Morgunblaðið - 04.12.2001, Blaðsíða 44
MINNINGAR
44 ÞRIÐJUDAGUR 4. DESEMBER 2001 MORGUNBLAÐIÐ
✝ Páll Sigurjóns-son fæddist í
Reykjavík 19. apríl
1939. Hann lést á
Landspítalanum við
Hringbraut 25. nóv-
ember síðastliðinn.
Foreldrar hans eru
Sigurjón Björnsson
frá Hryggjum í Mýr-
dal, f. 9.6. 1908, og
Þorbjörg Pálsdóttir,
f. 1.1. 1915, d. 15.9.
1987. Páll var fjórði
í röðinni af átta
systkinum, en hin
eru: 1) Sigurrós
Margrét, f. 1.10. 1934, maki Jónas
Gunnar Guðmundsson, f. 15.10.
1933. 2) Erla, f. 3.4. 1936, fyrri
maki Ingvar Guðnason, f. 25.8.
1976 er Ágústa Hulda Pálsdóttir,
f. 7.1. 1937. Börn hennar eru 1)
Mary Ann Enos, f. 3.12. 1962, dæt-
ur hennar eru Ágústa, f. 15.4.
1983, og Anna, f. 8.2. 1985, og Páll
Enos, f. 12.2. 1964, barn hans er
Sigursteinn Pálsson Enos, f. 20.3.
1994. Sonur Páls með Sóleyju
Long Jóhannsdóttur, f. 3.5. 1944,
er Guðmundur Páll, f. 3.7. 1970,
kona hans er Berglind Leifsdóttir,
f. 13.1. 1973, þeirra börn tvíbur-
arnir Yngvar Orri og Guðjón
Smári, f. 5.5. 1997, og Leifur Páll
og Móeiður, f. 8.8. 2001. Dóttir
Berglindar er Aðalheiður Björk
Arnarsdóttir, f. 5.5. 1993.
Páll starfaði hjá Pósti og síma í
Reykjavík um árabil auk þess sem
hann var við sjómennsku bæði í
millilandasiglingum og við veiðar.
Hann lauk sveinsprófi í múrsmíði
árið 1976 og starfaði sjálfstætt
sem múrarameistari síðari ár.
Útförin fer fram frá Fossvogs-
kirkju í dag og hefst athöfnin
klukkan 13.30.
1936, síðari maki
Kristmundur Þor-
steinsson, f. 3.5. 1926,
d.13.12. 1989. 3) Sig-
urbjörg, f. 19.6. 1937,
maki Haraldur Sum-
arliðason, f. 2.7. 1937.
4) Guðmundur Ár-
mann, f. 3.1. 1944,
maki Hildur María
Pedersen, f. 2.2. 1952.
5) Birna, f. 17.9. 1946,
maki Jón Ólafsson, f.
29.4. 1938, fyrri maki
Eyjólfur Melsted, f.
29.11. 1942. 6) Jón
Páll, f. 28.12. 1947,
maki Steinunn Þorsteinsdóttir, f.
21.9. 1951. 7) Sigurður, f. 9.9.
1950.
Sambýliskona Páls frá árinu
Elsku pabbi, hvílíkt lán það var
fyrir mig að fá að kynnast þér, sam-
bandið var rofið í byrjun og ekki
mikið framan af. Það var ekki fyrr en
ég var kominn fram á unglingsár að
við fórum að kynnast betur. Við
höfðum báðir áhuga á íþróttum og
ræddum oft um þær og horfðum
stundum á fótboltann saman. Við
unnum líka stundum saman í múr-
verkinu og þar gat verið gaman að
fylgjast með þér og vinnulagi þínu,
hvernig þú skipulagðir vinnuna, af-
köstin og áreynsluleysið við þessa
erfiðu vinnu. Þar lærði ég heilmikið
af þér. Þú kenndir mér líka að spila
bridds og í tvö ár spiluðum við tvisv-
ar til þrisvar í viku og aldrei var rif-
ist yfir spilunum, sama hvaða vit-
leysu maður var að gera, alltaf
varstu þolinmæðin uppmáluð, mis-
tök voru rædd og síðan haldið áfram.
Þú hafðir ákveðið lífsviðhorf í
pólítíkinni og við töluðum stundum
um hana. Þar varstu líka sami kenn-
arinn, þú þröngvaðir aldrei skoðun-
um upp á mig heldur lagðir fast að
mér að hafa skoðun, kynna mér hlut-
ina og taka síðan afstöðu, ekki
gleypa allt hrátt heldur horfa gagn-
rýnum augum á málin. Á milli okkar
ríkti alltaf gagnkvæm virðing. Ég
missti vin sem kemur ekki aftur en
minninguna mun ég virða og miðla
til minna barna og leitast við að
kenna þeim á sama hátt og þú
kenndir mér.
Guðmundur Páll.
Palli minn, þá er þessari vegferð
þinni hér á jörðu lokið og margs er
að minnast.
Eins og t.d. árin sem foreldrar
okkar bjuggu á Ránargötunni. Það
er í minningunni afskaplega
skemmtilegt tímabil, mikið af börn-
um á líku reki, alltaf verið að leika
sér í ýmiss konar leikjum og svo á
Langholtsveginum og við systkinin
þá orðin átta. Það liggur í hlutarins
eðli að mikið hefur verið um að vera
á svo stóru heimili. Við eldri krakk-
arnir í skóla og hin yngri heima. Svo
smátt og smátt fórum við að vinna,
þú og Erla systir á póstinum. Ég
man líka eftir því þegar þú fórst á
sjóinn og varst á Fossunum. Þú ert
sá eini af systkinunum sem hafðir
það að atvinnu að stunda sjóinn um
nokkurt árabil og fórst út í hinn
stóra heim, sem okkur fannst það
vera á þeim árum. Síðan ferð þú að
vinna í landi við ýmis störf og þar á
meðal við múrverk.
Þú tekur svo meistarapróf í múr-
verki og varð það síðan þitt ævistarf.
Palli kemur inn í starf Sjálfsbjarg-
ar um áramótin ’85–’86 og þar að-
stoðar hann við bridskvöld, sem voru
hvert mánudagskvöld yfir vetrar-
tímann. Við sem stofnuðum brids-
deild Sjálfsbjargar vorum ákaflega
fegin að fá Palla til liðs við okkur því
hann gerði það af heilum huga og var
afskaplega notalegur og góður við
alla sem hann hafði samskipti við.
Síðan kemur hann inn í stjórn brids-
deildarinnar 1989 og hefur verið þar
betri en enginn því starfið hefur vax-
ið og dafnað með hann innanborðs.
Hann kom okkur í samband við
önnur bridsfélög og höfum við keppt
við mörg þeirra einu sinni á ári og
undirbjó hann keppnirnar mjög vel.
Palli hefur spilað brids allt frá
unglingsárum sínum, eins og flest
við systkinin, og verið mjög góður
spilari og keppt á mörgum bridsmót-
um.
Hann átti hugmyndina að því að
við hefðum samband við samskonar
félög í Svíþjóð og Danmörku. Það
varð til þess að við fórum sumarið
2000 til Växjö í Svíþjóð og til Kaup-
mannahafnar nú í sumar. Keppt var
í brids við heimamenn og höfðum við
betur, en það var ekki aðalmarkmið-
ið heldur að hafa gaman af því og til
að kynnast fólkinu og kynna okkur.
Ég veit að ég tala fyrir munn
margra sem munu sakna Palla í
þessu starfi því hann var svo hjálp-
legur og þægilegur við alla – hafðu
hjartans þakkir fyrir allt og alla.
Kæri Palli, ég veit að ég á eftir að
sakna þín mikið, en veit að þér líður
vel þar sem þú ert nú, Guð veri með
þér.
Þín systir,
Rósa.
Páll bróðir minn hefur nú verið
hrifinn burt úr hringiðu og erli lífs-
ins með nokkuð snöggum hætti.
Hann kenndi sér meins síðsumars og
fór þá úr vinnu inn á spítala til rann-
sóknar. Síðan þá hefur hallað ört
undan fæti og síðustu vikur var ljóst
að hverju dró. Þessu tók Palli með
æðruleysi og af sömu hörku og öðru
sem mætti honum á lífsins vegi.
Honum var það í blóð borið og alinn
upp í því að vera harður af sér og
takast á við hlutina eins og þeir
komu fyrir.
Þegar ég fyrst man Palla var hann
orðinn þátttakandi í lífi hinn full-
orðnu meðan ég var ennþá barn.
Eftir á að hyggja hefur hann þá ver-
ið á unglingsaldri en hann hætti
snemma í skóla og fór að vinna.
Þetta var fyrir tíma unglingamenn-
ingar eins og við þekkjum hana í
dag. Hann orðaði það þannig sjálfur
að hann hefði verið farinn að vinna
um leið og hann gat staðið í lapp-
irnar. Snemma fór Palli til sjós og
var þá í millilandasiglingum, sigldi
m.a. með Hvítanesinu suður fyrir
miðbaug. Þá fannst okkur yngri
systkinum hans koma merkilegur og
forframaður maður til baka. Ég man
hann uppábúinn og strokinn á leið-
inni út að skemmta sér og litla systir
horfði aðdáunaraugum á stóra bróð-
ur.
Á fullorðinsaldri settist hann aftur
á skólabekk í Iðnskólanum og lauk
sveinsprófi í múrsmíði og seinna
meistaraprófi í þeirri iðn. Hann
starfaði sem múrari eftir það og
sjálfstætt síðari árin. Hann var alla
tíð hörkuverkmaður og ósérhlífinn
við vinnu. Palli var gæddur sterkri
réttlætiskennd og sérstaklega þótti
honum slæmt ef hallað var á lítil-
magnann. Hann var virkur félagi í
Alþýðubandalaginu í Reykjavík og
þótti róttækur í skoðunum. Hann
gekk snemma á hönd þeirri hugsjón
sem boðaði sameiningu verkalýðsins
gegn auðvaldinu og kennd er við roð-
ann í austri. Þótt hann hafi eins og
aðrir mátt horfa á þá hugsjón fölna
og falla fylgdi honum alltaf neisti
þeirrar baráttu og byltingar og oft
var hann herskár í orðum þegar talið
barst að þjóðmálum og stjórnmál-
um. Við ræddum ekki svo saman að
við tækjum ekki góða syrpu um
stöðu þjóðmála og vorum þá sam-
mála um flest og höfðum bæði gam-
an af.
Genginn er mætur drengur en
minningin lifir um bróður, félaga og
fjölskylduföður. Hann var stoltur
þegar hann fyrir nokkrum vikum sat
fyrir á mynd með afabörnin, tvenna
tvíbura. Og ekki síður reyndist hann
vel stjúpbörnum sínum Mary og Páli
og þeirra börnum. Elsku Hulda og
fjölskylda, Gummi Palli og Bergljót,
megi algóður guð styrkja ykkur í
sorginni.
Birna Sigurjónsdóttir.
Kæri bróðir, nokkur kveðjuorð nú
á þessum tímamótum þegar leiðir
skiljast, þú á leið til feðranna yfir
móðuna miklu þar sem ríkir friður.
Þú varst stóribróðir, fyrirmyndin
en ég litli bróðir sem reyndi hvað ég
gat að fylgja þér eftir í leikjunum.
Í fótboltanum á Langholtstúninu
fékk maður stundum að vera með að
sparka, en einnig var best að hafa
svona litla stráka bara í marki.
Þannig liðu æskuárin í minningunni
sem ævintýri, þar sem þú varst að-
alhetjan. Þú varst alltaf tilbúinn að
leiðbeina og kenna hvort sem var að
skylmast með trésverðum eða skjóta
af boga sem Palli frændi hafði gefið
okkur. Það var nógu mikill aldurs-
munur á okkur að við fylgdumst
aldrei að í skóla og þú í sveitinni á
Galtalæk á sumrin þannig að oft var
þín sárt saknað þegar ýmis stráka-
vandamál komu upp, svona eins og
gerist og gengur. Það var nefnilega
nokkuð gott ráð í þrengingum að
geta sagt: Stóribróðir talar við ykk-
ur, og það dugði yfirleitt.
Síðar kenndir þú mér að tefla,
hjóla og auðvitað ýmislegt annað
sem við skulum ekkert vera að tala
um núna. Þegar þú komst á ung-
lingsárin og ég enn algjört pelabarn
og oft hissa og hneykslaður á þér
fyrir öll uppátækin. Þú varst farinn
að vinna, sjálfstæður maður og fórst
þínar eigin leiðir. Nú var ekkert um
það að ræða að reyna fylgja þér eft-
ir, heldur fylgdist ég með þér sem
litli bróðir. Ég man eftir einu mjög
vel, það var þetta með briljantkrem-
ið, mér var það alveg óskiljanlegt til
hvers maður setti þetta klístur í hár-
ið. Athöfnin sem fylgdi laugardags
eftirmiðdögum, þú varst búinn að
vinna, kunningjarnir að hringja og
stuttu seinna komu þeir á kagganum
og þið ókuð út í nóttina með eftir-
væntinguna í farteskinu. Oft vakti ég
eftir þér til að heyra af ævintýrinu
en sofnaði svo eins og litlir strákar
áttu að gera. Vaknaði svo þegar þú
komst heim einhvern tímann undir
morgun, mér fannst þetta voða
skrítið en þetta var samt hugmynd
um að svona ættu gæjar að vera.
Seinna eignuðumst við bræðurnir
einn slíkan, Buick ’46 og þú kenndir
mér að gefa í. Manstu þegar dekkið
fór undan, rétt við Miklatorgið og
það fór framúr okkur í loftköstum,
þú lagðir kagganum á þremur hjól-
um við dekkjaverkstæðið, maður.
Síðan kennir þú mér ýmislegt
annað svo sem samfélagslega með-
vitund.
Það var við eldhúsborðið heima,
þegar fjölskyldan fékk sér kvöld-
kaffið og umræðurnar snerust
ósjaldan um stjórnmál. Þú settir
fram þín sjónarmið sem voru af-
dráttarlaus, þannig að oft voru gef-
andi og fjörugar umræður. Síðast
áttum við nokkrar ánægjustundir á
árbakkanum, sem ég á eftir að
sakna.
Samúðarkveðjur sendi ég til ykk-
ar, Hulda, Gummi Palli, Dísa og afa-
börnin.
Blessuð sé minning þín og þakka
þér fyrir allt.
Þinn bróðir,
Guðmundur.
Mig langar, Palli, að hripa hér nið-
ur nokkrar fátæklegar línur sem
hinstu kveðju til þín. Þú varst tæp-
um níu árum eldri og ég hef verið að
rifja upp mínar fyrstu minningar um
þig. Þær eru nokkuð óljósar enda
varst þú orðinn unglingur með til-
heyrandi ævintýrum og vanda-
málum. Byrjaður að vinna „um leið
og maður stóð í lappirnar“ eins og þú
sagðir mér þegar ég kom í heimsókn
til þín upp á spítala, elsti sonurinn,
fjölskyldan stór og menn vöndust því
að fara snemma að vinna. Þú fórst
snemma á sjóinn. Sigldir meðal ann-
ars með Hvítanesinu til Ceylon og
fórst í gegnum Suez-skurðinn. Ég
man að mér fannst þetta rosalega
spennandi, sigla á vit ævintýranna,
ég var rígmontinn að geta sagt vin-
um mínum frá þessu ævintýri þínu,
að eiga bróður sem hafði siglt yfir
hálfan hnöttinn, það var toppurinn.
Þú varst ekki langskólagenginn
maður en hafðir skarpan skilning á
mönnum og málefnum og skoðun á
öllu sem viðkom landsins gagni og
nauðsynjum. Ég veit að ég á eftir að
sakna þess að geta ekki lengur slegið
á þráðinn og karpað við þig um
landsmálin, þetta lá allt svo í augum
uppi þegar þú hafðir komið með þín
rök. Þú varst mjög vinstrisinnaður
maður og tókst ætíð málstað þess
sem minna mátti sín.
Það er gaman að rifja upp stund-
irnar á Álfhólsveginum þegar
mamma var að karpa við ykkur
Gumma um pólitík. Mamma fór yf-
irleitt ekki í rúmið fyrr en þú og
Gummi höfðuð svona aðeins dregið í
land, svona aðeins léð máls á því að
hún hefði kannski rétt fyrir sér. Og
umræðuefnið var undantekningarlít-
ið landsmálin og eilífðarmálin. Svona
mun ég minnast þín og svona vil ég
minnast þín, því lífið snýst nú allt um
pólitík hvort sem manni líkar betur
eða verr.
Þú reyndist mér alltaf vel. Ef mig
vantaði vinnu hérna í gamla daga var
bara að tala við þig og þú komst mér
í handlang og oftast með þér. Þér féll
ekki verk úr hendi og það ævistarf
sem þú valdir þér var erfitt en þú
kvartaðir aldrei.
Kæri bróðir, þín verður sárt sakn-
að. Elsku Hulda, Gummi Palli og
Berglind, Mary og Páll, megi góður
guð styrkja ykkur í sorg ykkar. Far
þú í friði.
Þinn bróðir,
Jón Páll.
PÁLL
SIGURJÓNSSON
Sími 562 0200
Erfisdrykkjur
'
,
. . ./
-4
( 5#
3!'2= +
)/ ).< ? 22 & CA
,*
+.
5 ? !
5 3 +
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar
/
68 "D; 68. . EB
5 3 3
(
*
+
!' 6
6!
!' 6
5# >4 6 +