Dagblaðið Vísir - DV - 01.03.1997, Side 18

18
LAUGARDAGUR 1. MARS 1997 JLlV
Dagur í lífi Loga Bergmanns Eiðssonar Dagsljóssvíkings:
Sænskir madrigalasöngvarar á vappi úti um allt
„Ég vakna við hvíslið í dóttur
minni, Fanndísi Birnu, sem fer
smátt og smátt hækkandi. Hún
varð tveggja ára um helgina en sef-
ur enn þá upp í hjá okkur. Hún er
að hætta á bleiu og lætur vita þeg-
ar hún þarf að pissa. Það er venju-
lega ágætt en ekki alveg klukkan
sex á mánudagsmorgni. Ég sofna
aftur og vekjaraklukkan hringir
klukkan 8.20. Hún er þeirrar gerð-
ar að hún hringir á tíu mínútna
fresti. Ég kaupi mér frest þar til ég
er orðinn of seinn og rýk út. Bíll-
inn frosinn og klukkan alveg að
verða níu. Þar -af leiðandi kem ég
of seint en stundvísi hefur reyndar
aldrei verið mín sterkasta hlið.
Fyrsta nikótíntyggjóið
Ég næ einum kafiiholla, þeim
fyrsta af mörgum, og fyrsta
nikótíntyggjó dagsins minnir mig
á að nú eru liðnir 55 dagar síðan
ég hætti að reykja. Það hefur geng-
ið ótrúlega vel þó að mínir nán-
ustu hafi ef til vill fúndið fyrir ein-
hverjum örlitlum breytingum á
skapinu. En þetta er allt að koma.
Við byrjum daginn í Dagsljósi á
fundi þar sem við förum yfir það
sem er að gerast og litum yfir síð-
asta þátt. Það er fastur liður og sú
umræða hefur ekki alltaf verið á
jafn rólegum nótum. Ég er svo
heppinn að vinna með mjög
skemmtilegu fólki og það segir það
sem því finnst. En fóstudagsþáttur-
inn var heldur óvenjulegur; konu-
dagsþáttur og ég átti frí. Það hefur
reyndar ekki gerst síðan í október.
Við snúum okkur að deginum í
dag og okkur ber saman um að við
verðum að taka inn það sem gerst
hefur með Stöð 3 og ræðum það
hvemig við getum gert það og við
hverja væri best aö tala. Á fundi á
morgnana setjum við líka upp þátt-
inn í grófum dráttum og þar eru
fastir liðir. Jón Viðar mætir alla
mánudaga og við ákveðum líka að
senda út viðtal við Göran Tun-
ström, heimsókn í listhúsið ísafold
og eitthvað fleira.
Skipst á árshátíð-
arslúðri
Fundurinn í dag er í lengri kant-
inum þar sem við notum tækifær-
ið til að skiptast á árshátíðar
slúðri. Hún var á laugardaginn í
Perlunni, með tilheyrandi snún-
ingi, og virðist ekki hafa farið jafn
vel í alla.
Næsta mál hjá mér er að ganga
frá viðtalinu við Tunström. Ég
hitti hann á föstudaginn í Nor-
ræna húsinu. Hann er sérlega
skemmtilegur og líflegur og á að
baki merkilega sögu. Ég notaði
helgina til að lesa bókina hans,
Ljóma, og leist vel á. Það tekur
mig svolitla stund að berja viðtalið
saman því það er svo margt sem ég
vil nota. En það hefst um síöir.
Hamborgari í hádeginu
Næst eru það ýmiss konar út-
réttingar og í hádeginu ákveð ég
aldrei þessu vant að fara út og fá
mér að borða. Við Marteinn Þórs-
son, pródúsent í Dagsljósi, förum
niður í bæ og endum á því að fá
okkur hamborgara á Kabarett í
Austurstræti. Ég hef ekki hug-
mynd um af hverju við endum þar
en hamborgarinn er góður.
Eftir hádegi er ýmislegt smálegt.
Það er mikið hringt og drjúgur
tími sem fer í að skipuleggja tökur.
Við vinnum ýmist mál samdægurs
eða svolitið fram fyrir okkur og ég
garfa í tveimur slíkum málum.
Annað þeirra er áhugaleikhópur-
inn Leyndir draumar sem hefur
verið að sýna í Höfðaborginni.
Svolítið forvitnilegt að sjá hvernig
venjulegt fólk skiptir um ham á
kvöldin.
Þvælst á netinu
Ég gef mér smátíma til að þvæl-
ast á netinu og svara bréfum í
tölvupósti. Ég nota hann sífellt
meira, enda þægilegt form sem
gerir það að verkum að maður
nennir að skrifa bréf.
Smám saman fer að líða að þætt-
inrnn okkar um kvöldið. Ég er bú-
inn að skrifa textann og seint og
um síðir drattast ég niður í
sminkið. Svanhildur er í stólnum
og sænskir madrigalasöngvarar á
vappi úti um allt að æfa sig. Það er
því svolítið undarleg stemmning
yfir rakstrinum og sminkinu. Mér
finnst þetta hins vegar alltaf svolít-
ið þægilegur tími. Hér er maður
búinn að öllu og tilbúinn að bera
þáttinn á borð fyrir fólk. Jón Við-
ar er mættur í sérlega góðu skapi
með sína víðfrægu dauðu hönd.
Með Jordan og Bugs
Bunny
Þátturinn sjálfur gengur svo vel
og að honum loknum rýk ég heim;
sæki eldri döttur mína, Elínu
Tinnu sem er átta ára, og saman
förum viö upp í Breiðholt í Bíó-
höllina. Það vill nefhilega svo til
að ég á að taka kvíkmyndagagn-
rýni með Áma Þórarinssyni dag-
inn eftir og ein myndanna er
Space Jam með Michael Jordan og
Bugs Bunny. Þó að Árni sjái um
hina eiginlegu gagnrýni þá þarf
maður samt að sjá myndirnar og
sérstaklega í þessu tilfelli þar sem
myndin er um körfubolta. Árni
hefur álíka mikið vit á íþróttum og
ég hef á ylrækt.
Við feðginin skemmtum okkur
vel og komum heim rétt fyrir ell-
efu. Þá rennur það upp fyrir mér
að ég hef ekkert borðað síðan í há-
deginu og ég skelli í mig nokkrum
brauðsneiðum fyrir háttinn. Ólöf
Dagný, konan mín, er búin að
koma Fánndísi í rúmið og enn
einu sinni frestum við því að láta
hana sofa í herberginu sínu. Æ,
það kemur dagur eftir þennan
dag.“
Logi Bergmann ber sig fagmannlega að við raksturinn áður en Dagsljóssþátturinn hefst. DV-mynd Pjetur
Petta er meira til þess að ég hafi sjálfur einhverja gleöi af þessu.
Nafn: _____________________________________________________
Heimili:—-_________________________________________________
Vinningshafar fyrir þrjú hundruð nítugustu og
áttundu getraun reyndust vera:
Hörður Páll Steinarsson Svala Ólafsdóttir
Lækjarhvammi 14 Reynibergi 1
220 Hafnarfirði 220 Hafnarfirði
Myndimar tvær virðast við fyrstu
sýn eins en þegar betur er að gáð kem-
ur í ljós að á myndinni til hægri hefur
fimm atriðum verið breytt. Finnir þú
þessi fimm atriði skaltu merkja við
þau með krossi á myndinni til hægri
og senda okkur hana ásamt nafni þínu
og heimilisfangi. Að tveimur vikum
liðnum birtum við nöfn sigurvegar-
anna.
1. verðlaun:
SHARP-vasadiskó með útvarpi, að
verömæti kr. 3.950, frá Bræðrunum
Ormsson, Lágmúla 8, Reykjavík.
2. verðlaun:
Tvær Úrvalsbækur, að verðmæti kr.
1790 - Ógnarást eftir Lindu Randall
Wisdon og Sinnaskipti eftir Lyndu
Kay Carpenter.
Vinningarnir verða sendir heim.
Merkið umslagið með lausninni:
Finnur þú fimm breytingar? 400
c/o DV, pósthólf 5380
125 Reykjavík