfi hennar og stefnu.
Leiðtogar vinstri flokkanna
hafa þess vegna sjálfir kveðið
upp harðasta dóminn yfir
þessari stjórn sinni með ásök-
unum í garð hver annarra um
svik og brygðmæli. Yfirlýs-
ingar þeirra um að stjórnin
hafi verið góð og dugandi,
verka á almenning eins og
innantómt skrum, sem vinstri
leiðtogarnir sjálfir eru búnir
að afsanna.
Bætir ekki hlut
V-st j órnarinnar
Reikningsskil og svikabrigsl
leiðtoga vinstri flokkanna bæta
ekki hlut vinstri stjórnarinnar
sálugu. Þau hljóta þvert á móti
að sýna íslenzkum almenningi
það betur en nokkru sinni áður,
hversu vanmegnug þessi ríkis-
stjórn var þess að taka á vanda-
málum þjóðarinnar á raunhæfan
hátt. Hún lofaði þjóðinni, og þá
ekki hvað sizt verkalýðnum gulii
og grænum skógum. En niður-
staðan varð sú, að enginn varð
eins hart fyrir barðinu á vinstri
stjórninni en einmítt launafólk
landsins. Á því bitnaði hin vax-
andi verðbólga og gífurlegu nýju
skattaálögur harðar en á nokkr-
um öðrum.
Þýðingarmikil reynsla
En þótt vinstri stjómin væri
versta stjórn, sem farið hefur
með völd í þessu landi, er þó
óhætt að fullyrða, að valdatíma-
bil hennar hafi að ejnu leyti ver-
ið þjóðinni gagnlegt. Hún öðlað-
ist þýðingarmikla reynslu af því,
hvað vinstri stjórn í raun og veru
er, hver úrræði hennar eru gagn-
vart höfuðvandamálum þjóðfé-
lagsins, og hvernig hinir svo-
kölluðu vinstri flokkar vinna
saman.
í þessari reynslu felst þýðing-
armikill lærdómur. Nú er ekki
lengur hægt að tala um vinstri
stjórn sem fjarrænt og þoku-
kennt hugtak eða hillingu. Það
er heldur ekki lengur hægt að
fá fólk til þess að trúa því, að
aðeins ef slíkri stjórn væri kom-
ið á, mundu öll vandamál leys-
ast af sjálfu sér. Almenningur í
landinu veit betur. Heilbrigð
dómgreind fólksins hefur fengið
tækifæri til þess að bera stefnu
og starfshætti vinstri stjórnar-
innar saman við stefnu annarra
ríkisstjórna. Og sá samanburður
verður vinstri stjórninni og
flokkum hennar ákaflega óhag-
stæður. Stór hluti þess fólks,
sem fylgdi hinum svokölluðu
vinstri flokkum að máli, hefur
séð í gegnum blekkingarmold-
viðrið, sem blásið var upp við
stofnun vinstri stjórnarinnar.
Þetta fólk er vonsvikið og á ekki
annars kostar en að snúa baki
við flokkum sínum og fela öðr-
um forystu mála sinna. Þetta
gerðist í bæjar- og sveitarstjórn-
arkosningunum veturinn 1958, og
þetta mun gerast í alþingiskosn-
ingunum á komandi hausti. Eng-
inn ábyrgur og hugsandi íslend-
ingur getur treyst vinstri stjórn
til þess að leysa þau vandamál,
sem nú blasa við í hinu íslenzka
þjóðfélagi.
Þjóðin gerir sér ljóst að
það verður að fá nýjum
mönnum forystuua, og að
Sjálfstæðisflokkurinn er eini
stjórnmálaflokkurinn, sem
fær er um það að hafa for-
ystu um það viðreisnarstarf,
sem nauðsynlegt er etfir ó-
, stjórn vinstri flokkanna.
UTAN UR HEIMI
Jarögöng
FLOKKAR manna, vopnaðir
hinum fullkomnustu borvél-
um og öðrum útbúnaði, hafa
ráðizt að rótum fjallrisans
Mont Blanc frá tveim hliðum,
og bordrunur, vélaskrölt og
sprengjudunur bergmála frá
hlíðum fjallsins — bæði á
Ítalíu og í Frakklandi. —
Það er verið að gera jarðgöng
fyrir bifreiðir gegnum Mont
Blanc. — Göngin verða um
12 kílómetrar á lengd, lengstu
bílagöng í heimi — og við
gerð
gegnum
tilkomu þeirra mun leiðin frá
París til Ítalíu styttast um 200
kílómetra.
Hugmynd Napoleons III
gerð að veruleika
Hugmyndin um að gera göng
í gegnum Mont Blanc er alls
ekki ný af nálinni. Napóleon
keisari þriðji hafði t.d. uppi á-
ætlanir um slíka framkvæmd á
sínum tíma. En það er ekki fyrr
en nú, að tæknisérfræðingar
hafa talið fært að leggja í slíkt
stórvirki. — Frakkar og ítalir
leggja nokkurn veginn að jöfnu
í þetta mikla fyrirtæki, enda þótt
meirihluti ganganna verði raun-
ar Frakklandsmegin. — Byrjað
var á framkvæmdum ítalíumeg-
in á fyrra ári, en Frakklandsmeg
in var verkið hafið í marz sl.
vor. — Gert er ráð fyrir, að
vinnuflokkarnir mætist í „iðr-
um“ fjallsins einhvern tíma á
árinu 1961. — Allt er út mælt
með hinum nákvæmustu tækj-
um, svo að verkfræðingarnir
fullyrða, að engin hætta sé á, að
vinnuflokkarnir „farist á mis“
inni í fjallinu.
Nyðri munni jarðganganna er
nálægt hótelbænum Chamonix
í Savoy-héraði í Suður-Frakk-
landi, en syðri munninn opnast
við þorpið Entreves í Aosta-
dalnum á Norður-Ítalíu, en það-
an liggja ágætir nýtízku-vegir til
Milano og Torino.
-„Talað við anda fjallsins"
Þrátt fyrir hin beztu tæki, bor-
vélar og annað, sem vinnuflokk-
arnir hafa yfir að ráða, lengjast
jarðgöngin ekki um meira en
sjö metra á dag, þegar vel geng-
ur. — Fyrir vinnuflokkunum fara
hinir vísustu sérfræðingar með
Séð út úr enda jaröganganna-
Mont Blanc
Fullgerð sfylta þau leið frá
París til ítaliu um 200 km —
og þá má aka „frá vetri til vors“
á fáeinum minútum
Verkamenn að starfi við rætur fjallrisans, sem gnæfir yfir
4800 metra hæð.
hvers konar furðulegustu mæli-
tæki — til þess að „tala við anda
fjallsins" og komast að því, hvort
þeir eru vinsamlegir eða óvin-
veittir. — Að öllu skal farið með
gát, því að enginn veit með
vissu, hvers konar hættur kunna
að leynast í iðrum Mont Blanc.
Alltaf er sú hætta yfirvofandi,
að göngin geti hrunið saman, ef
ekki er nægileg varúð við höfð.
Einnig er talið, að ógætileg notk-
un sprengiefnis gæti valdið flóði
í göngunum, þar sem vötn mikil
kunni að leynast undir fjallinu.
— Til þessa hafa engin óhöpp
komið fyrir, hvorki stór né smá,
og verkið gengið samkvæmt á-
ætlun.
—o—0—o—
En það þarf mikinn og margvís
legan útbúnað í sambandi við
verkið — til dæmis umfangsmik-
ið loftræsikerfi og dælur marg-
ar. Við borunina opnast stöðugt
vatnsæðar, og hefir vatnsmagnið
komizt upp í 35 lítra á sekúndu.
Og þótt kollur Mont Blanc sé
þakinn snjó árið um kring, er
meira en nógu heitt inni í „iðr-
um“ fjallsins. — Þrátt fyrir loft-
ræsikerfið mikla, sem sogar 400
rúmmetra af fersku lofti inn í
göngin á sekúndu hverri, hefir
hitinn þar komizt yfir 30 gráður.
%
Hámarkshraöi — vegtollur
Ekki er enn búið að bora nema
tæpan helming af þeim 12 kíló-
Framh. á bls. 13.