Tímarit Hins íslenzka bókmentafélags - 01.01.1883, Page 67

veiði. Skipinu er þá lagt fyrir vind, svo aðþað færist
hægt áfram, og netin eru lögð frá borði nær apturstafni.
Mönnum er skipað niður; sumir lypta netunum upp,
færa þau aptur og gæta þess, að þau leggist rétt,
aðrirgæta vel að vörpunni, og láta böndin réttáhana.
þegar öll netin eru úti og 15—20 faðmar í yfirvarp,
sem kallað er svigbandið (swingrope), er það fært
fram á skipið yfir að framkinnungi, og fest þar. Skip-
inu er svo sveigt undan upp í vind, segl tekin inn, stór-
mastrið felt niður og sett upp hið litla aptursegl, sem
kallað er reksegl (driftmizen) til þess að skipið haldi
sér ávindis. Nokkrir af mönnunum verða eptir á þilj-
unum til gæzlu, en skip og net rekur svo eptir fallinu.
það er mjög nauðsynlegt, að teygju eða spenningi sé
haldið á netunum, svo að þau liggi beint. Af þessu
er það skiljanlegt, að netin verður að leggja sem mest
upp í áttina, hvort heldur meiri eða minni kæla er.
Skipið, sem hefir netin á hléborða, þegar þau
eru lögð út, stendur meira á móti vindinum en þau,
og rekur þess vegna meira, svo að þess verður velað
gæta, að ferðin verði svo mátuleg, að netin haldist
rétt. Sé nú mjög hvast, þá er gefið út meira yfirvarp,
eftilvill 100 faðmar, og léttir það þá spenninginn eða
áraunina á netunum. Meðan netin rekur, draga menn
yfirvarpið inn, þegar henta þykir, þangað til komið
er að fyrsta netinu. þetta er gjört til þess að gæta
þess, hvort líkindi sé til veiðar, eða hvort netin
verði fyrir skemdum af háfi. Sé mikið af honum, get-
ur hann spilt bæði veiði og netum.
Nú kemur að þvi að draga netin, og fer um það
nokkuð líkt og þá er þau eru lögð, þó hvort á sinn
hátt. Bæði yfirvarp og net eru dregin inn á spilinu.
Fiskurinn er hristur úr netunum, salti stráð yfir hann
og hann látinn niður í skip. þegar öllu er lokið, er
5*