Morgunblaðið - 06.06.1996, Page 22

22 FIMMTUDAGUR 6. JÚNÍ 1996
MORGUNBLAÐIÐ
ERLEIMT
Leiðtogar Arabaríkja funda stíft í kjölfar kosningasigurs Netanyahus
M ul baral kl E 'gyi 31 ial laiu Jsfoi "se ti
væntir einingar meðal Araba
Reuter
HUSSEIN Jórdaníukonungur ásamt Yasser Arafat og Hosni
Mubarak við komu þeirra til Aquaba í Jórdaníu í gær.
Reuter
Bylting
í salernis-
málum
Kínverja
GESTIR á Byltingarsafninu í
Peking kynna sér svepplaga
salerni og aðra aðstöðu, öllu
hefðbundnari í laginu, á sal-
ernissýningu í gær. Þessu
óvenjulega náðhúsi fylgir rus-
lakarfa í stíl. Embættismenn
telja sýninguna mikilvægan
þátt í þeirri byltingu í salernis-
málum sem nú sé að verða í
Kína.
Aquaba í Jórdaníu, Jerúsalem. Reuter.
HOSNI Mubarak, forseti Egypta-
lands, Hússein Jórdaníukonungur og
Yasser Arafat, forseti sjálfstjórnar-
svæða Palestínumanna, hittust á
fundi í bænum Aquaba við Rauða-
hafið í gær. Mubarak sagði við
fréttamenn að fundinum loknum að
frekari fundir um samstöðu Araba-
ríkja væru fyrirhugaðir.
„Ég vona að áður en þessi vika
er liðin höfum við fundið lausn eða
skref í átt að einingu meðal Araba,
eða sátt milli Araba,“ sagði Egypta-
landsforseti. „Að öðrum kosti held
ég að við getum komið saman sem
Arabar. Vandamálin eru mörg, við-
horfin hafa verið misjöfn."
í sameiginlegri yfírlýsingu að
fundinum loknum lögðu arabaleið-
togarnir þrír að verðandi forsætis-
ráðherra Israels, Benjamin Netanya-
hu, að hann haldi áfram friðarum-
leitunum í Mið-austurlöndum og láti
af hendi land í skiptum fyrir frið við
nágrannaríkin.
Stíf fundahöld
Leiðtogar arabalandanna funda
nú stíft í kjölfar kosningasigurs
Netanyahus, sem hefur látið í veðri
vaka að ísraelsmenn muni taka
harðari afstöðu í friðarviðræðum.
Hefur hann sagt að ekki komi til
greina að Palestína verði sjálfstætt
ríki, ekki verði samið um skiptingu
Jerúsalem og Gólanhæðum ekki skil-
að til Sýrlendinga.
Mubárak, sem tekið hefur frum-
kvæði í samskiptum arabalandanna
í kjölfar kosninganna í Israel, sagði
í gær að næsti fundur leiðtoga araba-
landa yrði haldinn annað kvöld.
Stjórnarerindrekar sögðu að þá
myndi Mubarak funda með Assad
Sýrlandsforseta og Fahd, konungi
Saudi Arabíu.
Þrátt íyrir þær áhyggjur sem kjör
Netanyahus hefur valdið sagði Mubar-
ak að hann hefði „á tilfinningunni"
að forsætisráðherrann verðandi myndi
standa við þau heit sem Israelsmenn
hafa gefið um friðarþróunina.
Á fundinum í gær hétu Mubarak
og Hússein stuðningi við Arafat, en
að sögn embættismanna var Arafat
mjög í mun að fá slíkt loforð, og
þá sér í lagi frá Hússein.
í yfirlýsingu frá skrifstofu Net-
anyahus í gær sagði að hann fagn-
aði boði leiðtoganna um framhald
friðarumleitana í Mið-Austurlönd-
um.
Sjálfstæði lýst yfir fljótlega
Arafat sagði á fréttamannafund-
inum í Aquaba í gær að Palestínu-
menn. myndu fljótlega lýsa yfir
stofnun sjálfstæðs ríkis og yrði Aust-
ur-Jerúsalem höfuðborg þess. Sagði
Arafat að þetta væri vilji palestínsku
þjóðarinnar.
Netanyahu hefur sagt að ekki
komi til greina að ræða við Palest-
ínumenn um framtíð Jerúsalem,
þrátt fyrir að ísraelsmenn hafi heit-
ið slíkum viðræðum.
Fjölmiðlar í ísrael gerðu mikið úr
orðum Arafats í gær, en í yfirlýsingu
Netanyahus sagði að þau ættu ekki
að koma á óvart. Engum blöðum
væri um það að fletta, að Netanyahu
hefði annað viðhorf til samkomulags
við Palestínumenn, og væri andvígur
stofnun ríkis Palestínu með Jerúsal-
em sem höfuðborg.
Mubarak sagði á fréttamanna-
fundinum í gær að friðarþróunin í
Mið-Austurlöndum myndi leiða til
stofnunar palestínsks ríkis. „Sagan
mun sýna okkur að Palestínumenn
munu stofna ríki fyrr eða síðar, hvort
sem okkur líkar betur eða verr.“
Þrýst á Breta að láta
af andófi við ESB
Whitewater-málið enn til umræðu
Fingraför Hillary
á bókhaldsskrám
London. Reuter.
ÞRÝSTINGUR á bresk stjórnvöld
um að falla frá þeirri stefnu að
standa í vegi fyrir ákvarðanatöku
innan Evrópusambandsins vegna
kúariðumálsins jókst í gær þegar
Samtök bresks iðnaðar (CBI) lýstu
yfir því að afleiðingamar fyrir
breska hagsmuni erlendis gætu
orðið alvarlegar.
Hér er um að ræða einn öflug-
asta þrýstihóp í breskum iðnaði.
Samtökin héldu í gær ráðstefnu í
London og sagði Niall Fitzgerald,
formaður Evrópunefndar þeirra,
að „haldi þetta áfram gæti það
skaðað og raskað starfsemi þeirra
af okkur, sem stunda rúmlega
helming viðskipta Breta við Evr-
ópu.,“ sagði Fitzgerald á ráðstefn-
unni.
Nú er lag
„Nú virðist eiga að létta bann-
inu á innflutningi [tiltekinna]
nautgripaafurða og nú er því lag
BASI.KR 2KlTUN<i-CW
að ganga til uppbyggilegri við-
ræðna um það hvert framhaldið
verði,“ sagði Fitzgerald síðar í
viðtali við Breska ríkisútvarpið
(BBC).
Wim Kok, forsætisráðherra Hol-
lands, ávarpaði ráðstefnuna, sem-
ber yfirskriftina „Viðskipti í Evr-
ópu“, og kvaðst eindregið ráð-
ieggja breskum stjórnvöldum að
endurskoða stefnu sína og það hið
fyrsta.
Samtök bresks iðnaðar sögðu
þegar bresk stjórnvöld ákváðu fyr-
ir tveimur vikum að bregðast við
útflutningsbanninu með því að
standa í vegi fyrir afgreiðslu mála
hjá ESB að það myndi ekki skaða
breska viðskiptahagsmuni. Yfirlýs-
ingar gærdagsins sýna að sú af-
staða hefur breyst.
Fitzgerald sagði að þurft hefði
að endurmeta stöðuna vegna þess
að málið hefði dregist á langinn.
„Skaðinn verður því meiri eftir því
sem málið dregst.“
Santer hyggst auka atvinnu
Brussel. Reuter.
JACQUES Santer, forseti fram-
kvæmdastjómar Evrópusambandsins
(ESB), hleypti í gær af stokkunum
áætlun um að auka atvinnu í Evrópu
og skoraði á leiðtoga Evrópuríkja að
veita baráttunni gegn atvinnuleysi
forgang í stefnuskrám sínum.
„Við höfum mátt horfast í augu
við skelfílegar atvinnuleysistölur og
mesta hættan er sú að hugrekki
skorti til að aðhafast nokkuð,“ sagði
Santer í ávarpi á Evrópuþinginu.
Santer var að kynna sáttmála um
atvinnusköpun. Búist er við að þessi
sáttmáli, sem skiptist í fjóra megin-
þætti, verði efst á baugi á leiðtoga-
fundi ESB í Flórens á Ítalíu 21. og
22. júní.
Tæplega 18 milljónir manna eru
atvinnulausar í aðildarríkjunum 15.
Santer hyggst með áætluninni
bregðast við gagnrýni um að sam-
runi í peninga- og efnahagsmálum
stangist á við aukna atvinnu og
hagvöxt.
„Mynteiningin er bandamaður
komandi kynslóða," sagði Santer.
Washington. Reuter.
BANDARÍSKA alríkislögreglan,
FBI, greindi frá því á þriðjudag að
tvenn fingraför Hillary Rodham
Clinton, eiginkonu Bandaríkjafor-
seta, hefðu fundist á bókhalds-
skrám yfir reikninga fyrir lög-
mannsstörf, sem fundust í Hvíta
húsinu í ágúst án þess að gerð
væri grein fyrir því hvernig þau
hefðu komist þangað.
Umræddra skráa hafði verið leit-
að um nokkurt skeið vegna Whitew-
ater-málsins, sem snýst um fast-
eignaviðskipti forsetahjónanna og
fleiri í Arkansas, og fundust þær á
borði í Hvíta húsinu. FBI hefur síð-
an haft skjölin til rannsóknar.
Fulltrúi FBI sagði í vitnaleiðslu
Whitewater-nefndar öldungadeildar
Bandaríkjaþings að fíngraför Hill-
ary Clinton, sem starfaði fyrir lög-
mannsstofu í Arkansas þegar maður
hennar var þar ríkisstjóri, hefðu
verið á meðal 53 fingrafara, sem
fundust á skjölunum. Skjölin varða
lögfræðiþjónustu Hillary Clinton
fyrir sparisjóð einn í Arkansas,
Madison Guaranty Savings and
Loan. Sparisjóðurinn var rekinn af
James McDougal, viðskiptafélaga
forsetahjónanna í Whitewater, sem
í síðustu viku var dæmdur fyrir fjár-
svik ásamt Susan, fyrrverandi konu
sinni.
Fæstir telja Whitewater
skipta sköpum
Samkvæmt skoðanakönnun, sem
birt var í gær og gerð var eftir að
McDougal-hjónin voru dæmd ásamt
Jim Guy Tucker, eftirmanni Clintons
í ríkisstjórastóli í Arkansas, eru fáir
Bandaríkjamenn þeirrar hyggju að
Whitewater-málið skipti sköpum.
Aðeins 15 af hundraði aðspurðra
sögðu að Whitewater skipti banda-
rísku þjóðina miklu máli. 35 af
hundraði sögðu að Whitewater
skipti nokkru máli, en 42 af hundr-
aði sögðu að Whitewater skipti mjög
litlu máli. Þessar tölur hafa lítið sem
ekkert breyst frá því að sams konar
könnun var gerð í apríl 1994.
Óvíst um þýðingu
fingrafaranna
Ekki er ljóst hvaða þýðingu það
hefur að fingraför Hillary Clinton
fundust á skjölunum.
„Þessar fingrafaraupplýsingar i
frá FBI vekja mikilvægar spurning- )
ar, sem við munum leita svara við
á næstunni,“ sagði Alfonse D’A-
mato, formaður Whitewater-nefnd-
arinnar, sem hóf störf fyrir um ári
og lýkur senn verki sínu.
Mark Fabiani, aðstoðarráðgjafi
Bandaríkjaforseta, sagði að hér
væri um góðar fréttir að ræða því
að þessar vísbendingar græfu undan ^
samsæriskenningu um að starfs-
menn forsetans hefðu fjarlægt 1
skrárnar eftir að Vince Foster, ráð- |
gjafi Clintons, framdi sjálfsmorð
árið 1993.
Miklar vangaveltur höfðu verið
um að Maggie Williams, starfs-
mannastjóri forsetafrúarinnar, hefði
látið skjölin hverfa. Fingraför henn-
ar fundust hins vegar ekki á skjölun-
um.
„Tilkynningin í dag er endurtekn- i
ing á því mynstri, sem D’Amato
öldungadeildarþingmaður hefur I
fylgt í hlutdrægum vitnaleiðslum I
sínum: í hvert skipti, sem beinhörð-
um staðreyndum er leyft að taka
sess eintómra dylgja, gufa ásakanir
repúblikana um Whitewater upp,“
ságði í yfirlýsingu frá Fabiani.
Michel Chertoff, ráðgjafi Whitew-
ater-nefndarinnar, sagði að næst á
dagskrá væri að komast að því hve-
nær og undir hvaða kringumstæð- |
um Hillary Clinton hefði skilið eftir
fingraför sín á skránum. Hann
kvaðst ekki vita til þess að hægt I
væri að aldursgreina fingraför.