Morgunblaðið - 04.12.2001, Blaðsíða 2
FRÉTTIR
2 ÞRIÐJUDAGUR 4. DESEMBER 2001 MORGUNBLAÐIÐ
Fylgstu
með
nýjustu
fréttum
www.mbl.isGaman að skora
á Old Trafford/B4
Fæðubótarefnin eru
engin málsvörn/B2
12 SÍÐUR40 SÍÐUR
Sérblöð í dag
Á ÞRIÐJUDÖGUM
SKORAÐ var á Alþingi að standa
vörð um áætlanir félagsmálaráðu-
neytisins um eyðingu biðlista eftir
lögbundinni þjónustu við fatlaða og
fjölskyldur þeirra í ályktun sem
samþykkt var samhljóða á baráttu-
fundi á alþjóðadegi fatlaðra í Ráð-
húsinu í gærkvöld undir yfirskrift-
inni „Biðlundin á þrotum“.
Fundurinn var haldinn á vegum
hagsmunafélaga fatlaðra, stétt-
arfélaga þeirra sem starfa að mál-
efnum fatlaðra og samtökum launa-
fólks. Í ályktuninni segir að
sjálfsvirðing þings og þjóðar sé í
húfi. „Það neyðarástand sem hjá
mörgum ríkir er ljótur blettur á
velferðarkerfi Íslendinga og gróft
brot á lágmarksréttindum fólks.“
Á fundinum voru stjórnvöld
harðlega gagnrýnd vegna þeirra
biðlista sem eru eftir lögbundinni
þjónustu fyrir fatlaða. Halldór
Gunnarsson, formaður Þroska-
hjálpar, sagði meðal annars í ræðu
sinni á fundinum að þegar fjárlaga-
frumvarpið hefði litið dagsins ljós í
haust hefði orðið ljóst að biðlistarn-
ir myndu lengjast á næsta ári. Hann
og framkvæmdastjóri Þroskahjálp-
ar hefðu gengið á fund félagsmála-
ráðherra í kjölfarið en það viðtal
hefði orðið sér mikið áfall. Þar
hefði engin efnisleg umræða átt sér
stað. Hann sagði að þeir hefðu að
undanförnu átt samræður við þing-
menn úr öllum stjórnmálaflokkum.
Þeir hefðu allir sýnt málinu skiln-
ing og von þeirra nú væri bundin
við að þingmenn næðu að beita
áhrifum sínum til breytinga áður en
fjárlagafrumvarpið yrði að lögum.
Halldór sagði að yrði ekki farið
að þeim áætlunum sem nú lægju
fyrir um eyðingu biðlistanna mætti
draga af því eftirfarandi ályktanir:
Í fyrsta lagi að það að skrifa undir
alþjóðasamþykktir um mannrétt-
indi væri í augum ráðamanna að-
eins viljayfirlýsing án skuldbind-
inga. Í öðru lagi að ráðamenn litu
þannig á að óþarfi væri að fara eftir
þeim lögum sem Alþingi sjálft set-
ur. Í þriðja lagi að ráðherra gæti
látið gera vandaðar skýrslur og
ályktanir en sleppt því alveg að
fara eftir þeim og loks að ráðherra
sem vísar eigin ábyrgð á næstu rík-
isstjórn kæmist upp með það.
Alþingi standi vörð um
áætlanir um eyðingu biðlista
Morgunblaðið/Kristinn Ingvarsson
Baráttufundur vegna biðlista eftir lögbundinni þjónustu við fatlaða var
haldinn í Ráðhúsi Reykjavíkur í gærkvöld.
TVEIR menn slösuðust þegar bílar
þeirra lentu saman við Knarrarberg í
Eyjafjarðarsveit laust eftir klukkan
fjögur í gærdag. Slysið varð á móts
við gömlu brýrnar þar sem áður var
farið inn fyrir flugvöllinn á Eyjafjarð-
arbraut.
Að sögn lögreglu varð slysið með
þeim hætti að bíl var ekið suður Eyja-
fjarðarbrautina á eftir öðrum sem
hægði á sér. Við það tók ökumaður
aftari bílsins framúr með þeim afleið-
ingum að hann lenti framan á bifreið
sem var að koma úr gagnstæðri átt.
Hálka var þegar atburðurinn átti sér
stað en skyggni gott að sögn lögreglu.
Ökumennirnir, sem báðir eru karl-
menn og voru einir í bílunum, slös-
uðust mikið. Voru þeir fluttir á slysa-
deild Fjórðungssjúkrahússins á
Akureyri. Þaðan var annar mann-
anna fluttur með sjúkraflugi til
Reykjavíkur þar sem hann var lagður
inn á gjörgæsludeild LSH í Fossvogi.
Þar gekkst hann undir aðgerð seint í
gærkvöld. Hinn ökumaðurinn var
áfram á FSA til rannsóknar og að-
hlynningar og var ekki talinn í lífs-
hættu.
Harður árekstur
í Eyjafjarðarsveit
Morgunblaðið/Kristján
Aðstoð slökkviliðs þurfti til að ná ökumönnunum út úr bílunum.
KONAN sem lést í árekstri tveggja
bíla á Reykjanesbraut, skammt
sunnan við Kúagerði, aðfaranótt
laugardags hét Elín Anna Jónsdótt-
ir, til heimilis að Aðalstræti 15, Pat-
reksfirði.
Elín Anna var fertug, fædd 17.
janúar 1961. Hún lætur eftir sig
fjögur börn á aldrinum 9–21 árs.
Konan sem ók hinum bílnum hef-
ur verið útskrifuð af gjörgæsludeild
Landspítala – háskólasjúkrahúss.
Líðan hennar er eftir atvikum góð
en hún hlaut beinbrot í árekstr-
inum.
Lést í bíl-
slysi á Reykja-
nesbraut
Elín Anna
Jónsdóttir
ALLS hafa 390 manns lýst kröfu til
samgönguráðuneytisins vegna ferða
sem keyptar voru hjá Samvinnuferð-
um-Landsýn, en kröfurnar nema um
20,5 milljónum króna. María Thejll,
skrifstofustjóri hjá samgönguráðu-
neytinu, sagði að mest væri um ein-
staklinga að ræða sem hefðu lýst
kröfum, en einnig nokkur fyrirtæki
sem hefðu ætlað í árshátíðarferðir
utan með Samvinnuferðum.
Þessi tala mun því lækka eitthvað
og líklegt að þetta muni færast yfir á
greiðslukortafyrirtækin að ein-
hverju leyti. María sagði að líklega
væri meirihluti þeirra, sem hefði ætl-
að að lýsa kröfum, búinn að því. Hún
sagði að þeir sem hefðu keypt alferð-
ir (pakkaferðir) fengju endurgreitt
en ekki væri ljóst með allar kröfur
sem hefðu borist til ráðuneytisins.
Auglýsing frá samgönguráðuneyt-
inu, þar sem fólk er hvatt til þess að
lýsa kröfum, mun birtast í fjölmiðl-
um á næstu dögum.
52 farþegar Samvinnuferða, sem
keyptu alferðir, voru staddir á Kan-
aríeyjum þegar fyrirtækið lýsti yfir
gjaldþroti. María sagði að farþegun-
um væri tryggð heimför. Þá höfðu
fjórir farþegar Samvinnuferða keypt
far með leiguflugi á vegum fyrirtæk-
isins. María sagði að einn farþegi
væri þegar kominn til landsins, en
tvennt væri væntanlegt á fimmtu-
dag. Sá fjórði hafði ekki haft sam-
band við ráðuneytið. Hún sagði að
farþegarnir myndu fá endurgreitt.
María sagði að enn væri ekki búið
að sundurgreina þær kröfur sem
hefðu borist vegna ferða sem voru
keyptar, meðal annars hvað hefði
verið greitt með greiðslukortum, en
VISA Island og Europay ætla að
bakfæra allar greiðslur viðskipta-
vina sinna frá 18. október. Greiðslu-
kortafyrirtækin beina því til við-
skiptamanna Samvinnuferða að hafa
samband við þau eða viðskiptabanka
, en greiðslur fyrir ferðir sem ekki
hafa verið farnar eru bakfærðar á
grundvelli upplýsinga, eins og kvitt-
ana frá ferðaskrifstofunni.
Forvarsmenn fyrirtækjanna Ís-
lenskra ævintýraferða og Heims-
ferða hyggjast leggja fram nýtt
gagntilboð í þrotabú Samvinnuferða-
Landsýnar fyrir klukkan 9 í dag ár-
degis, en þá rennur út frestur þeirra
til að svara gagntilboði Ragnars H.
Hall skiptastjóra. Tilboðið rann út á
hádegi í gær en fyrir þann tíma gerði
skiptastjóri gagntilboð.
Arngrímur Hermannsson, for-
svarsmaður Íslenskra ævintýra-
ferða, segir þungt hljóð í tilboðsgjöf-
unum enda lítist þeim illa á
gagntilboð skiptastjóra. Hann segir
þó von á nýju gagntilboði frá fyrir-
tæki sínu og Heimsferðum áður en
fresturinn rennur út og verði það
síðasta tilraun til að ná lendingu í
málinu.
Tæplega 400 manns hafa
lýst kröfum vegna ferða
JARÐSKJÁLFTAHRINA hefur
verið í vestanverðum Mýrdals-
jökli síðustu daga og mældist
stærsti skjálftinn 2,5 á Richter á
sunnudag. Þann dag mældust þrír
skjálftar á bilinu 1,7 til 2,5 á Richt-
er og í gærmorgun urðu fimm
skjálftar, sá stærsti 1,8 á Richter.
Að sögn Ragnars Stefánssonar,
jarðskjálftafræðings hjá Veður-
stofu Íslands, er um að ræða
reglulega skjálfta sem koma á
haustin vegna svokallaðra farg-
breytinga í jöklinum. Með því er
átt við að snjófargi er létt af jökl-
inum frá sumri og frameftir hausti
og jökullinn lyftist. Þegar saman
fer að nýtt snjófarg þyngir aftur
jökulinn um vetur og hann er und-
ir áhrifum frá innri kvikum undir
jöklinum verða skjálftarnir.
Skjálftarnir að undanförnu eru
minni en haustskjálftarnir í fyrra
og eru þeir skoðaðir í samhengi
við mögulegt Kötlugos. Athugun á
vatnsleiðni í ám sem renna undan
jöklinum benda þó ekki til goss, að
sögn Ragnars.
Jarðskjálftahrina
í Mýrdalsjökli
LÖGREGLAN í
Keflavík lýsir eft-
ir tveimur fimm-
tán ára stúlkum
úr Grindavík en
þeirra hefur verið
saknað frá því
klukkan 20 á laug-
ardagskvöld, en
talið er að þær
hafi þá farið til
Reykjavíkur.
Stúlkurnar
sem nú er lýst eft-
ir heita Andrea
Karen Jónsdóttir
og Sæbjörg Mar-
ía Erlingsdóttir,
báðar fæddar
1986. Upphaflega
var lýst eftir
þremur stúlkum
en ein þeirra hef-
ur síðan skilað sér heim.
Andrea er í meðallagi há, með
brúnt, slétt, millisítt hár. Hún var
klædd í svartan anorakk og bláar
gallabuxur.
Sæbjörg er grannvaxin, um 160
sentimetra há, með ljóst axlarsítt
hár. Hún var klædd í svarta dúnúlpu
og bláar gallabuxur.
Þeir sem geta gefið upplýsingar
um ferðir stúlknanna frá því á laug-
ardagskvöld eru beðnir um að hafa
samband við lögregluna í Keflavík í
síma 420-2450.
Lýst eftir
tveimur
stúlkum úr
Grindavík
Andrea Karen
Jónsdóttir
Sæbjörg María
Erlingsdóttir