Morgunblaðið - 04.12.2001, Blaðsíða 12
FRÉTTIR
12 ÞRIÐJUDAGUR 4. DESEMBER 2001 MORGUNBLAÐIÐ
UNDIRRITAÐUR var leigusamn-
ingur á milli Styrktar- og líknarsjóðs
Oddfellow-reglunnar og Þekkingar-
hússins ehf sl. laugardag um leigu á
um 80 ha lands í Urriðaholti í Garða-
bæ. Oddfellow-reglan er landeigandi
og Þekkingarhúsið ehf. leigutaki, en
fyrirhugað er að reisa hátæknigarð á
landinu. Fyrir hönd Oddfell-
ow-reglunnar skrifuðu undir samn-
inginn stórsír Geir Zoëga og Ingvi
Guðjónsson formaður stjórnar
Styrktar- og líknarsjóðsins. Fyrir
hönd Þekkingarhússins ehf. skrifuðu
Ingvar Kristinsson og Jón Pálmi
Guðmundsson undir. Samninginn
vottuðu Björn Bjarnason mennta-
málaráðherra og Ásdís Halla Braga-
dóttir bæjarstjóri Garðabæjar.
„Samningurinn er til 80 ára þar
sem gert er ráð fyrir uppbyggingu á
35 árum og leigugjaldi sem er fjór-
þætt,“ sagði Ingvar Kristinsson.
„Þar er um að ræða fasta grunn-
leigu, afkomutengda leigu og gjald í
vísindasjóð og umhverfissjóð.“
Úthlutað verður úr vísindasjóðn-
um til verkefna hjá fyrirtækjum eða
stofnunum í hátæknigarðinum og
umhverfissjóðurinn verður nýttur til
að viðhalda og varðveita náttúru
svæðisins.
„Uppbygging á hátæknigarði í
Urriðaholti er langtímaverkefni og
þessi samningur Þekkingarhússins
og Oddfellow-reglunar endurspeglar
það. Saman og í samvinnu við bæj-
aryfirvöld í Garðabæ mun þetta
verkefni verða að veruleika,“ sagði
Ingvar.
Leigusamningur
um Urriðaholts-
land undirritaður
Morgunblaðið/Árni Sæberg
Frá undirskrift leigusamningsins um helgina en hann er til 80 ára.
Ríkisstjórnarflokkarnir hafa náð
samkomulagi um aðgerðir í ríkis-
fjármálunum, sem fela í sér rúm-
lega þriggja milljarða kr. niður-
skurð auk viðbótartekjuöflunar
með gjaldahækkun, frá því sem
gert hefur verið ráð fyrir í fjár-
lagafrumvarpi næsta árs. Samtals
er um að ræða aðgerðir sem fela í
sér nálægt 3,5 milljarða kr. sparn-
að og auknar tekjur með það að
markmiði að fjárlög verði afgreidd
með um þriggja milljarða kr.
tekjuafgangi, að frátöldum tekjum
af sölu eigna á næsta ári.
Frestun framkvæmda og
nýrra verkefna á næsta ári
Gerðar eru tillögur um niður-
skurð ýmissa rekstrarliða og fjár-
festingarliða, þar sem fram-
kvæmdum og nokkrum nýjum
verkefnum verður frestað, skv.
upplýsingum Geirs H. Haarde
fjármálaráðherra og Halldórs Ás-
grímssonar utanríkisráðherra.
,,Við höfum reynt að hlífa við-
kvæmum þáttum í velferðar-
kerfinu, eftir því sem við höfum
getað,“ sagði Halldór í samtali við
Morgunblaðið.
Ráðherrarnir vildu lítið tjá sig
um einstakar sparnaðartillögur en
sögðu að ákveðið hefði verið að
hrófla ekkert við útgjöldum úr
Fæðingarorlofssjóði skv. nýjum
lögum um fæðingarorlof, en eins
og fram hefur komið í Morgun-
blaðinu voru uppi hugmyndir um
að fresta gildistöku fæðingarorlofs
að því er varðar aukin réttindi
feðra.
Tillögurnar lagðar
fram í frumvarpsformi
síðar í vikunni
Ráðherranefnd um ríkisfjármál
fjallaði um tillögurnar á undan-
förnum dögum. Voru meginniður-
stöðurnar síðan kynntar í þing-
flokkum ríkisstjórnarflokkanna í
gær en einstökum niðurskurðartil-
lögum var þó ekki dreift á þing-
flokksfundunum. Veittu þingflokk-
arnir ráðherrunum umboð til að
ganga endanlega frá tillögunum og
leggja þær fyrir fjárlaganefnd.
Verða þær væntanlega lagðar
fram í fjárlaganefnd á morgun og í
framhaldi af því verða þær lagðar
fyrir þingið annars vegar í svo-
nefndu bandormsfrumvarpi, þar
sem lagðar eru til nokkrar laga-
breytingar og hins vegar í breyt-
ingartillögum við sjálft fjárlaga-
frumvarpið, í síðasta lagi á
fimmtudag. Gert er ráð fyrir að
þriðja umræða um fjárlagafrum-
varpið fari svo fram í þinginu á
föstudag.
Vildu taka tillit
til viðkvæmrar stöðu
á vinnumarkaði
,,Fæðingarorlofsmálið er ekki
inni í þessum pakka. Menn leysa
þetta verkefni án þess að taka
neitt til baka af því sem er að finna
í þeim lögum, sem góð sátt virðist
vera um í þjóðfélaginu. En það var
bara ein hugmynd af mjög mörg-
um á lista yfir það sem hugsanlegt
væri að fara í og breyta. Ég tel þó
að hugmyndir sem fram hafa kom-
ið um að slíkt væri stjórnarskrár-
brot standist alls ekki. En þetta er
engu að síður niðurstaðan og ég
held að það séu allir þokkalega
ánægðir með það,“ sagði Geir H.
Haarde.
Halldór Ásgrímsson sagði rétt
að rætt hefði verið um að fresta
fæðingarorlofinu en niðurstaðan
orðið sú að hreyfa ekki við því.
,,Þar er um mikilvægt réttindamál
launafólks að ræða og alveg ljóst
að slík aðgerð skapaði ekki rétt
andrúmsloft í þeirri viðkvæmu
stöðu sem nú er á vinnumarkaðin-
um. Við höfum tekið fullt tillit til
þess, auk þess sem stjórnarflokk-
arnir hafa lagt mikla áherslu á
þetta mál á kjörtímabilinu,“ sagði
Halldór.
Hækkun gjalda með
hliðsjón af verðlagsþróun
Að sögn fjármálaráðherra er í
niðurskurðartillögunum bæði gert
ráð fyrir frestun framkvæmda og
frestun á nýjum verkefnum sem
áður var búið að ákveða. En auk
þess væru gerðar tillögur um
ákveðnar hækkanir á gjöldum.
Halldór sagði að þar væri um lít-
ilsháttar tekjuöflun að ræða vegna
gjaldtöku sem yrði breytt með
hliðsjón af verðlagsþróun.
900–1.000 millj. kr.
minni tekjur
Fjármálaráðherra benti á að
fjárlagafrumvarpið var lagt fram
með 3,1 milljarðs kr. tekjuafgangi,
þegar frá hafa verið dregnar
tekjur af sölu eigna. Aðstæður
hefðu hins vegar breyst og út-
gjöldin aukist um 2,1 milljarð við
aðra umræðu um frumvarpið auk
þess sem gera mætti ráð fyrir ein-
hverjum útgjaldaauka við þriðju
umræðu.
Þessu til viðbótar lægi fyrir að
tekjur ríkissjóðs minnkuðu um
900–1.000 milljónir frá því sem áð-
ur var áætlað. Með þessum sparn-
aðartillögum væri hins vegar reynt
að tryggja að upphaflegt markmið
um tekjuafgang myndi nást.
,,Það er alveg ljóst að þarna er
um stórt verkefni að ræða ef menn
vilja halda sig við um það bil
þriggja milljarða króna tekjuaf-
gang, sem er það sem við erum að
reyna að gera,“ sagði Geir.
Verulegar útgjalda-
hækkanir hafa orðið vegna
kjarasamninga
Halldór sagði að auk þess sem
tekjur ríkissjóðs drægjust saman
hefði þurft að bregðast við hækkun
útgjalda ríkisins.
,,Það sem hefur mest áhrif á út-
gjöldin er launakostnaðurinn.
Kjarasamningar hafa leitt af sér
verulegar útgjaldahækkanir fyrir
ríkissjóð og það er það atriði sem
skiptir langmestu máli og það er
afskaplega erfitt að grípa til sparn-
aðaraðgerða nema með því að
koma að einhverju leyti við þann
lið, en við virðum að sjálfsögðu alla
þá kjarasamninga sem gerðir hafa
verið. Það er alveg ljóst að öll út-
gjöld, hvort sem það eru launaút-
gjöld eða önnur, þá hafa þau áhrif
á svigrúm ríkisins,“ sagði Halldór.
Fresta framkvæmdum
og nýjum verkefnum
Niðurskurðartillögurnar voru kynntar og samþykktar eftir umræður
á þingflokksfundi Framsóknarflokksins í gær.
Morgunblaðið/Árni Sæberg
Þingmenn Sjálfstæðisflokksins ræddu tillögur um niðurskurð í ríkis-
fjármálum á þingflokksfundi eftir hádegi í gær.
Stjórnarflokkarnir ná samkomulagi um rúmlega
þriggja milljarða niðurskurð og gjaldahækkun
REKSTRARAFGANGUR bæjar-
sjóðs Kópavogs er áætlaður 1.900
milljónir króna eftir vaxtagreiðslur á
næsta ári. Þetta kemur fram í frétta-
tilkynningu frá bænum en fjárhags-
áætlun fyrir árið 2002 var lögð fram
til fyrri umræðu á bæjarstjórnar-
fundi í síðustu viku.
„Heildarskuldir bæjarins lækka á
næsta ári um 100 milljónir króna.
Munu heildarskuldir í árslok 2002
verða 233 þúsund krónur á hvern
íbúa en voru 253 þúsund krónur á
hvern íbúa árið 1999.
Samþykkt var að halda útsvars-
álagningu óbreyttri milli ára eða
12,7%, en að lækka álagningu fast-
eignarskatts á íbúðarhúsnæði úr
0,375% í 0,345%.
Heildarvelta bæjarsjóðs er áætluð
rúmlega 8 milljarðar króna, þar af
eru skatttekjur 5.900 milljónir
króna. Rekstrargjöld að frádregnum
tekjum málaflokka eru áætluð 3.760
milljónir króna,“ segir í fréttatil-
kynningunni.
Mestu fé verður varið til fræðslu-
og menningarmála, 1.950 milljónum
króna, og félags- og leikskólamála,
1.027 milljónum króna. „Til fram-
kvæmda er áætlað að verja um 2,4
milljörðum króna. Stærstu verkefn-
in eru ný sundlaug og íþróttamiðstöð
í Salahverfi, íþrótta- og sýningarhöll
í Kópavogsdal, bygging menningar-
miðstöðvar á Borgarholti og nýr
leikskóli við Rjúpnasali. Þá verða
verulegir fjármunir lagðir í umferð-
armannvirki og haldið áfram fram-
kvæmdum við Salaskóla, Kársnes-
skóla og Snælandsskóla.“
Heildar-
skuldir
lækka
Fjárhagsáætlun
Kópavogs
♦ ♦ ♦
FJÁRHAGSÁÆTLUN bæjarsjóðs
Hafnarfjarðar fyrir árið 2002 var
lögð fram til fyrri umræðu í bæjar-
stjórn Hafnarfjarðar í síðustu viku. Í
fréttatilkynningu segir að í fyrsta
sinn um langt árabil muni tekjur
bæjarsjóðs verða umfram gjöld eða
sem nemur 4,2% af heildartekjum.
„Skatttekjur bæjarsjóðs árið 2002
nema 4.981 m.kr. og hækka um 622
m.kr. frá árinu 2001, eða 14,3%.
Heildarútgjöld bæjarsjóðs nema
4.770 m.kr. og hækka um 270 m.kr.
milli ára eða 6%. Tekjuafgangurinn
sem mun fara vaxandi á næstu árum
verður nýttur til að styrkja fjárhags-
stöðu bæjarsjóðs og greiða niður
skuldir,“ segir í tilkynningunni.
Kostnaður við rekstur málaflokka
er áætlaður um 3.977 m.kr. eða um
79,8% af skatttekjum bæjarsjóðs,
samanborið við 82,1% á árinu 2001.
Af rekstrargjöldum bæjarsjóðs
fara tæplega 60% til æskulýðs- og
íþróttamála fara 8,6% og til félags-
mála fara 7,8%. Heimild til hækk-
unar útsvars um 0,33% verður nýtt,
enda í samræmi við samkomulag rík-
is og sveitarfélaga um að bæta sveit-
arfélögum kostnaðarauka og tekju-
tap vegna setningar ýmissa laga og
reglugerða á síðustu árum.
Fasteignaskattur á íbúðarhús-
næði mun lækka úr 0,38% af fast-
eignamati niður í 0,32% og lóðarleiga
af íbúðarlóðum lækka úr 1,0% af lóð-
armati niður í 0,5% og er það gert til
að milda áhrif endurmats á fasteign-
um og lóðum sem Fasteignamat rík-
isins framkvæmdi á árinu. Þá munu
tekjumörk ellilífeyrisþega til að fá
niðurfelldan fasteignaskatt og hol-
ræsagjald hækka um 8%.
Fjárhagsáætlun
Hafnarfjarðar
Tekjur um-
fram gjöld í
fyrsta sinn í
langan tíma