Morgunblaðið - 04.12.2001, Blaðsíða 58

Bandaríkjunum sem menn tengdu
svo stíft við allt flug. Áður en haldið
var af stað ræddi sr. Pétur Þor-
steinsson um jólahaldið og hann og
jólasveinar sungu með börnunum.
Jólasveinar slógust líka með í för
og tóku lagið öðru hverju.
Flogið var frá Keflavík sem leið
lá norður í Eyjafjörð og rofaði örlít-
ið til þegar norðar dró. Innarlega í
firðinum lækkuðu Arngrímur Jó-
hannsson, flugstjóri og aðaleigandi
Atlanta, og dóttir hans Ragnhildur
flugmaður flugið. Mátti þá virða
Akureyri vel fyrir sér, þar með
nokkra Fjörulalla og Brekkusnigla
Nærri 300 farþegar
í jólasveinaflugi
FLUGFÉLAGIÐ Atlanta flaug á
sunnudag með nærri 300 farþega
Fyrsta flugs félagsins í jólasveina-
flug. Áfangastaðurinn var heim-
skautsbaugurinn við Grímsey.
Ekki var þó lendandi þar á 747-200-
breiðþotu Atlanta þótt flugbrautin
sé góð – bara ekki nógu löng. Nógu
lágt fannst þó sumum flogið.
Gunnar Þorsteinsson, formaður
félagsins og fararstjóri, sagði þá
hugmynd hafa komið upp að bjóða
upp á fjölskylduskemmtun í háloft-
unum. Um leið væri boðið upp á
eitthvað jákvætt í fluginu til að
leiða hugann frá hryðjuverkum í
Morgunblaðið/jt
Gunnar Þorsteinsson, formaður Fyrsta flugs félagsins, var yfirjóla-
sveinn í jólasveinafluginu. Atlanta-þotunni stýrðu hins vegar þau
feðgin Arngrímur Jóhannsson og Ragnhildur.
Jólasveinarnir höfðu ofan af fyrir farþegum á leiðinni.
vinstra megin úr vélinni en hægra
megin gátu farþegar séð Eyrar-
púka, svo gripið sé til óhefðbund-
inna nafngifta innfæddra.
Allt með kyrrum kjörum
í Grímsey
Áfram var haldið í lítilli hæð út
Eyjafjörð, framhjá Hrísey, Dalvík
og Ólafsfirði og stefnan síðan tekin
á Grímsey. Fengu farþegar hægra
megin fyrst að sjá eyna og flugeld
sem skotið var upp og eftir snagg-
aralega beygju var vinstri farþeg-
um sýnt það sama. Kúrðu húsin
undir þunnum snjó og allt virtist
með kyrrum kjörum. Við eyna
mátti sjá báta á stangli draga björg
í bú. Og úr því komið var yfir norð-
urheimskautsbaug var nef flestra
farþega málað blátt enda kalt í
norðrinu.
Eftir þetta gátu farþegar virt
fyrir sér Siglufjörð og Skagafjörð
og stefnan síðan tekin inn Húna-
flóa, framhjá Kántríbæ Hallbjörns
og suður yfir heiðar á ný. Var lent í
dimmviðri á Keflavíkurflugvelli eft-
ir hálfs annars tíma ferð sem far-
þegar og jólasveinar klöppuðu fyr-
ir. Er ekki fráleitt að efnt verði til
annarrar slíkrar að ári.
FRÉTTIR
58 ÞRIÐJUDAGUR 4. DESEMBER 2001 MORGUNBLAÐIÐ
HELGIN var róleg í miðborg
Reykjavíkur, fáir voru á ferli en
nokkur ofbeldisbrot voru tilkynnt til
lögreglu.
Þung færð hafði mikil áhrif á um-
ferðina um helgina. Þannig voru aðeins tveir öku-
menn kærðir fyrir of hraðan akstur en lögreglu var
tilkynnt um 55 umferðaróhöpp þar sem eignatjón
varð. Í flestum tilvikum var um að ræða minnihátt-
ar meiðsli á fólki og litlar skemmdir á ökutækjum.
Lögreglu bárust þónokkrar tilkynningar um
helgina vegna aksturs snjósleða.
Mikið var um tilkynningar vegna barna sem
gerðu sér það að leik að hanga aftan í bifreiðum.
Lögreglan hafði tal af nokkrum börnum um helgina
vegna þessa og vill hér minna foreldra og for-
ráðamenn á að árétta það fyrir börnum sínum
hversu hættulegur þessi leikur er, bæði fyrir börn-
in og aðra í umferðinni.
Hótelgestir gistu fangaklefa
Á föstudag var tilkynnt innbrot í skóla í Breið-
holti og innbrot í bifreið í miðborginni. Nokkru var
stolið á báðum stöðum, m.a. fartölvu.
Á föstudagskvöld var tilkynnt um þjófnað á bif-
reið í vesturborginni. Ökumaður hafði skilið bifreið
eftir í gangi meðan hann skrapp frá augnablik.
Óprúttnir náungar sáu sér leik á borði og tóku bif-
reiðina ófrjálsri hendi. Varla þarf að minna öku-
menn á þá hættu sem þeir bjóða heim með því að
skilja bifreiðar eftir opnar og í gangi.
Á föstudagskvöld var brotist inn í bifreið í mið-
borginni. Miklu af verðmætum var stolið. Í ljósi
fjölda innbrota í bifreiðar er vert að ítreka mik-
ilvægi þess að ökumenn skilji ekki eftir verðmæti í
bílum sínum.
Aðfaranótt laugardags var tilkynnt um hótel-
gesti sem notað höfðu stolið kort til að greiða fyrir
herbergið og aðra þjónustu. Lögreglan handtók
gestina sem í stað hótelgistingar fengu að gista í
fangageymslu.
Þá var tilkynnt innbrot í skóla aðfaranótt mánu-
dags. Stuttu seinna var tilkynnt innbrot á bílasölu
en litlu var stolið.
Spörkuðu í liggjandi mann
Aðfaranótt laugardags kom maður á lög-
reglustöð og óskaði eftir aðstoð. Málavextir voru
þeir að hann hafði verið í samkvæmi í heimahúsi
sem endaði ekki betur en svo að ráðist var á hann
og komst hann við illan leik út. Hann óskaði eftir
aðstoð lögreglu við að sækja eigur sínar sem urðu
eftir í íbúðinni. Þá var tilkynnt um tvo menn sem
voru að sparka í liggjandi mann. Er lögregla kom á
vettvang voru árásarmenn farnir en þeir náðust
stuttu seinna og voru handteknir. Sá er fyrir árás-
inni varð var fluttur á slysadeild.
Þá var maður fluttur meðvitundarlaus á slysa-
deild eftir að ráðist hafði verið á hann. Árás-
armaður var handtekinn og vistaður í fanga-
geymslu.
Á sunnudagsmorgun tilkynnti maður að ráðist
hefði verið á sig og hann skorinn með hníf. Mála-
vextir voru þeir að hann hafði blandað sér í erjur en
við það hafði maður dregið upp hníf og veitt honum
áverka. Maðurinn var fluttur á slysadeild en
meiðsli hans reyndust ekki alvarleg.
Um hádegi á sunnudag var lögreglu tilkynnt um
átök þriggja manna sem reyndust vera að slást um
eignarhald á aukahlut fyrir tölvu. Lögregla lagði
hald á hlutinn.
Hundur beit bréfbera
Um miðjan dag á föstudag var tilkynnt að bréf-
beri hefði verið bitinn af hundi. Maðurinn fór á
slysadeild en meiðsli hans reyndust ekki alvarleg.
Á sunnudag var lögreglu tilkynnt að hundur hefði
bitið dreng. Farið var með drenginn á slysadeild.
Dagbók lögreglunnar/30. nóvember til 3. desember
Allmargar tilkynningar um ofbeldisverk
KVÖLDVAKA á aðventu verður
hjá Krabbameinsfélagi Hafnarfjarð-
ar miðvikudaginn 5. desember kl.
20.30 í Hásölum, Hafnarfjarðar-
kirkju.
Þórhallur Heimisson prestur les
upp úr ný útkominni bók sinni, Ing-
unn Hildur Hauksdóttir píanóleik-
ari flytur jólalög og Þórhallur mun
síðan flytja jólahugvekju.
Boðið upp á kaffi og piparkökur,
segir í fréttatilkynningu.
Kvöldvaka hjá
Krabbameinsfélagi
Hafnarfjarðar
JÓLALAND var opnað í Vetr-
argarði Smáralindar laugardag-
inn 1. desember. Jólalandið er
þorp með upplýstum götum og
rjúkandi reykháfum og pipar-
kökukaffihúsi.
Fram til jóla býður Smáralind
upp á margvíslega jóladagskrá til
skemmtunar og afþreyingar fyrir
alla aldurshópa. Þess má geta að
milljónasti gestur Smáralindar
kom í verslunarmiðstöðina um
helgina. Dagskrána er að finna á
www.smaralind.is.
Jólaland opnað í Smáralind
Milljónasti gesturinn í hús
ÞRÓUNAR- og fjölskyldusvið
Reykjavíkurborgar í samvinnu við
Borgarfræðasetur stendur fyrir
morgunverðarfundi miðvikudaginn
5. desember kl. 8.30 á Grand Hótel.
Rætt verður um nýja hverfaskipt-
ingu Reykjavíkur, áhrif hennar og
þá möguleika sem þetta nýja fyrir-
komulag býður upp á. Rætt verður
um hverfabundna þjónustu, aukið
íbúalýðræði og þá reynslu sem þegar
hefur fengist af tilraunaverkefni
Miðgarðs í Grafarvogi.
Framsögumenn: Helgi Hjörvar,
Regína Ástvaldsdóttir, Hallgrímur
Sigurðssn, Kristín A. Árnadóttir.
Fundarstjóri er Magnús Diðrik
Baldursson. Þátttaka tilkynnist á
netfangið asakolka@rhus.rvk.is.
Þátttökugjald er kr. 1.000 og er
morgunverður innifalinn, segir í
fréttatilkynningu.
Sjálfstæðari
borgarhverfi
TILLAGA sjálfstæðismanna í borg-
arstjórn Reykjavíkur um að selja
Malbikunarstöðina Höfða hf. var
rædd á fundi borgarstjórnar á
fimmtudag.Var ákveðið með at-
kvæðum meirihlutans að fela starfs-
hópi um sölu eigna borgarinnar að
kanna hugsanlega sölu. Inga Jóna
Þórðardóttir, borgarfulltrúi Sjálf-
stæðisflokksins, mælti fyrir tillögu
sjálfstæðismanna og kvað hún þá
telja að borgin ætti að vera opin fyrir
því að færa verkefni frá borginni til
annarra aðila og því væri tillagan
lögð fram.
Lagt er til að þriggja manna sér-
fræðingahópi verði falið að undirbúa
söluna og setja fram tillögur um leið-
ir og tímasetningar og leggja fyrir
borgarráð. Inga Jóna sagði rekstur
fyrirtækisins hafa gengið vel þau
fimm ár sem það hefði verið á sam-
keppnismarkaði undir stjórn Vals
Guðmundssonar og með hæfum
starfsmönnum. Staða þess væri
traust og fyrirtækið öflugt. Kvaðst
borgarfulltrúinn vænta þess að sam-
staða næðist í borgarstjórn um mál-
ið.
Helgi Hjörvar, borgarfulltrúi
Reykjavíkurlistans, þakkaði sjálf-
stæðismönnum tillöguflutninginn og
hlý orð í garð starfsmanna malbik-
unarstöðvarinnar. Hann sagði þetta
tímamótatillögu af hálfu borgarfull-
trúa Sjálfstæðisflokksins því það
hefði viljað brenna við að þeir vildu
auka þjónustu og leggja á hærri
gjöld en ekki viljað til þessa selja
eignir. Væri gott eitt um þetta að
segja. Hins vegar væru það ekki rétt
vinnubrögð að ákveða að selja og
kanna svo hvernig það mætti verða.
Betra væri að kanna afstöðu starfs-
manna til hugmyndarinnar um sölu
áður en ákvörðun verður tekin.
Flutti Helgi tillögu um að starfshópi
um sölu eigna borgarinnar yrði falið
að kanna mögulega sölu og áhrif á
fjárhagsstöðu borgarinnar, einnig
viðhorf starfsfólks, hvernig tryggja
mætti samkeppni og hvernig farið
yrði með athafnasvæði malbikunar-
stöðvarinnar sem kynni að varða
Reykjavíkurborg af skipulagsástæð-
um.
Inga Jóna kvaðst ekki bjartsýn á
framgang tillögu um að fela starfs-
hópi um sölu eigna málið þar sem
hann hefði ekki komið saman lengi.
Kvaðst hún líta svo á að bera skyldi
upp tillögu sjálfstæðismanna fyrst
þar sem hún gengi lengra en tillaga
meirihlutans sem væri ný tillaga en
ekki breytingartillaga. Bera ætti því
nýja tillögu meirihlutans upp að því
loknu.
Við afgreiðslu málsins úrskurðaði
Steinunn Valdís Óskarsdóttir, for-
seti borgarstjórnar, að tillaga
Reykjavíkurlistans væri breytingar-
tillaga við tillögu sjálfstæðismanna
og því skyldi hún borin upp á undan.
Inga Jóna andmælti því en sagði að
úrskurðarvaldið væri forseta. Benti
Steinunn Valdís á að í tillögunni sem
Helgi Hjörvar hefði borið upp væri
orðalagið „orðist svo“ sem skoða ætti
sem breytingartillögu og með rökum
skyldi hún borin upp á undan. Var
tillaga meirihlutans samþykkt.
Kanna sölu malbikunarstöðvar
LÖGREGLAN í Reykjavík lýsir
eftir vitnum að tveimur árekstrum.
Við Bragagötu 22 var ekið á
vinstri framhurð bifreiðarinnar
YS-505, sem er Mitsubishi Colt,
hvít fólksbifreið, þar sem hún stóð
kyrr og mannlaus. Er talið að það
hafi átt sér stað á tímabilinu frá kl.
18.30 þann 28. nóvember til kl.
14.00 þann 30. nóvember.
Við Jörfabakka var ekið á vinstri
framhurð bifreiðarinnar VN-302,
sem er Honda, rauð fólksbifreið,
þar sem hún stóð kyrr og mann-
laus. Er talið að það hafi átt sér
stað frá kl. 19.00 þann 30. nóv-
ember sl. til kl. 16.30 þann 1. des-
ember.
Í báðum þessum tilfellum fóru
tjónvaldar af vettvangi án þess að
tilkynna það hlutaðeigendum eða
lögreglu og eru því þeir eða aðrir
sem geta gefið frekari upplýsingar
beðnir að snúa sér til umferðar-
deildar lögreglunnar í Reykjavík.
Lýst eftir vitnum