Morgunblaðið - 04.08.1984, Side 18

18
MORGUNBLAÐIÐ, LAUGARDAGUR 4. ÁGÚST 1984
Hreinn Bjarnason:
Reynum aö vera
samkeppnisfær
„ÞAÐ ER alltaf stór hópur fólks
sem vill þekkja kaupmanninn, sem
það verslar við,“ sagði Hreinn
Bjarnason kaupmaöur f Hagabúð-
inni þegar rætt var við hann í vik-
unni. „Svona hverfisverslanir geta
vel gengið, ef hægt er að halda verð-
inu svipuðu og hjá stórmörkuðunum.
Ég hef ekki orðið var við að við-
skiptavinir okkar sæki mikið í þá,
enda er svo lítill verðmunur að það
borgar sig varla.“
Hreinn sagðist vera búinn að
starfa við verslun í 33 ár. í 14 ár
hefur hann rekið Hagabúðina.
„Það er mikill munur að starfa við
þetta þegar fjölskyldan tekur þátt
í þessu með manni. Fyrst var ég
með litla búð, en ég held að það sé
miklu auðveldara að reka verslun
af þeirri stærð sem Hagabúðin er.
Þá er hægt að bjóða upp á meira
vöruúrval og betra verð. Þessi
verslun byggist upp á viðskipta-
vinum héðan úr hverfinu. Mikið af
ungu fólki hefur bæst við við-
skiptavinahópinn með tilkomu
nýja hverfisins úti á Granda. Hér
er boðið upp á mikið úrval og fólki
þykir gott að geta keypt allt á
sama stað. Ég er hræddur um að
kaupmenn í minni matvöruversl-
unum hafi ekki áttað sig nógu
fljótt á þróuninni, sem varð fyrir
nokkrum árum þegar stórmarkað-
ir spruttu upp. Þeir hefðu þurft að
lækka verðið í samræmi við verð
stórmarkaðanna. Við lækkuðum
verðið hjá okkur fyrir 6—8 árum
og höfum reynt að vera sam-
keppnisfær á þessu sviði. Enda
hefur rekstur verslunarinnar
gengið vel.“
Hreinn var spurður að því hvort
mikið hafi verið verslað með
greiðslukortum hjá honum. „Ég
hef ekki tekið við greiðslukortum
hér og er ekki hrifinn af þessari
þróun. Fólk áttar sig ekki á því að
ef það greiðir matvöru með kort-
unum, kemur það niður á þeim
seinna. Sennilega hækkar vöru-
verð um 5% og ekki er hægt að
bjóða upp á eins gott vöruúrval.
Þegar kaupmaðurinn fær ekki
vöruna staðgreidda, getur hann
ekki gert eins hagkvæm innkaup
sjálfur og það hlýtur að koma út á
þennan hátt.“
Að lokum sagði Hreinn að versl-
un hafi gengið vel að undanförnu
og ætti nú að geta tekið á sig ein-
hverja launahækkun, enda byggð-
ist verslunin upp á góðu starfs-
fólki. „Ef fólk fær góð laun, eykst
vinnugleðin. Viðskiptavinirnir fá
betri þjónustu og verða ánægðari
Það hlýtur að koma versluninni til
góða.“
Hreinn Bjarnason, kaupmaður í Hagabúðinni. Morgunbia»i»/ júiiu».
Þrælgott kerfi. Freestyle — dans
Morgun- dag- og kvöldtímar. fyrir stráka og stelpur.
Allir aldurshópar.
Innritun og upplýsingar í síma 25620 kl. 17—19.
Afhending akírteina iaugardaginn 11. ágúst kl. 14—16.
Likamsþjál fu n
Bal lcttskóla
Eddn Scheving
SKÚLATÚNI 4 — SÍMAR 25620 og 76350
Magnús Steinþórsson
Ekkert frí um versl-
unarmannahelgina
— segir Magnús Steinþórsson, bensín
afgreiðslumaður hjá Shell á Egilsstöðum
Egilastödum, 31. júlí.
„Nei, nei, ég verð að vinna um
verslunarmannahelgina,“ sagði
Magnús Steinþórsson, afgreiðslu-
maður á Shell-stöðinni á Egils-
stöðum, er tíðindamaður Mbl.
spurði hvort hann ætti frí um
verslunarmannahelgina. Magnús
er verðandi 3. árs nemandi í
Menntaskólanum á Egilsstöðum
og hefur ekki áður fengist við
verslunar- og afgreiðslustörf.
„Ég er ánægður með þetta
starf. Kaupið gott, það gerir
vaktavinnan — það eina nei-
kvæða er að eiga ekki frí um
verslunarmannahelgina."
Verður mikið að gera um
verslunarmannahelgina, held-
urðu?
„Já, það verður áreiðanlega
margt um manninn, enda verða
allir tiltækir starfskraftar á
þönum hér. Annars hefur verið
mikið að gera hér í allt sumar
eða frá því að opnað var 17. júní,
og raunar komið í ljós að veit-
ingaskálinn t.d. er of lftill. Fólk
hefur snúið frá vegna þrengsla."
Hefur þá verið lítið um frí hjá
þér í sumar?
„Ég hef átt frí aðra hverja
helgi, en það hittist svo á nú að
ég er á vakt um komandi helgi,
verslunarmannahelgina. Annars
hefði maður nú skellt sér í Atla-
vík.
Já, já, hingað koma góðir
viðskiptamenn, aðallega túrist-
ar. Jú, einstaka maður fjargviðr-
ast svolítið yfir háu bensínverði,
en það er nú ekkert dýrara hjá
okkur en annars staðar."
Fer það ekki bara að lækka?
„Kannski. Vonandi."
Og hvað getur þú svo selt við-
skiptavinum annað um verslun-
armannahelgina en bensín?
„Auðvitað olíur og svo hafa
selst þessi býsn af alls konar úti-
leguvarningi að undanförnu úti-
grillum, kolum o.þ.u.l. að
ógleymdum barnabílstólum, sem
hafa bókstaflega runnið út. Hin-
um megin í húsinu er svo grill-
og veitingasala, en þar eru nú
aðrir við afgreiðslu."
— Ólafur
Sjálfsbjörg Akureyri:
Mótmælir hækkun
á lyfjakostnaði
MORGUNBLAÐINU hefur borist
eftirfarandi ályktun frá Sjálfsbjörg á
Akureyri:
„Fundur í stjórn Sjálfsbjargar,
félagi fatlaðra á Akureyri, hald-
inn fimmtudaginn 19. júlí mót-
mælir harðlega þeirri breytingu
sem gerð var á reglugerð nr. 261,
um greiðslu almannatrygginga á
lyfjakostnaði, sem tók gildi 1. júní
sl., þar sem lyf til öryrkja voru
hækkuð um 140%, ásamt því sem
sett var reglugerð um hámark ein-
inga lyfjaávísana við tveggja
mánaða not, en það þýðir í raun
allt að 300% hækkun á lyfjum til
langsjúkra öryrkja, á sama tíma
sem örorkulífeyrir hækkar aðeins
um 16,5%. Þá mótmælir stjórnin
einnig þeirri hækkun sem gerð
hefur verið á greiðslum sjúkra-
tryggðra á sérfræðingahjálp og
rannsóknum, sem nemur á sama
tíma 170%.
Þá lýsir stjórnin furðu sinni á
þeirri ákvörðun stjórnvalda, og
mótmælir henni harðlega, að
hækka aðeins grunnlífeyri al-
mannatrygginga hinn 1. júní, en
hækka ekki einnig tekjutryggingu,
barnalífeyri og heimilisuppbót,
sem eru bara hluti af lífeyri ör-
yrkja og ellilífeyrisþega, á sama
tíma sem öll önnur laun í landinu
hækkuðu um 2%.
Stjórnin skorar á stjórnvöld að
endurskoða þegar ákvörðun sína
um þessar hækkanir og skerðingu
lífeyristekna, þar sem með þeim
ræðst hún á garðinn þar sem hann
er lægstur og varpar raunar stór-
um hópi sjúkra öryrkja út á kald-
an klakann."