Morgunblaðið - 04.12.2001, Blaðsíða 34
LISTIR
34 ÞRIÐJUDAGUR 4. DESEMBER 2001 MORGUNBLAÐIÐ
SÖNGSVEITIN Fílharmónía held-
ur sína árlegu aðventutónleika í
Langholtskirkju á miðvikudag,
fimmtudag og sunnudag og hefjast
þeir alla dagana kl. 20.30. Ein-
söngvari að þessu sinni er Sigrún
Hjálmtýsdóttir.
„Tónleikar á aðventu hafa verið
fastur liður í starfi söngsveitar-
innar frá 1989. Efnisskráin er
blanda af sígildum, þekktum lögum
og öðrum nýjum eða lítt þekktum
hér á landi. Sumt af því sem kórinn
hefur sungið á þessum tónleikum,
einkum í seinni tíð, hefur aldrei
verið flutt áður hér og er það
keppikefli kórsins að kynna þótt
ekki sé nema lítið brot af því mikla
safni tónlistar sem hentar til flutn-
ings á jólaföstu,“ segir Lilja Árna-
dóttir, formaður Söngsveitarinnar.
„Á þessum tónleikum verður t.d.
flutt verkið The lamb eftir John
Tavener, enskt tónskáld sem nýtur
mikillar virðingar um þessar mund-
ir og mótettan Ave Verum Corpus
eftir William Byrd, sem lést 1623.
Þá eru á efnisskránni tvö ný verk
eftir Hildigunni Rúnarsdóttur og
heita þau Hirðarar sjá og heyrðu en
texti þess er eftir Einar Sigurðsson
skáld í Eydölum og Sé ástin einlæg
og hlý og er texti þess þýdd dönsk
þjóðvísa.“
Sigrún Hjálmtýsdóttir hefur oft
áður lagt Söngsveitinni lið. Þá fær
söngsveitin liðsinni kammersveitar
við flutning stærri verkanna eins
og Heill þér himneska orð eftir
Gabriel Fauré, Máríuvísur eftir Ol-
iver Kentish, Christmas lullaby eft-
ir enska tónskáldið John Rutter og
Ave verum eftir Gabriel Fauré þar
sem Diddú syngur einsöng en þetta
verk hefur örsjaldan heyrst hér á
landi.
„Á tónleikunum eiga áheyrendur
þess kost að taka undir í tveimur
lögum og hefur það ævinlega mælst
vel fyrir,“ segir Lilja.
Stjórnandi söngsveitarinnar er
Bernharður Wilkinson og kons-
ertmeistari á tónleikunum er Rut
Ingólfsdóttir. Píanóleikari söng-
sveitarinnar er Guðríður St. Sig-
urðardóttir og raddþjálfari El-
ísabet Erlingsdóttir.
Aðgöngumiðasala er í Bókabúð
Máls og menningar á Laugavegi 18,
hjá kórfélögum og við innganginn
og kostar miðinn 1.800 kr.
Nýlega var opnuð heimasíða
söngsveitarinnar og er slóðin
http://www.filharmonia.mi.is. Þar
er að finna margvíslegan fróðleik
um starf kórsins og sögu.
Morgunblaðið/Jim Smart
Sigrún Hjálmtýsdóttir á æfingu með Söngsveitinni Fílharmóníu.
Frumflytur tvö verk og
syngur sígilt efni
Söngsveitin Fílharmónía á þrennum aðventutónleikum
CAPUT-hópurinn heldur sex tón-
leika í Listasafni Reykjavíkur dag-
ana 1., 2., 8. og 9. desember undir yf-
irheitinu Malamelodia og eru þeir
tileinkaðir tónlistarkennslu á Íslandi.
Ma la melodia er nafn á verki eftir
Atla Ingólfsson, sem mætti sem best
þýða sem „En lagið“ og þá er líklega
verið að setja fram spurningu varð-
andi fyrirbæri, sem hefur að nokkru
týnst eða orðið „línerískri“ firringu
að bráð, í því sem heitir hefðbundin
nútímatónlist, hafandi verið iðkuð í
sem næst 100 ár og unnið sér sess
sem hefðbundin tónlist.
Tónleikar Caputs sl. laugardag í
Listasafni Reykjavíkur hófust á því
að Daníel Þorsteinsson lék tvö smá-
lög eftir Jón Leifs, útsetningu á Ís-
land farsælda Frón og Vals lento fyr-
ir píanó. Þessi verk, sem fyrir seinna
stríð þóttu óhæf til flutnings, eru nú
sú klassík í gerð nútímatónlistar,
sem mestrar aðdáunar nýtur fyrir
frumleika sakir. Daníel lék þessi sér-
kennilegu verk mjög vel og náði að
móta stemmningu þeirra á áhrifa-
mikinn máta.
Annað verk tónleikanna var Smá-
tríó fyrir flautu, selló og píanó, sem
Leifur Þórarinsson samdi er hann
var í námi hjá Gunther Schuller,
skemmtilegt og töluvert unnið verk,
er var mjög vel flutt af Kolbeini
Bjarnasyni, Sigurði Halldórssyni og
Daníel Þorsteinssyni. Sif Tulinius lék
svo einleiksverk eftir Jónas Tómas-
son, er hann nefnir Vertrartré og er í
fjórum þáttum. Verkið er vel skrifað
fyrir fiðlu og var útfærsla Sifjar á
þessu skemmtilega verki sérlega
glæsilega mótuð
Kvintett eftir Atla Ingólfsson var
næst á efnisskránni og er þetta þétt
skrifað verk og víða nokkuð tilþrifa-
mikið. Það var svolítið sérkennilegt,
að tónferli, sem byggist að nokkru á
endurtekningum tóna hjá Atla, gat
einnig að heyra í hressilegum sext-
ett, sem frumfluttur var eftir Þor-
stein Hauksson og saminn var að
beiðni Landafundanefndar. Þor-
steinn skiptir tónmálinu nokkuð á
milli strengjanna og blásaranna, sem
hófu leikinn. Sumir samspilsþættirn-
ir voru sérlega hressilegir og þar gat
oft að heyra hamrandi endurtekning-
ar. Skiptingarnar á milli hljóðfæra-
hópa gerðu verkið á köflum sundur-
laust en líklega er Þorsteinn þarna að
leggja áherslu á þann marglita hóp,
sem byggði Ameríku,
bæði frumbyggja og
landnema og hamrandi
þættirnir eigi að tákna
baráttu þessara hópa,
bæði við landið og inn-
byrðis. Það þarf þó
ekki að vera, að verkið
tákni þetta en víst er
rétt að geta þess, að
verkið er vel unnið, á
köflum tilþrifamikið og
var mjög vel flutt af
þeim Caput-félögum
en auk fyrrnefndra
flytjenda bættust Ey-
dís Franzdóttir og Há-
varður Tryggvason í
hóp þeirra er léku sextett Þorsteins
og Guðni Franzson, sem lék einnig í
Kvintett Atla.
Það er athyglisvert við þessa tón-
leikaröð, að flutt verða 17 íslensk
kammerverk og eru 6 þeirra frum-
flutt. Auk sextetts Þorsteins Hauks-
sonar eru það verkin Ma la melodia
eftir Atla Ingólfsson, Melodía fyrir
víólur eftir Atla Heimi Sveinsson, Af
steinum fyrir 15 hljóðfæraleikara
eftir Svein Lúðvík Björnsson,
Worlds of a Third Sign fyrir gítar,
klarinettu og selló eftir Úlfar Inga
Haraldsson og fimm sálmalög úr ís-
lenskum handritum fyrir söngvara
og 10 hljóðfæraleikara eftir Þórð
Magnússon og eru þrír þeir síðast-
nefndu meðal yngstu tónskálda okk-
ar Íslendinga og verður fróðlegt að
heyra verk þeirra sem flutt verða á
svonefndum Aðventutónleikum,
sunnudaginn 9. desember kl. 17 í
Listasafni Reykjavíkur
Að vinna sér sess
TÓNLIST
Listasafn Reykjavíkur
Flutt voru einleiks- og kammerverk eftir
Jón Leifs, Leif Þórarinsson, Jónas Tóm-
asson, Atla Ingólfsson og Þorstein
Hauksson. Flytjendur: Félagarnir í Caput.
Stjórnandi: Snorri Sigfús Birgisson. Laug-
ardagur 1. desember.
KAMMERTÓNLEIKAR
Jón Ásgeirsson
Sif Tulinius Daníel Þorsteinsson
ÚTGÁFA Sigurðar Atlasonar frá
Hólmavík á farsa Marc Camoletti,
Douglas – Douglas er eins dæmi-
gerður farsi og hugsast getur.
Hann hverfist um kynhvötina og
kvennabúrsfantasíur karla, sem
eins og einatt eru helstu skotspæn-
ir grínsins. Merkilegt hvað verk í
þessari bókmenntagrein, sem alla-
jafna er litið niður á sem ómerki-
lega afþreyingu, hafa skýran siða-
boðskap. Grínið felst í því hvernig
lygarar og ómerkingar, gróðapung-
ar og graðnaglar reyna að komast
undan fordæmingu og refsingu, en
mistekst einatt. Hvers vegna eru
ekki skrifaðir fleiri farsar á Íslandi
í dag? Nógur er heimsósóminn.
Titilpersónan í Einn koss enn og
ég segi ekki orð við Jónatan hefur
komið sér upp kvennabúri sem
hvílir á ferðaáætlun flugfélags, þar
sem unnusturnar starfa sem flug-
freyjur. Þegar álíka kvensamur
vinur hans kemur í heimsókn á
sama tíma og hraðskreiðari flug-
vélar rugla stundatöflunni eru ör-
lög hans ráðin. Eftir er aðeins að
berjast hetjulegri baráttu við af-
hjúpun, niðurlægingu og refsingu.
Það tekur um tvo tíma í skemmti-
legri sýningu Leikfélags Fáskrúðs-
fjarðar.
Björn Gunnlaugsson hefur með
uppfærslum sínum á undanförnum
misserum sýnt að hann er einn for-
vitnilegasti leikstjóri sem vinnur að
staðaldri með áhugaleikfélögunum
og í þessari uppfærslu fer hann at-
hyglisverða leið. Allajafnan á mað-
ur því að venjast að eftir því sem
hitnar undir söguhetjunni og lyga-
netið þrengist aukist hraðinn og
brjálæðið. Hér er því nánast þver-
öfugt farið. Á spennupunktum
verksins er atburðarásin fryst og
sett í hægagang og við sjáum per-
sónurnar engjast í augnabliki
óvissunnar. Hvað gerist næst?
Hvernig á ég að snúa mig út úr
þessu? Og þetta stílbragð reynist
að minnsta kosti jafn gjöfult á hlát-
ur og trylltur hraði hefðbundinnar
uppfærslu. Til að þetta gangi upp
þarf afstaða og ætlun persónanna
að vera kristaltær og það er hún
undantekningalítið í sýningunni.
Helst þótti mér til lýta hvað tauga-
veiklunin var áberandi strax í upp-
hafi. Það var ekki fyrr en aðeins
var liðið á fyrri hlutann að raun-
veruleg innstæða var fyrir angist-
inni.
Eftir það er sýningin á beinu
brautinni.
Af leikurum mæðir eðlilega mest
á þeim kumpánum Jónatan og vini
hans Róbert. Kærusturnar hafa úr
minna að moða, en gerðu margt
vel, sérstaklega Telma Ýr Unn-
steinsdóttir. Þá var Brynhildur
Guðmundsdóttir mikil skarexi sem
hin langþreytta vinnukona á þessu
einkennilega heimili. Valdimar
Másson kemst vel frá því verkefni
að vera þungamiðja sýningarinnar
sem óbermið Jónatan. Það er samt
ekki á neinn hallað þótt mesta
hrósið falli á Kjartan Svan Hjart-
arson í hlutverki Róberts, sem
þrátt fyrir ungan aldur er greini-
lega fæddur gamanleikari og er
eins og fiskur í vatni í stílfærðum
skopleiknum. Mikið efni og
ánægjulegur ávöxtur hins öfluga
unglingastarfs sem stundað er hjá
Leikfélagi Fáskrúðsfjarðar.
Öll sund
lokuð
LEIKLIST
Leikfélag Fáskrúðsfjarðar
Höfundur: Marc Camoletti. Þýðandi og
höfundur leikgerðar: Sigurður Atlason.
Leikstjóri: Björn Gunnlaugsson. Leik-
endur: Brynhildur Guðmundsdóttir, Hrönn
Guðjónsdóttir, Kjartan Svanur Hjart-
arson, Kolbrún Einarsdóttir, Valdimar
Másson og Telma Ýr Unnsteinsdóttir. Fé-
lagsheimilinu Skrúð 2. desember 2001.
EINN KOSS ENN OG ÉG SEGI EKKI ORÐ
VIÐ JÓNATAN
Þorgeir Tryggvason
EINN stúlknakór Langholtskirkju,
Graduale Nobili, heldur útgáfutón-
leika í Háteigskirkju í kvöld kl. 20.30
en kórinn var að gefa út sína fyrstu
geislaplötu.
Á diskinum eru tólf verk sem
skiptast í tuttugu kafla. Sex ein-
söngvarar úr röðum kórfélaga
syngja einsöng og undirleikari á pí-
anó í tveim verkum er Lára Bryndís
Eggertsdóttir, sem er kórfélagi.
Fimmtán manna strengjasveit leik-
ur með í „Lapsimessu“ (barna-
messu) eftir Rautavaara, þar sem
helmingur sveitarinnar er skipaður
kórfélögum. Auk efnis af plötunni
verða flutt verk sem kórinn er nýbú-
inn að æfa, m.a. eftir Oliver Kentish,
Báru Grímsdóttur, Hildigunni Rún-
arsdóttur og Javier Busto. Í „Vocal-
isu“ Hildigunnar Rúnarsdóttur leik-
ur Bryndís Halla Gylfadótttir á selló
með kórnum en önnur verk eru
sungin undirleikslaust.
Kórinn tók þátt í Evrópsku æsku-
kórakeppninni í Kalundborg í Dan-
mörku í apríl 2001 og hreppti þar
annað sæti. Stjórnandi kórsins hefur
frá upphafi verið Jón Stefánsson.
Graduale Nobili
Útgáfutónleikar
Graduale Nobili
FRIÐRIK
Rafnsson hefur
verið ráðinn
verkefnisstjóri
hjá Rann-
sóknaþjónustu
H.Í. og tekur til
starfa eftir ára-
mót. Hann
gegndi starfi rit-
stjóra Tímarits
Máls og menningar sl. átta ár en
frá áramótum hefur hann verið rit-
stjóri vefsíðna Eddu.
Fólk