Morgunblaðið - 04.12.2001, Blaðsíða 20

LANDIÐ
20 ÞRIÐJUDAGUR 4. DESEMBER 2001 MORGUNBLAÐIÐ
Öðruvísi
aðventukransar
Sjón er sögu ríkari
Jól 2001
Skólavörðustíg 12, Bergstaðastrætismegin, sími 551 9090
TALIÐ er að litlu hafi mátt muna
að 17 hross dræpust er þau féllu
niður um vakir í Traðarholtsvatni
austan Stokkseyrar á sunnudag.
Hörður Antonsson, ábúandi á
Hraunhlöðu, varð hins vegar vitni
að því þegar ísinn brotnaði undan
hrossunum og í kjölfarið hófust um-
fangsmiklar björgunaraðgerðir
með þátttöku allt að 30 manns, úr
lögreglunni á Selfossi og úr Björg-
unarsveitinni Björgu, auk ábúenda í
nágrenni Traðarholts. Eitt hross
drapst en 16 björguðust. Að sögn
Stefáns Muggs Jónssonar á Vestri-
Grund II, sem tók þátt í að bjarga
hrossunum, er líklegt að hrossin
hafi ekki varað sig á ísnum þar sem
hann var hulinn 20 cm jafnföllnum
snjó. „Yfirleitt skefur af vatninu og
þá fara hrossin ekki út á hreint
svell, en snjórinn virðist hafa blekkt
þau,“ sagði Stefán.
Vatnið var of djúpt til að hrossin
gætu botnað í því og voru þau því á
sundi allt þar til þeim var bjargað.
Hrossin fóru niður um þrjár vakir
og var mjög af þeim dregið þegar
þau náðust á þurrt, að undanskild-
um fyrstu hrossunum fjórum sem
bjargað var, enda voru þau eina
klukkustund í vatninu, en hin allt
upp í tvær klukkustundir.
Stefán tók þátt í að saga 15–20
metra langa rennu í ísinn með
keðjusög svo að unnt væri að teyma
hrossin eftir henni í átt að landi og
reyndist það tafsamt verk, auk þess
sem hrossin voru nær máttlaus þótt
með lífsmarki væru.
Hrossunum var komið í hús á
Grund hjá Stefáni um klukkan 19.30
eftir um tveggja klukustunda
björgunaraðgerðir og hresstust þau
fljótt. Hann segir hins vegar ljóst að
mörg hrossanna hafi átt mjög stutt
eftir þegar þeim var bjargað.
„Fyrstu fjögur hrossin sem við náð-
um upp voru spræk og börðust dá-
lítið um, en hin voru orðin svo dösuð
að þetta var orðið tímaspursmál um
að ná þeim,“ sagði Stefán.
Gert var ráð fyrir að eigendur
hrossanna, sem búa í Reykjavík,
myndu vitja þeirra hjá Stefáni í
gær. Alls eru um 30 hross í eigu
nokkurra manna á hagabeit í Trað-
arholti.
Hrossastóði bjargað á síðustu stundu upp úr vökum í Traðarholtsvatni
20 cm jafnfallinn snjór á ísn-
um gæti hafa blekkt hrossin
Stokkseyri
LÍNUSKIPIÐ Gandí VE kom til
Patreksfjarðar í gær 2. desember, en
Oddi hf. hefur tekið skipið á leigu í
nokkra mánuði til að brúa það bil
sem myndaðist í hráefnisöflun fé-
lagsins við það að vs. Núpur strand-
aði 9. nóv. sl.
„Vonast er til að Gandí fari á veið-
ar eftir nokkra daga“, segir Sigurður
Viggósson, framkvæmdastjóri Odda
hf. Gert er ráð fyrir að sama áhöfn
verði á Gandí og var á Núpi.
Núpur var dreginn til Akraness í
fyrradag og var kominn þangað í
gær. „Þar verður skipið skoðað og
skemmdir metnar áður en til við-
gerðar kemur,“ segir Sigurður. Gert
er ráð fyrir margra mánaða viðgerð-
artíma.
Gandí VE
leysir Núp
BA af
Patreksfjörður
ÍBÚAR Svínavatnshrepps í A-
Húnavatnssýslu fögnuðu því í sam-
komuhúsi sínu í Dalsmynni á föstu-
dag að út er komin heimildarmynd
um líf þeirra og störf á aldamótum.
Jóhann Guðmundsson oddviti Svína-
vatnshrepps sagði að líkast til væri
þetta í fyrsta sinn að allflestir íbúar
sveitarfélags á ákveðnum tíma
kæmu fram í heimildarmynd en sagt
er frá lífi og starfi á hverju einasta
heimili í hreppnum.
Öll heimili í hreppnum fá heimild-
armyndina að gjöf en um er að ræða
140 mínútna heimildarmynd á þrem-
ur myndbandsspólum. Það var
Viggó Jónsson frá Sauðárkróki sem
sá um myndatöku, klippingu og
hljóðsetningu þessarar heimildar-
myndar sem ber heitið Svínavatns-
hreppur. Atvinnuhættir og mannlíf
1999 – 2000.
Jóhann Guðmundsson sagði að al-
menn ánægja væri hjá íbúum
hreppsins með það hvernig til hefði
tekist við gerð myndarinnar.
Öll heimili í Svínavatns-
hreppi í heimildarmynd
Blönduós
Morgunblaðið/Jón Sigurðsson
EKKERT var til sparað þegar Ís-
félag Vestmannaeyja hf., elsta
starfandi hlutafélag landsins, hélt
upp á 100 ára afmæli sitt sl. laug-
ardag.
Að sögn Harðar Óskarssonar,
fjármálastjóra Ísfélagsins, tókst
afmælishaldið ákaflega vel. Skip
félagsins voru öll í landi svo
áhafnir þeirra gætu tekið þátt í
afmælishaldinu ásamt öðrum
starfsmönnum og gestum.
Afmælishátíðin hófst á hádegi
þegar sjö líknarfélögum og sam-
tökum voru afhentar gjafir, en
hver og einn viðtakenda fékk eitt
hundrað þúsund krónur. Þá gaf
Ísfólkið, starfsmannafélag Ís-
félagsins, Krabbameinsfélagi
Vestmannaeyja sérstaka gjöf til
minningar um Sigurð Einarsson,
fyrrverandi forstjóra, sem lést á
síðasta ári.
Um miðjan daginn var móttaka
í frystihúsi Ísfélagsins þar sem
nýlega hefur verið komið fyrir
fullkominni pökkunarlínu fyrir
uppsjávarfisk.
Þar komu ýmsir gestir og þáðu
veitingar í tilefni dagsins. Um
kvöldið var síðan haldinn hátíð-
arkvöldverður í Höllinni, þar sem
eigendur, starfsfólk og aðrir
gestir nutu góðra veitinga,
hlýddu á hátíðarræður og
skemmtu sér fram á nótt.
Margir starfsmenn voru heiðr-
aðir fyrir störf sín í þágu félags-
ins.
Vestmannaeyjabær gaf Ísfélaginu ljósmynd af Bæjarbryggjunni frá 1912. F.v.: Guðjón Hjör-
leifsson bæjarstjóri og stjórnarmennirnir Guðbjörg Matthíasdóttir, Gunnlaugur Sævar
Gunnlaugsson og Þórarinn S. Sigurðsson sem hampa hér myndinni góðu.
Morgunblaðið/Sigurgeir
Fjöldi gesta kom til móttöku í vinnslusal Ísfélagsins þar sem boðið var
upp á léttar veitingar og lifandi tónlist í tilefni dagsins.
Sjö samtök fengu peningagjafir í tilefni afmælisins. Viðtakendur voru kvenfélagið Líkn,
Björgunarfélag Vestmannaeyja, slysavarnadeildin Eykyndill, Félag hjartasjúklinga, fé-
lagið Krabbameinsvörn, sambýlið við Vestmannabraut og Meðferðarheimilið Búhamri.
Vegleg eitt hundrað ára
afmælishátíð Ísfélagsins
Vestmannaeyjar