Morgunblaðið - 29.11.1994, Síða 25

MORGUNBLAÐIÐ
LISTIR
TRÍTILTOPPUR (Alda Arnardóttir) bragðar á veislumáltíð hjá
Grýlu (Stefáni Sturlu) sem nýtur þess að fá loksins fyrsta gest-
inn í nokkur hundruð ár.
Tröllastrákur
í hættuför
LEIKUST
Mögulcikhúsið
TRÍTILTOPPUR
Höfundur og leikstjóri: Pétur Egg-
erz. Leikmynd og búningar: Helga
Rún Pálsdóttir. Lýsing: Alfreð Sturla
Böðvai’sson. 27. nóvember.
í LEIKHÚSI barnanna eru nú
hafnar sýningar á fyrsta leikritinu,
sem eingöngu verður sýnt þar á
bæ. Þótt Möguleikhúsið hafi verið
starfrækt við Hlemm í nokkra
mánuði, hafa sýningarnar til þessa
verið á verkum sem hægt hefur
verið að pakka saman og ferðast
með á milli leikskóla og grunn-
skóla.
í Trítiltoppi segir frá því hvern-
ig litli trölladrengurinn sem býr
hjá Tindabjörgu, móður sinni, og
Hamrabergi, föður sínum, er orð-
inn forvitinn um heiminn sem hann
býr í og vill fá að skoða hann
betur. Hamrabergur, sem ferðast
um til að afla vista, hefur frá
mörgu að segja en það sem vekur
sérstaklega forvitni drengsins eru
jólin. Hann langar til að kynnast
þeim og fá þau í heimsókn í hell-
inn fjölskyldunnar. En Tinda-
björgu finnst sonurinn heldur ung-
ur til að fara á flakk og þverneit-
ar að leyfa honum að fara með
föðurnum að afla vista.
Heimurinn er jú hættulegur,
meira að segja fyrir tröll. Ef til
dæmis sólin kæmi upp áður en litlu
fætur Trítiltopps næðu heim, yrði
hann að steini. Hún hefur áhyggj-
ur af að drengurinn myndi tefja
föðurinn á ferðum hans.
En Trítiltoppur lætur sér ekki
segjast. Útþráin er orðin of sterk.
Hann strýkur að heiman, gengur
yfir fjöll og dali og hittir á leið
sinni bæði góða og slæma einstakl-
inga; álfakóng, grimman dverg -
og svo Grýlu og Leppalúða. Hann
kynnist vináttu þegar álfakóngur-
inn hjálpar honum að losna úr
gjótu sem hann hefur fest sig í
og grimmdinni, þegar hann launar
álfakónginum greiðann með því
að sækja töfrakórónuna í hellinn
til Garra dvergs, sem hefur stolið
henni. Hjá Grýlu og Leppalúða á
hann athvarf - en því miður leng-
ur en hann vill sjálfur. Ef ekki
væri fyrir skilning og hjálpsemi
Leppalúða, hefði Trítiltoppur sjálf-
sagt dagað uppi við andstyggilega
potta Grýlu.
Hann finnur að lokum Gáttaþef
jólasvein, sem fyrstur álfa og trölla
getur sagt honum eitthvað af viti
um jólin og það er með honum sem
Trítiltoppur kynnist þeim fyrst af
eigin raun.
Trítiltoppur er einhver besta
sýning Möguleikhússins til þessa;
textinn er vel skrifaður og mjög
þjáll, persónurnar litríkar og
skemmtilegar og hreyfingin á svið-
inu er hröð og nákvæm. Andstæð-
ur eru mun sterkari en verið hefur
í fyrri verkum leikhússins og því
verða þeir sem vondir eru, dálítið
skelfilegir. Það er dvergurinn
Garri sem hræðir lítil hjörtu, því
hann er ekki bara vondur, heldur
hroðalega ljótur og hávær. Grýla
og Leppalúði eru aftur á móti
meinleysisgrey; ekki ill, bara ótta-
lega vitlaus og vinasnauð. Það er
mjög sniðugt að velja þessa leið
með þau hræðilegu hjón, því ef
þau hefðu verið eins grimm og
Garri, er ég hrædd um að það
hefði borið lítil hjörtu ofurliði.
Leikmyndin er alveg einstök.
Inni í hið litla rými leikhússins
hefur verið hannað fjallalandslag,
með hellum og krákustígum og
verður ferðalag Trítiltopps bæði
hættulegt og flókið. Lýsing er
mjög áhrifarík í þessu landslagi
og man ég ekki til þess að hafa
áður orðið hrædd við það að sólin
kæmi upp. Búningar eru litríkir
og sniðugir, þótt ég verði að viður-
kenna að mér fannst dvergurinn
Garri aðeins of óhugnanlegur; eins
og sambland af manni og skordýri.
Alda Arnardóttir leikur Trítil-
topp og ferst það sérlega vel úr
hendi. Stórar hreyfingar, samfara
miklum sveigjanleika og lipurð
gera Trítiltopp barnslegan og eru
í góðu samræmi við textann.
Bjarni Ingvarsson leikur Tinda-
björgu, Garra og Leppalúða og var
reglulega hégómleg og smart
mamma, hræðilega ógnandi Garri
og notalegur Leppalúði.
Stefán Sturla Sigurjónsson leik-
ur Hamraberg, Arfíturs álfakóng,
Grýlu og Gáttaþef. Öll hlutverkin
eru skemmtilega unnin, þótt ég
verði að segja að skemmtilegastur
er hann í Grýlu.
Leikstjórnin er mjög góð; hreyf-
ingin í sýningunni er mikil og
framvindan hröð, persónusköpun
er vel unnin í hvívetna og texta-
meðferð skýr. Tengingar á milli
atriða, eða persóna sem verða á
vegi Trítils, eru sniðuglega út-
færðar og það er kannski helst
að manni finnist sýningin of stutt.
Það er full ástæða til að óska
Möguleikhúsinu til hamingju með
þessa fyrstu ’frumsýningu sem
fram fer í húsnæðinu við Hlemm
- og börnum borgarinnar til ham-
ingju með að barnaleikhús skuli
vera orðið að veruleika.
Súsanna Svavarsdóttir
ÞRIÐJUDAGUR 29. NÓVEMBER 1994

Jólabaksturinn verður að ánægjustundum
með góðu hráeíni. Ljóma smjörlíki íæst
nú í sérstökum jólapakkningum,
tvö stykki í pakka. Með Ljóma
jólapakkningu gefst þér tækifæri
til að taka þátt i auðveldri getraun.
VINNINGAHNIB £ R U
harðduglegar
hrærivélar, liprar eldhúsvogir.
Sodastream-tæki og ávaxtasafar
■
í iítravís. Dregið verður
daglega á Bylgjunni frá
' \ ^ 15, desember og
MLJ vinrú^gshafa
birt jafnóðum í DV.
Gleðíleg jól!
ljómandi gott