Morgunblaðið - 04.12.2001, Blaðsíða 31

LISTIR
MORGUNBLAÐIÐ ÞRIÐJUDAGUR 4. DESEMBER 2001 31
Loksins fáanleg á ný
Fyrirgefningin
heimsins fremsti heilari
„Að fyrirgefa sjálfum sér
og öðrum er forsenda
mannlegs þroska“
Stefán Jóhannsson
fjölskylduráðgjafi.
„Það er gaman að gefa út góðar bækur.
Sumar bækur bera þó af og það gerir þessi bók.
Fyrirgefningin er einstök bók og á erindi til hvers
einasta manns, ekki síst núna á þessum átakatímum.“
Útgefendur.
Höfundurinn, geðlæknirinn Gerald G. Jampolsky, segir:
„Ég er sannfærður um óviðjafnanlegan
heilunarmátt fyrirgefningarinnar.“
Símar 435 6810/891 6811
www.hellnar.is
Fæst í öllum helstu
bókaverslunum landsins
PÁLL Ólafsson (1827-1905) var
lítið fyrir að kalla sig skáld og það-
an af síður ætlaði hann ljóðum sín-
um og vísum að koma út á prenti.
Samt varð hann eitt ástsælasta
skáld þjóðarinnar. Þökk sé tveimur
ljóðabókum með verkum Páls sem
Jón Ólafsson, bróðir Páls, gaf út ár-
in 1899 og 1905.
Árið 1970 fannst svo handrit af
miklu safni ástarljóða Páls til eig-
inkonu hans, Ragnhildar Björns-
dóttur. En að sjálfsögðu nægir út-
gáfa ljóðabóka ekki ein, efnið þarf
að höfða til lesenda.
Skemmst er frá því að segja að
ljóð Páls hafa hitt þjóðina beint í
hjartastað. Alþýðleg efnistök, sér-
staklega lipurt ljóðmál, hnyttni og
tilgerðarlausar lýsingar á hvers-
dagslegum aðstæðum gera ljóðin
hans og vísur ómótstæðilegar. Og
fyrir okkur sem nú lifum fyrstu ár
21. aldarinnar gefur efni ljóðanna
mikilvæga innsýn í aldarhátt löngu
liðins tíma.
Á þessari nýju geislaplötu, Söng-
ur riddarans, eru öll söngljóðin eftir
Pál Ólafsson. Lögin eru flest frum-
samin en um þriðjungur eru þjóð-
lög. Útsetningar eru eftir flytjend-
ur tónlistarinnar.
Af frumsömdu lögunum eru flest
eftir Hróðmar Inga Sigurbjörnsson.
Þessi lög eru auðþekkjanleg enda
stíll Hróðmars persónulegur og
sanna þau enn á ný hversu létt hon-
um veitist að gera góðar laglínur,
frumlegar en þó alþýðlegar. Sem er
jú í anda kveðskapar Páls Ólafs-
sonar.
En aðrir eiga einnig minnisstæð
lög á plötunni. Þar má m.a. nefna
ágætt lag Árna Hjartarsonar,
Augnfró, sem er sannkallaður
eyrnaormur. Sofðu blessað barnið
mitt eftir Heimi Sindrason er gull-
falleg vögguvísa og sérstaklega
innilega sungin af Ragnheiði Ólafs-
dóttur. Ragnheiður á sjálf fjögur
lög á diskinum og af þeim finnst
mér bera hæst hið örstutta en ein-
falda Mig langar svo að lifa og vaka,
sem Ragnheiður syngur án undir-
leiks.
Lag Eiríks Bóassonar, Meðan
döggin af munni þínum, er einnig
prýðilegt og skemmtilega útsett. Og
talandi um útsetningar þá má nefna
sérstaklega útsetningu hópsins á
þjóðlaginu Ellinni, lokalaginu á
plötunni. Þar kveður við kröftugan
tón, þjóðlegan en þó nútímalegri en
á hinum þjóðlögunum.
Ef eitthvað má setja út á útsetn-
ingarnar almennt þá hefði verið
skemmtilegt að búa ljóðum Páls ör-
lítið nútímalegri búning en hér er
gert. En þetta er auðvitað bara
smekksatriði.
Tónlistarflutninginn einkennir
vandvirkni og alúð við viðfangsefnið
og á það bæði við um söng og hljóð-
færaslátt.
Bæklingur er vandaður og ítar-
legur og öðrum til fyrirmyndar.
Og sérstakt hrós eiga þau Ragn-
heiður og Þórarinn skilið fyrir
framúrskarandi textaframburð sem
gerir birtingu texta í bæklingi
næstum óþarfan!
Þessi geislaplata er kærkomin út-
gáfa fyrir alla unnendur vísnasöngs
og kveðskapar Páls Ólafssonar.
Páll Ólafsson
í tónum
TÓNLIST
Geislaplötur
Sungin ljóð Páls Ólafssonar: Hróðmar
Ingi Sigurbjörnsson: Þögul nóttin, Hjart-
ans sálar sóley mín, Veistu ekki það er
baldursbrá, Litli fossinn, Morgunbænin.
Ragnheiður Ólafsdóttir: Komdu langan
veg, Sem hjörturinn þráir, Mig langar svo
að lifa og vaka, Sæll var ég þá. Eiríkur
Bóasson: Hjarta mitt, Á ferð, Meðan
döggin af munni þínum. Ingi T. Lárusson:
Sólskríkjan, Hríslan og lækurinn (úts.
Hróðmar Ingi Sigurbjörnsson). Heimir
Sindrason: Þegar þú sefur, Sofðu blessað
barnið mitt. Hörður Torfason: Án þín. Árni
Hjartarson: Augnfró. Þjóðlög o.fl.: Grána,
Brúnn, Eftirköstin, Litla Löpp, Á ást-
arkodda, Ég hef selt hann Yngra-Rauð,
Bleikur, Ellin. Söngur: Ragnheiður Ólafs-
dóttir og Þórarinn Hjartarson. Hljóðfæra-
leikur: Birgir Bragason (kontrabassi),
Hjörleifur Valsson (fiðla), KK- Kristján
Kristjánsson (gítar), Reynir Jónasson
(harmonika). Upptökustjóri: Eyþór Gunn-
arsson. Heildarlengd: 51:22. Dreifing:
Edda – miðlun og útgáfa, 2001.
SÖNGUR RIDDARANS
Valdemar Pálsson
VALDIMAR Hilm-
arsson, söngnemi við
óperudeildina í Guild-
hall School of Music
and Drama í Lund-
únum, varð þess heið-
urs aðnjótandi fyrir
skömmu að semja sér-
stakt lag tileinkað El-
ísabetu II Bretadrottn-
ingu sem flutt var við
vígslu stúdenta-
samfélags sem drottn-
ingin er verndari fyrir.
Stjórnaði Valdimar
kórflutningi lagsins og
afhenti drottningu lag-
ið í skrautrituðu skjali
að því búnu.
Um er að ræða stuttan fagn-
aðarsöng, „Goodenough Vivat“, sem
fluttur var við hátíðlega vígsluat-
höfn stúdentagarðanna London
Goodenough College. Garðarnir eru
reknir á vegum breska ríkisins og
er ætlað að skapa efnilegum meist-
ara- og doktorsnemum af ýmsu
þjóðerni er leggja stund á nám í
Lundúnum aðstöðu til náms og upp-
lýsandi samskipta sín á milli.
Valdimar hefur haft aðsetur í
stúdentagörðunum frá því í sumar,
og segir hann forstöðumann stofn-
unarinnar, Tim Toyne Sewell, fyrr-
verandi hershöfðingja, hafa komið
að máli við sig um að semja lag fyrir
hina formlegu vígsluathöfn garð-
anna er fram fór 14.
nóvember síðastliðinn.
„Ég hafði áður sungið
við hátíðleg tækifæri,
m.a. að beiðni for-
stöðumannsins hér, en
það kom mér mjög á
óvart þegar hann leit-
aði til mín um að semja
kórlag til flutnings við
inngöngu drottning-
arinnar á vígsluhátíð-
ina. Ég hef nokkra
reynslu af kórstjórn,
en þetta lag var fyrsta
verkefni mitt á sviði
tónsmíða. Eftir nokkr-
ar andvökunætur tókst
mér að koma saman
lagi sem ég var nokkuð ánægur
með, en þó gætti ég þess að bera
lagið undir fólk sem ég treysti vel,
m.a. yfirmann tónsmíðadeildarinnar
í skólanum mínum, auk þess sem
tónskáld sem ég þekki hér á garð-
inum var mér innan handar við
lokaútsetningu,“ segir Valdimar.
Sjálf athöfnin var að sögn Valdi-
mars einkar hátíðleg, og tókst flutn-
ingur verksins vel. Hafði Valdimar
safnað saman í 25 manna kór úr röð-
um nemenda er dvelja á görðunum,
auk tveggja söngkvenna úr Íslend-
ingakórnum í Lundúnum. „Fjöldi
manns var viðstaddur athöfnina og
var þar margt tiginna gesta. Þegar
drottningin gekk inn á svæðið söng
kórinn lagið, sem tekur um mínútu í
flutningi, til drottningarinnar og
bauð hana með því velkomna. Síðar
afhenti ég henni lagið og hlaut
þakkir fyrir. Hún spurði mig m.a.
um tilurð lagsins og virtist hin
hressasta með þetta,“ segir Valdi-
mar, og bætir því við að eftir á að
hyggja hafi umræddur dagur verið
mjög óvenjulegur og skemmtilegur.
Stúdentagarðurinn London
Goodenough College hefur vaxið
mjög frá því að hann var settur á fót
í mun smærri mynd fyrir rúmum
sjötíu árum, og var þá eingöngu ætl-
aður erlendum stúdentum. Síðan
hefur stofnunin þróast og hafa þar
nú aðsetur bæði breskir nemendur
og erlendir námsmenn í Lundúnum
í um 500 íbúðum garðanna. Við
vígsluna var stofnuninni breytt úr
London Goodenough Trust for
Overseas Graduates í London Good-
enough College. Drottningin hefur
verið verndari samfélagsins um
fimmtíu ára skeið og hefur að sögn
Valdimars fylgst náið með þróun
þess á þeim tíma.
Valdimar Hilmarsson heilsar hér Bretadrottningu og fleiri gestum á vígsluhátíð London Goodenough College.
Samdi lag fyrir Elísabetu
Bretadrottningu
Valdimar
Hilmarsson