Morgunblaðið - 19.03.1987, Síða 30

30
MORGUNBLAÐIÐ, FIMMTUDAGUR 19. MARZ 1987
Afnám prestskosninga:
„Fagna því að gömlu lög-
in hafa verið afnumin“
- segir herra Pétur Signrgeirsson biskup
„ÉG fagna því heilshugar að
gömlu lögin frá 1915 hafa nú
verið afnumin því í þeim voru
augljósir vankantar sem voru síst
til að treysta samheldni innan
kirkjusókna“, sagði biskup ís-
lands, herra Pétur Sigurgeirs-
son, er hann var inntur álits á
nýjum lögum um veitingu pre-
stakalla, sem samþykkt voru á
Alþingi í fyrrinótt.
Biskupinn sagði að afnám gömlu
laganna hefði lengi verið til umræðu
innan kirkjunar og fyrir lægju sam-
þykktir og ályktanir hinna ýmsu
stofnana kirkjunar, svo sem Kirkju-
þings, í þá veru. „Það var tími til
kominn að breyta lögunum um
prestskosningar sem nú eru orðin
70 ára gömul og að mörgu leyti
úrelt. Á þeim voru augljósir van-
kantar. Þar var til dæmis talað um
almennar prestskosningar en dæmi
voru um að allt upp í 40% af sóknar-
bömum gátu ekki tekið þátt í þeim
vegna ijarveru eða af öðrum orsök-
um. Reynslan af þessum kosningum
hefur ennfremur leitt í ljós mjög
óæskilegar hliðarverkanir innan
sóknanna og þær hafa leitt til upp-
lausnar innan prestakalla. Prestur
sem vinnur slíkar kosningar getur
verið mörg ár að sameina sóknar-
bömin aftur og stundum verður það
ekki hægt. í þéttbýli hefur reynslan
orðið sú að prestur sem ætlar að
sækja um brauð verður að hafa
handbærar eitt til tvö hundruð þús-
und krónur til að koma af stað
kosningavél og mikið hefur borið á
því að umsækjendur hafi jafnvel
farið hús úr húsi til að biðja fólk
um að kjósa sig. Þetta tekur mikinn
tíma og það er að mínum dómi
ekki vænlegt fyrir umsækjendur að
þurfa að heyja hólmgöngu við stétt-
arbræður sína fyrir hvers manns
dyrum. Eins hefur í slíkum kosning-
um borið á umfjöllun um umsækj-
endur sem alls ekki er sæmandi.
Ég vil þó taka fram, að þótt nú
hafi verið ákveðið að reyna annað
fyrirkomulag verður aldrei komist
fyrir allra hnökra sem að fylgja
veitingu prestakalla. í nýju lögun-
um er til dæmis er gert ráð fyrir
kosningar eigi sér stað eftir sem
áður innan safnaðarstjóma. Þær
skipa að meðaltali um 14 til 18
manns, þar sem einnig er gert ráð
fyrir þáttöku varamanna í slíkum
kosningum. Þó má benda á að lög-
in gera einnig ráð fyrir þeim
möguleika að safnaðarstjóm geti
kallað til prest, sem þá fær 4 ára
reynslutíma áður en kosið verður
um hann. Eins er gert ráð fyrir að
kosið verði um veitingu prestakalla
ef ákveðið hlutfall sóknarbama fer
fram á slíkt. En ég fagna því að
nýtt fyrirkomulag verður nú reynt
og að fímm ámm liðnum verður
það tekið til endurskoðunar og því
breytt ef þurfa þykir. Ég geri þó
ekki ráð fyrir að miklar breytingar
verði gerðar þar á því ég hef trú á
að þetta nýja fyrirkomulag muni
reynast vel“, sagði biskup Islands,
herra Pétur Sigurgeirsson.
HEIMA VINNANDIHUSMÆÐUR
ÞAKKA HEILBRIGÐISRÁÐHERRA
Fulltrúar hagsmunanefndar heimavinnandi húsmæðra færðu
Ragnhildi Helgadóttur heilbrigðisráðherra blómvönd í tilefni
samþykktar á lengingu fæðingarorlofs. Það var samþykkt á
þingi Bandalags kvenna 8. mars sl. að færa Ragnhildir þakkir
með þessum hætti. Á myndinni eru þær Helga Guðmundsdóttir
og Ragna Jónsdóttir ásamt heilbrigðisráðherra Ragnhildi
Helgadóttur.
10 félög BHMR hafa boðað verkfall
Bókasafnsfræðingar boða verkfall frá 2. apríl
BÓKASAFNSFRÆÐINGAR, sem
starfa hjá ríkinu, hafa boðað
verkfall frá og með 2. aprfl næst-
komandi. Atkvæði voru greidd
um verkfall um helgina og sam-
þykktu 33 verkfall, 14 voru á
móti og auðir seðlar voru fjórir.
Á kjörskrá voru 54, en 51 greiddi
atkvæði. Þeir bókasafnsfræðing-
ar, sem boðað hafa verkfall,
starfa meðal annars á bókasöfn-
um framhaldsskóla, Háskóla-
bókasafni, Landsbókasafni og hjá
ýmsum stofnunum rikisins.
Samtals hafa sjö aðildarfélög
BHMR, Bandalags háskólamanna,
sem starfa hjá ríkinu, nú boðað verk-
fall og verkfall þriggja félaga til
viðbótar, Hins íslenska kennarafé-
lags, Félags háskólamenntaðra
hjúkrunarfræðinga og Sjúkraþjálf-
arafélags íslands, eru þegar hafin
eða um það bil að hefjast. Þessi fé-
lög hafa boðað verkfall: Félag
íslenskra fræða frá 23. mars, Sál-
fræðingafélag íslands frá 24. mars,
Stéttarfélag íslenskra félagsráð-
gjafa og Iðjuþjálfafélag íslands frá
26. mars, Félag íslenskra náttúru-
fræðinga frá 31. mars, Matvæla- og
næringafræðingafélag fslands frá
1. apríl og Félag bókasafnsfræðinga
frá 2. apríl. Eitt félag, Útgarður, sem
er félag þeirra sem ekki eiga rétt á
aðild að öðrum félögum innan
BHMR, felldi verkfallsboðun. Tvö
félög hafa samið við ríkisvaldið, Pre-
stafélag íslands og lögfræðingar,
sem starfa hjá ríkinu.
TOYOTA
FJÖIÆNHA VÉUN
NYKYNSLOÐ
rOYOTA
Bismyndað
brunahólf
og kerti í miðju
Ný hönnun
- tannhjóladrifnir
knastásar...
mm 'wmmam
Tveir knastásar,
Qórir ventlar
og „kross-flæði '.
FIOLVENTLA
VÉLAR
Tvívirk
titringsdempun
á trissu ...
Camry og í]ölv<;ntla vélin
Enn kynnir Toyota tækninýjung á sviði fólksbíla,
fjölventla vélina, sem er tvímælalaust ujiphaíið að nýrri
kynslóð bílvéla. Þessi vél hefur 4 ventla við hvem strokk,
eða alls 16, og tölvustýringu á vél og bensíninnspýtingu.
Þessi búnaður eykur afl vélaiinnar, nýtir eldsneytið
betur og minnkar eyðsluna.
Aðrir kostir
Fjölventla vélin hefúr einnig svonefnt „breytilegt
sogkerfi". í tveggja hólfa soggrein er annað hólfið lokað
við lágan snúning vélarinnar. Við aukinn snúning eykst
lofttæmi í soggreininni, sérstakur búnaður opnar hitt
hólfið og eykur þar með flæði blöndunnar til brunahólfa.
Árangurinn er ótvíi’æður
• Hraðari og betri bruni
• Meira nýtanlegt afl
• Aukin sparneytni
• Snarpara viðbragð
Þessi léttbyggða og kraftmikla vél er einmitt í
hinum nýja og glæsilega Toyota Camry, fjölskyldu-
bílnum sem nú hefur öðlast aksturseiginleika sportbíls.
Sem sagt: Hájiróuð tækni... og bíll sem hæfir
henni. Hvort sem ekið er hægt eða sprett úr spori, verður
ánægjan af Toyota Camry óblandin.
TOYOTA
Fjölventla vélin - bílvél framtíðarinnar
TOYOTA
V|S/6'60l w >tnv