Dagblaðið Vísir - DV - 28.12.2002, Page 25

*
Helgctrhloö X>'V"
DV-myndir E.ÓI.
Óli Páll sker kartöflurnar eftir kúnst-
arinnar reglum, þannig að þær verði
allar eins og egg í lögun. Síðan eru
þær brúnaðar rólega í smjöri á pönnu
og hvítlauk og salvíu blandað út í.
Eplasalatið hans Óla Páls er einstak-
lega ljúffengt enda eru eplin soðin
augnablik í rauðvíns- og sírópsblöndu,
stjörnuanís og kardimommu áður en
þeim er blandað út í hræruna.
Fvllta kalkúnabringan með jarðsvepp-
unum skerst í fallegar sneiðar. Kjötið
er safamikið, enda hefur það verið
steikt í ofni við vægan liita eftir að
því liefur verið „lokað" fyrst á pönnu.
Feitt Kalifomíuhvítvín
og Mumm kampavín
- er val Sigurðar Bjarkasonar hjá Allied Domeq
Með jarðsveppafylltum kalkúnabringum mælir
Sigurður Bjarkason hjá Allied Domeq með hvítvíni
frá Sonoma í Kaliforníu, Clos du Bois Chardonnay.
Þetta er ljósgyllt vín, eikað og feitt. Þroskaðir ávext-
ir eins og perur eru áberandi og vanilla, græn epli
og karamella tvinnast skemmtilega við mjúka eik-
ina. Þetta vín er tilvalið með kalkúnanum hér til
hliðar og kalkúna þar sem svipuð krydd eru í fyll-
ingunni en steinliggur annars með feitum fiski,
kjúklingi og léttum pastaréttum. Þetta vín kostar
1.490 krónur í ÁTVR.
En þá komum við að kampavíninu sem gjarnan
haft um hönd við hátíðleg tækifæri enda með af-
brigðum gleðilegt vín. Mælir Sigurður hér með
Mumm Brut. Af Mumm Brut er ákafur og ríkur ilm-
ur af þroskuðum ávöxtum, ristuðu brauði með
keimi af skógarviði. Mikið ávaxtabragð með magn-
aðri fyllingu. Flaskan kostar 2.590 krónur í ÁTVR.
Freyðivín eru framleidd um allan heim en kampa-
vín heita éinungis þau vín sem koma frá héraðinu
Champagne í Frakklandi. Kampavin er yfirleitt
framleitt úr 3 vínberjategundum, Pinot Noir, Pinot
Meunier og Chardonnay. Berin eru pressuð fyrir
gerjun og safinn er litlaus. Hýðið er síað frá og þá
tekur vínið ekki lit. Þrjár aðferðir eru notaðar til
framleiðslu kampa- og freyðivína. Kampavínsað-
ferðin er seinleg og dýr. Þegar vínið er fullgerjað er
það sett í flöskur og sykri bætt við þannig að vínið
gerjast í flöskunni. Vínið er fyrst sett í flöskur og
þrúgusykri bætt i og þeim er svo lokað og eftirgerj-
un fer af stað. Flöskunum er velt og snúið þar til
flaskan stendur næstum á haus. Þá hefur allt botn-
fall safnast fyrir í stútnum. Til að losna við það er
sá hluti sem er í stútnum frystur og siðan dreg-
inn út eins og tappi. Með þessu móti sleppa
loftbólurnar góðu ekki út. Loks er flöskun-
um lokað með hefðbundnum kampavín-
stappa. Charmataðferðin er kennd við
franskan vínfræðing, Eugene Charmat.
Hann fann upp aðferð til að framleiða mik-
ið af freyðivini með því að nota fjóra tanka,
þrjá fyrir vínið og einn fyrir ger. Eftir hitun
og kælingu á víxl í lokuðu kerfi, þar sem
þrýstingnum er haldið við, er víninu tappað á
flöskur. Gosdrykkjaaðferðin er einföldust. Þá
er gosinu komið í flöskuna með því að dæla
kolsýru í vínið eins og við gosdrykkjagerð.
Kampavín er mjög fjölbreytt matarvín. Það
er til mismunandi sætt: Brut er þurrast, sec er
þurrt en aðeins sætt, demi-sec er hálfþurrt en
sætara en sec og doux er sætt. Kampavín get-
ur gengið sem fordrykkur, með mat og eftir-
rétti.
Umsjón
Haukur Lárus
Ilauksson