Dagblaðið - 01.04.1981, Blaðsíða 28

Iðnaðarráðherra boðar f rumvarp á alþingi:
40 þúsund tonna saltverk-
smiðja reist á Reykjanesi
— sem að auki f ramleiði 13000 tonn sjóefna — kostnaður 140 milljónir en
verðmæti ársf ramleiðslu 30 milljónir
„Sjóefnaiðnaður á Reykjanesi er
iðnaður sem við eigum að fara út í,”
sagði Hjörleifur Guttormsson
iðnaðarráðherra á Alþingi á þriðju-
dag er fyrirspurn Matthiasar Á.
Mathiesen um hvað liði ákvörðunar-
töku um ríkisaðild að verksmiðjunni
kom til umræðu. Kvaðst ráðherrann
á næstunni leggja fram tillögu um að
fyrsti áfangi þar syðra yrði 8000
tonna saltverksmiðja en með henni
fengist þróun í saltverksmiðju sem
afkastaði 40 þúsund tonnum.
Jafnframt 8000 tonna verksmiðj-
unni yrði núverandi tilraunaverk-
smiðja nýtt, boruð ein hola til orku-
öflunar og rannsókna á jarðhita-
svæðinu en með borholunni yrði
hafinn undirbúningur að verkhönnun
á 40 þúsund lesta saltverksmiðju.
Kvað ráðherra niðurstöður sýna að
þessar verksmiðjur skiluðu 7—10%
arðsemi, sem væri gott hjá íslenzkum
fyrirtækjum.
Ráðherrann rakti gang mála á
Reykjanesi. Undirbúningsfélagið
skilaði skýrslu i marz 1980 og miðaði
við 60 þúsund tonna saltverksmiðju.
Skipaði ráðherra þá starfshóp til að
fá niðurstöður um ýmsa þætti verk-
smiðjureksturs syðra. Ekkert er til
fyrirstöðu að hefja saltvinnslu en
vinnslurás kalsíumnitrats og kalis er
minna kunn. Óvissa ríkir líka um
hvort bora þarf 2 eða 5 holur og
munar 12 milljónum kr. á kostnaði.
Ein viðbótarhola gæfi góða vísbend-
ingu um hvað stór verksmiðja myndi
kosta.
Athugun starfshópsins benti til að
arðsemi 60 þús. tonna verksmiðju
væri minni en undirbúningsfélagið
taldi. Þvi hallast starfshópurinn að
40 þús. tonna verksmiðju, sem siðara
mark en 8000 tonna verksmiðju sem
fyrst og nýtingu núverandi tilrauna-
verksmiðju. Síðar yrði stefnt að
framleiðslu 9000 tonna kalsíum-
nitrats og 4000 tonna af kali. Síðar er
hugsanleg framleiðsla á magnesíum.
Fjárhagsskuldbindingar ríkisins
yrðu, að dómi starfshópsins, tiltölu-
lega litlar í fyrstu ef hægt væri af stað
farið og þá ynnist vitneskja um
hvernig unnið skal að stærri verk-
efnunum. Kostnaðarverð verksmiðj-
~ánna yrði um 140 milljónir en verð-
mæti ársframleiðslu 30 milljónir kr.
Þingmenn Reykjaneskjördæmis
gerðu góðan róm að orðum ráðherra
og hvöttu til framkvæmda af bjart-
sýni en fullri varúð.
-A.St.
Starfsmenn BÚR
mótmæla fyrirhugaðri
ráðningu Björgvins:
„Það erfullt
af hæf um
mönnum hjá
fyrirtækinu”
— segir formaður
starfsmannafélagsins
,,Það er langt frá þvi, að við
liöfum eitthvað á móti Björgvin Guð-
mundssyni. Okkur finnst bara vit-
laust að þessu staðið og teljum sjálf-
sagt að þessi staða verði auglýst,”
sagði Halldór Pétursson, formaður
starfsmannafélags Bæjarútgerðar
Reykjavíkur, í samtali við blaða-
mann DB í morgun. Stjórn starfs-
mannafélagsins hefur mótmælt þvi
að Björgvin Guðmundsson, borgar-
fulltrúi Alþýðuflokksins, taki við
starfi forstjóra Bæjarútgerðar
Reykjavíkur i haust eins og fyrir-
hugað mun vera.
,,Við erum með fullt af hæfum
mönnum hér innan fyrirtækisins og
teljum það eina rétta að auglýsa stöð-
una.
Við erum á móti þvi, að Björgvin
Guðmundsson geti einfaldlega sagt
sem pólitíkus að hann vilji fá þessa
stöðu og fái hana þannig.”
Halldór sagði að cnn hefði ekki
verið haldinn fundur i starfsmanna-
félaginu vegna þessa máls. Stjórnin
hefði sjálf samþykkt mótmælin en ef
fram héldi sem horfir yrði vafalaust
haldinn almennur fundur starfs-
manna.
Halldór sagðist tclja óeðlilegt að
stjórnmálamenn væru að „makka”
með slíkar stöður. Þó Björgvin
neitaði því að eitthvað hefði verið
ákveðið í þessum efnum þá teldu
starfsmennirnir sig vita af þessu
„makki” og því vildu þeir mótmæla.
-GAJ
Það fylgja þvi ákveðin fonéttíndi að tilheyra yngstu kynslóðinni: til dæmis þau að geta notað regnhlíf fyrir
tveggja manna hús i rigningu. Og þau forréttindi koma i góðar þarfir þegar umhleypingar i veðri gera lands-
mönnum gramt i geði. Ekki var fyrr kominn þykkur snjór yfir stóra hluta landsins þegar hann fóraðrigna — og
það ekkiHtið.Áður þurftu menn að moka snjó fré húsunum, nújtarfað ausa vatniúr kjöllurunum.
DB-mynd: Einar Ólason.
Verkfall lamar Háskólann í dag og f ramvegis ef
samningar takast ekki:
Stundakennarar
mæta ekki í dag
Stundakennarar í Háskóla Islands
hófu í morgun ótímabundið verkfall
vegna óleystrar kjaradeilu við hand-
hafa rikisvaidsins, aðallega mennta-
mála- og fjármálaráðuneyti. Mun
starfsemi í Háskólanum lamast meira
og minna vegna þessa, enda annast
stundakennarar meira en 50%
kennslunnar. Tillaga um að standa
við áður boðað verkfall hlaut 62 at-
kvæði á fjölmennum fundi stunda-
kennar í gærkvöldi. 2 atkvæði voru á
móti en 9 fundarmenn sátu hjá.
Kjarabarátta stundakennara nýtur
víðtæks stuðnings meðal stúdenta. Er
talað um að stúdentar muni ekki
mæta í tíma hjá þeim stundakennur-
um sem kunni að stunda kennslu
þrátt fyrir verkfall. Sömuleiðis er
ráðgert eins dags allsherjarverkfall
stúdenta í einn dag í næstu viku.
Samningafundur var boðaður með
deiluaðilum á mánudaginn. Skömmu
fyrir hann barst stundakennurum
bréf frá háskólarektor þar sem
aðgerðir þeirra voru lýstar ólög-
mætar og undir það sjónarmið tóku
ráðuneytismenn á sáttafundinum.
Stundakennarar telja að í janúar
1979 hafi þeir gert samkomulag við
ríkið um að kjarasamningar þeirra
skyldu endurskoðaðir ef breytingar
yrðu á kjarasamningum fastráðinna
—stúdentar
ráðgera
allsherjar-
verkfall
þeim til
stuðnings
kennara, viðmiðunarhóps stunda-
kennara. Ákvörðun Kjaradóms um
6% kauphækkun fastráðinna kenn-
ara sé nægilegt tilefni til endur-
skoðunar samninga stundakennara.
Á það fellst ríkið hins vegar ekki.
Stundakennarar segja að ráðuneytin
beri þar með ábyrgð á að til verkfalls
hafi komið, að þau hafi brotið leik-
reglurnar og valdið samningsrofi.
- ARH
frýálst, óháð dagblað
MIÐVIKUDAGUR 1. APRÍL 1981.
Skákmótið íLone Pine:
Jóníhópi
efstu
manna
Frá Jóni L. Árnasyni á skákmótinu í
Lone Pine:
Sovézki útlaginn Viktor Kortsnoj
sigraði bandaríska stórmeistarann
Tarjan af öryggi í gær og er Kortsnoj
nú efstur á mótinu. Hann hefur unnið
allar þrjár skákir sínar.
Jón L. Árnason vann Bandaríkja-
manninn Thissen og hefur hlotið 2
vinninga og er í hópi efstu manna.Guð-
mundur Sigurjónsson gerði jafntefli
við Grúnfeld frá ísrael sem hefur oft
reynzt Guðmundi erfiður andstæð-
ingur. Alls munu þeir hafa teflt fimm
skákir, Grúnfeld unnið þrjár en tví-
vegis orðið jafntefli.
íslandsmeistarinn ungi, Jóhann
Hjartarson, mætti enn einum stór-
meistaranum. Að þessu sinni tapaði
hann fyrir Liberzon frá ísrael. Jóhann
hefur 1 vinning.
Skákmótið þetta er ákaflega vel
skipað. 27 stórmeistarar taka þátt í þvi,
14 alþjóðlegir meistarar, 4 FIDE-
meistarar og 14 titillausir keppendur.
-GAJ.
Valt tvær velt-
ur og brann
til grunna
Fallegur Econoline sendiferðabíll,
allur klæddur innan og vel búinn,
brann til kaldra kola utan vegar
skammt sunnan Kúagerðis i morgun,
eða í brekkunni sem liggur upp á
Strandarheiði.
Einn maður hafði verið í bílnum,
hermaður af Keflavíkurfiugvelli. Var
hann á leið til Keflavíkurflugvallar er
bíllinn flaug út af veginum vegna mik-
illar hálku sem þar var. Fór bíllinn tvær
veltur en staðnæmdist á hjólum. Öku-
maðurinn slapp alveg ómeiddur úr velt-
unum, yfirgaf bílinn, fékk far með
næsta bíl suður í aðalhlið Vallarins og
tilkynnti veltuna þaðan til lögreglunnar
í Keflavík.
Er komið var að bílnum aftur var
hann brunninn svo að aðeins stálið var
eftir.
Er talið að neistað hafi einhvers
staðar er maðurinn yfirgaf bílinn og
eldurinn komizt í bensín. Bílinn hafði
ökumaður fengið að láni hjá kunningja
sínum á Keflavíkurflugvelli. - A.St.
Stúdentaráð Háskólans:
Enginn meiri-
híuti til enn
Nýr meirihluti er enn ekki fæddur i
stúdentaráði Háskóla fslands en búizt
við að umbótasinnar og vinstri menn
haldi áfram viðræðum í því skyni að
taka upp samstarf. Enn eru viðræður
þó á því stigi að hvor aðili kynnir
hinum sjónarmiðin og ekkert áþreifan-
legt er komið á blað sem samningur.
Vinstri menn ákváðu í gærkvöldi að
halda áfram viðræðum og viðruðu
ýmsar hugmyndir um framhaldið. Frá-
farandi stúdentaráð hefur framlengt
frest til að kalla nýtt stúdentaráð
saman til 10. apríl. -ARH.