Morgunblaðið - 18.08.1992, Blaðsíða 35
MORGUNBLAÐIÐ ÞRIÐJUDAGUR 18. ÁGÚST 1992.
35
Verður Hannes stórmeistari í Hafnarfirði?
Skák
Margeir Pétursson
HELMINGUR þátttakenda í
landsliðsflokki á Skákþingi ís-
lands 1992 er alþjóðlegir titilhaf-
ar. Tveir stórmeistarar og fjórir
alþjóðlegir meistarar tefla á
mótinu, sem hófst í íþróttahúsinu
við Strandgötu í Hafnarfirði í
gærkvöldi. Að þessu sinni er
mótið í 4. styrkleikaflokki FIDE,
og meðalstigin eru 2.346, sem
þýðir að til að ná áfanga að al-
þjóðlegum meistaratitli þarf sjö
og hálfan vinning úr ellefu skák-
um. Hannes Hlífar Stefánsson
þarf að fá niu vinninga til að
hækka upp í 2.500 Elo-skákstig,
sem er síðasta skilyrðið sem hann
þarf að uppfylla til að verða út-
nefndur stórmeistari af Alþjóða-
skáksambandinu.
í Hafnarfírði starfar öflugt skák-
félag sem hefur verið afar iðið við
skákmótahald síðustu ár. Þar ber
hæst Skákþing íslands 1988 og
alþjóðlega mótið í Hafnarborg fyrr
á þessu ári. Þar náði Hannes Hlífar
einmitt mikilvægum áfanga að stór-
meistaratitli.
Samkvæmt lögum Skáksam-
bandsins fá tveir efstu menn á
mótinu sjálfkrafa sæti í landsliði
íslands. Úrslit mótsins geta því
haft mikil áhrif á það hvemig liðið
verður skipað á Evrópumeistara-
móti landsliða í Ungveijalandi í lok
nóvember. í þeirri keppni er teflt á
fjórum borðum og aðeins Ieyft að
hafa einn varamann. Það eru því
aðeins þrír stigahæstu skákmenn
landsins sem eiga víst sæti í þeirri
sveit.
Töfluröð á Skákþinginu:
1. Jón Garðar Viðarsson 2.300
2. Sævar Bjarnason AM 2.310
3. Þröstur Ámason 2.295
4. Ámi k. Árnason 2.200
5. Helgi Ólafsson SM 2.495
6. Hannes Hlífar Stefánsson
AM 2.445
7. Róbert Harðarson 2.345
8. Þröstur Þórhallsson AM
2.445
9. Bjöm Freyr Björnsson
2.270
10. Margeir Pétursson SM
22.565
11. Jón Ámi Jónsson 2.200
12. Haukur Angantýsson AM
2.285
Þeir Jón Garðar og Jón Árni eru
frá Akureyri, en Bjöm Freyr er
fulltrúi heimamanna.
Mótinu lýkur laugardaginn 29.
ágúst. Teflt er á hveijum degi frá
kl. 17 til 23, nema hvað frí er laug-
ardaginn 22. ágúst og föstudaginn
28. ágúst. Þess má væntað skák-
skýringar verði a.m.k. um helgar.
Skáksambandið mun birta nýjar
fréttir af undirbúningi einvígis
Fischers og Spasskys á mótsstað.
Sigurður Daði Sigfússon,
Reykjavíkurmeistari, hefur góða og
gilda ástæðu fyrir því að vera ekki
með á Skákþingi íslands. Sigurður
heldur senn til Hollands þar sem
hann tekur þátt í Evrópumeistara-
móti unglinga.
Áreynslulaus skákstíll
Svo sem fram hefur komið hér í
Mbl. tókst Anatólí Karpov sérlega
vel upp á stórmótinu í Biel um dag-
inn. Karpov virðist nú næsta örugg-
ur með að endurheimta annað sæt-
ið á alþjóðlega stigalistanum. Þeir
einu sem gætu komið í veg fyrir
það eru þeir Vassilí ívantsjúk og
Bobby Fischer!
Þegar og ef Fischer byijar aftur
að tefla gilda þau stig sem hann
hafði áður en hann féll út af list-
anum. Þau voru 2.780, en á listan-
um 1. júlí sl. var Kasparov með
2.790. Með því að bursta Spassky
gæti Fischer jafnvel endurheimt
sæti sitt sem stigahæsti skákmaður
heims. Það duga þó engin vettlinga-
tök, því Spassky hefur sjálfur dalað
niður í 2.560 stig og er nú í 96-102.
sæti á lista FIDE. Fischer yrði því
að fá meira en 75% vinningshlut-
fall í einvíginu til að hækka á stig-
um.
Skákin sem hér fer á eftir er
býsna dæmigerð fyrir skákstíl Ana-
tólí Karpovs. Það er allt annað en
auðvelt að segja til um það hvar
öflugasti skákmaður Frakka, hinn
19 ára gamli Lautier, lék tapleikn-
um í þessari skák. Hann var lengst
af hársbreidd frá því að jafna taflið.
Krystaltær sigur sem byggist á
ótrúlegum stöðuskilningi Karpovs
og minnir á tvo aðra fyrrum heims-
meistara, þá Smyslov og Capa-
blanca. Um Smyslov var stundum
sagt að öll uppskipti væru honum
í hag og sama virðist gilda um
Karpov í þessari skák. Drottninga-
kaup í lokin verða svo banabiti
Frakkans. Það er ekki að furða
þótt Kasparov reyni alltaf að flækja
taflið þegar hann mætir Karpov.
Hvítt: Anatólí Karþov
Svart: Joel Lautier
Slavnesk vörn
1. d4 - d5 2. c4 - c6 3. Rc3 -
Rf6 4. e3 - e6 5. Rf3 - Rbd7
6. Dc2 - Bd6 7. Be2 - 0-0 8. 0-0
— He8 9. Hdl - De7 10. h3 -
b6 11. e4 — Rxe4 12. Rxe4 —
dxe4 13. Dxe4 - Bb7 14. Bf4 -
Had8 15. Bxd6 - Dxd6 16. Re5
— Rxe5 17. dxe5 — Dc7
Uppskipti á þremur léttum mönn-
um virðast ekki hafa orðið hvíti til
framdráttar. í næstu leikjum hótar
svartur ávallt að jafna taflið endan-
lega með c6-c5, en Karpov er reiðu-
búinn til að gefa peð til að hindra
það.
18. Bf3 - Ba8 19. Hxd8 - Hxd8
20. Hdl! - Hxdl+ 21. Bxdl -
Dd8 22. Bf3 - Dd2 23. b3! -
Dxa2 24. b4! Enn skiptir höf-
uðmáli að loka biskupinn á a8 inni.
Eftir 24. Dd4 - Da3 25. Dd8+ -
Df8 26. Dc7 — c5 blasir jafnteflið
við.
24. - Dal+ 25. Kh2 - Da6 26.
Dd4!
Aftur sneiðir Karpov hjá laglegri
gildru unga Frakkans. Eftir 26. b5?
— Dc8 27. bxc6 — h6 eru báðir
hvítu mennimir bundnir við að
valda peðið á c6.
26. — Dc8 27. c5 — bxc5
Það er heldur ekki nein endanleg
lausn á vandamálum svarts að leika
27. — b5, eftir 28. Dd6 getur hann
sig hvergi hrært og verður að bíða
eftir árás hvíts á kóngsvæng.
28. Dxc5 — a6 29. De7 — g6 30.
h4 - h5 31. Kg3!
Svartur hefur slæman biskup og
er veikur fyrir á svörtu reitunum.
Umframpeð hans skiptir alls engu
máli. Nú reynir Lautier enn að létta
á stöðunni, en þótt hann sé peði
yfír er biskupaendataflið gertapað
á svart. Með drottningar á borðinu
hefði verið hægt að veita meira
viðnám.
31. - Db7? 32. Dxb7 - Bxb7 33.
Kf4 - Kf8 34. Kg5 - Ke7 35.
Be4 - Ba8 36. f3 - Bb7 37. g4
- Ba8
Eftir 37. — hxg4 38. fxg4 mynd-
ar hvítur sér frípeð á h línunni.
38. gxh5 - gxh5 39. f4 - Bb7
40. Bf3 — Ba8 41. Bxh5 og Lauti-
er gafst upp.
UTIVIST
Hallveigarstig I • sími 614330
Miðvikudagskvöldið
19. ágúst
Kl. 20.00 Rökkurganga í Gálga-
hrauni á Álftanesi.
Brottför frá BSl.
Helgarferðir 21 .-23. ógúst
Kl. 20.00 Kerlingarfjöll. Glst í
tjöldum. Verð 5.900/6.500.
Kl. 20.00 Básar. Góð gistiað-
staða í skálum og gönguferð
fyrir alla.
Sjáumst I Útivistarferð.
Áhugafólk um hreyfingu
og næringu.
Ólafur Sæmundsson, næringar-
fræðingur, kemur á fræðslufund
í félagsheimili KR við Frostaskjól
þriðjudaginn 18. ágúst kl. 20.30.
Allir velkomnir.
skokkhópur.
FERÐAFELAG
ÍSLANDS
MÖRKINNI 6 - SÍMI 682533
Helgarferðir
21.-23. ágúst:
1) Þórsmörk - gist f Skag-
fjörðsskðla/Langadal.
Gönguferðir um Mörkina.
2) Landmannalaugar - Eldgjá
- Álftavatn.
Gist í sæluhúsi F.(. í Landmanna-
laugum og við Álftavatn. Hring-
ferð um fjölbreytt og óvenjulegt
svæði.
Upplýsingar og farmiðasala á
skrifstofunni, Mörkinni 6.
Ferðafélag (slands.
iMÞAUGL ÝSINC 3AR
ÝMISLEGT FUNDIR - MANNFAGNAÐUR ATVINNUHÚSNÆÐI
Gistihús Undirbúningsstofnfundur Þeir, sem vilja taka þátt í stofnun félags varðandi starfsemi gistihúsa á íslandi, vin- samlega láti vita í síma 612600 eða á fax 612636. Kínaklúbbur Unnar heldur kynningu á þriggja vikna ferð um Kína og Tíbet, sem farin verður á vegum sænskrar ferðaskrifstofu 23. október. Kynningin verður miðvikudaginn 19. ágúst kl. 20.30 í safnaðar- heimili Fríkirkjunnar, Laufásvegi 13. Sýndar verða skyggnur frá ferð klúbbsins til Kína í rnaí sl., Tai-chi (kínv. leikfimi) og kínv. dans. Ókeypis aðgangur. Upplýsingar um ferðina veitir Unnur Guð- jónsdóttir, ballettmeistari, sími 12596. Atvinnuhúsnæði óskast 150-200 fm húsnæði óskast í Kópavogi eða nágrenni fyrir þjónustufyrirtæki í rekstri. Snyrtilegt umhverfi og gott aðgengi æskilegt. Tilboð sendist auglýsingadeild Mbl. merkt: „S - 8214“.
Endurmenntun, starfstengt nám, símenntun, tómstundanám og
ýmis önnur fullorðinsfræðsla verður til umfjöllunar í sérblaði,
sem fylgir Morgunblaðinu fimmtudaginn 3. september.
Að læra meira er heiti blaðsins og verður leitast við að gera skil
þeim fjölmörgu leiðum sem standa fólki opnar til að auka við
þekkingu sína með lengra eða skemmra námi, námskeiðum,
fjarnámi og fleiru.
Þeim, sem áhuga hafa á að auglýsa í þessu blaði, er bent
á auglýsingadeild Morgunblaðsins í síma 69 11 11.
Síðustu forvöð til að panta auglýsingar í blaðið
eru kl. 11.00 mánudaginn 31. ágúst.