Morgunblaðið - 19.03.2002, Blaðsíða 25
ERLENT
MORGUNBLAÐIÐ ÞRIÐJUDAGUR 19. MARS 2002 25
ARNFINN Kallsberg, lögmaður
Færeyja, skýrði frá því í gær að
kosningar færu fram 30. apríl nk.
Á Lögþingi Færeyja sitja 32
menn og hafa núverandi stjórnar-
flokkar 18 þeirra.
Skoðanakönnun frá því fyrr í
þessum mánuði gefur hins vegar
til kynna að stjórnarandstaðan,
sem hefur efasemdir um ágæti
þeirrar stefnu er mótuð hefur ver-
ið á vettvangi sjálfstæðisbarátt-
unnar, vinni á í næstu kosningum.
Samkvæmt þeirri könnun fellur
stjórn Kallsbergs og tapar fjórum
mönnum til sambandssinna.
Kosningar í Fær-
eyjum 30. apríl
SENDIHERRA heimastjórnar Pal-
estínumanna á Íslandi, sem aðsetur
hefur í Noregi, telur litlar líkur á að
árangur náist í friðarviðræðum
milli Ísraela og Palestínumanna á
meðan Ariel Sharon sé við völd í Ísr-
ael. Sendiherrann, Omar Sabri Kitt-
mitto, leggur hins vegar áherslu á
að slíkar viðræður séu engu að síð-
ur ómaksins virði enda myndu þær
koma í veg fyrir frekara mannfall.
Það sé verðugt markmið út af fyrir
sig en hátt í sextán hundruð hafa
fallið í átökum í Miðausturlöndum á
undanförnum átján mánuðum.
Kittmitto var gestur aðalfundar
félagsins Ísland-Palestína á sunnu-
dag og átti síðan m.a. fund með
Halldóri Ásgrímssyni utanrík-
isráðherra og Ólafi Ragnari Gríms-
syni, forseta Íslands, í gær.
Kittmitto sagði að stefna Ariels
Sharons, forsætisráðherra Ísraels,
væri sú – og hefði ávallt verið – að
þetta landsvæði tilheyrði aðeins Ísr-
aelum og að Palestínumenn ættu
engra réttinda að njóta. Sharon
hefði ávallt verið mótfallinn frið-
arsamningum við Palestínumenn.
Tók hann hins vegar undir að
meiri líkur væru á að menn settust
niður til viðræðna um frið nú þegar
Bandaríkjastjórn hefur ákveðið að
reyna enn að miðla málum. Banda-
ríkjamenn væru þeir einu sem gætu
hreyft við stjórnvöldum í Tel Aviv.
Kittmitto tók jafnframt fram að
þrátt fyrir að pólitísk stefna Shar-
ons réði ferðinni í Ísrael nú um
stundir mætti ekki gleyma því að
margir Ísraelar væru friðarsinnar.
Þeir hefðu undanfarið staðið fyrir
mótmælagöngum þar sem farið
hefði verið fram á að hersveitir Ísr-
aels yrðu kallaðar frá yfirráðasvæð-
um Palestínumanna.
„Menn mega heldur ekki mis-
skilja mig; svo lengi sem Sharon er
réttkjörinn leiðtogi ísraelsku þjóð-
arinnar þá erum við reiðubúnir til
viðræðna við hann hvenær og hvar
sem er,“ sagði Kittmitto.
Ósanngjörn krafa
Kittmitto spurði hvernig í ósköp-
unum menn gætu farið fram á það
við Yasser Arafat að hann tryggði
öryggi ísraelskra borgara á sama
tíma og ísraelski herinn væri að
stráfella palestínska lækna og
hjúkrunarfólk, konur og börn.
Menn hlytu að hafa skilning á því að
hugur Arafats væri fyrst og fremst
hjá eigin fólki á meðan svona stæði
á.
Kittmitto lagði áherslu á að
heimastjórn Arafats liti á árásir
gegn óbreyttum borgurum í Ísrael
sem hryðjuverk, rétt eins og ódæði
Ísraelshers á heimastjórnarsvæðum
Palestínumanna. Hryðjuverk væru
ávallt fordæmd. „En hvernig getum
við komið í veg fyrir slíkar árásir
þegar forseta okkar er haldið í
herkví og óbreyttir borgarar eru
beittir ofbeldi?“
Og Kittmitto hélt áfram: „Hvern-
ig getur hernumin þjóð tryggt her-
námsaðilanum öryggi? Hvernig er
hægt að fara fram á slíkt? Svo lengi
sem Ísraelsher er á okkar yf-
irráðasvæði eru líkur á árásum frá
þeim sem ekki sætta sig við veru
vopnaðra erlendra hermanna í okk-
ar landi.“
Samstaða að baki Arafat
Kittmitto sagði að margir hefðu
verið ósáttir við þá ákvörðun Yass-
ers Arafats að skrifa undir Óslóar-
samkomulagið frá 1993, sem og
ýmsa aðra samninga sem fylgt
hefðu í kjölfarið. Arafat hefði engan
veginn verið óumdeildur. Nú um
stundir stæðu Palestínumenn hins
vegar saman sem einn að baki hon-
um í því skyni að verja land sitt og
þjóð.
Sagði hann aðspurður að þetta
styrkti stöðu Arafats í hugsanlegum
friðarviðræðum við Ísraela. Hann
myndi eiga auðveldara með að taka
af skarið þar sem hann hefði þjóð
sína óskipta á bak við sig. Og sann-
arlega ættu menn engra annarra
kosta völ en reyna að lifa í sátt og
samlyndi því ljóst væri að Ísraelar
gætu ekki borið sigurorð af Palest-
ínumönnum, rétt eins og Palest-
ínumenn gætu ekki unnið sigur á
Ísraelum.
„Aðeins með friðarviðræðum get-
um við bætt ástandið. Aðeins með
því að setjast niður augliti til auglit-
is getum við náð fram friði,“ sagði
Omar Sabri Kittmitto.
Mikilvægast að koma í
veg fyrir frekara mannfall
Morgunblaðið/Jim Smart
Omar Sabri Kittmitto, forstöðumaður aðalsendinefndar Palestínu-
manna í Noregi og á Íslandi, heimsótti Ísland um helgina.
MARGARET Thatcher, fyrrverandi
forsætisráðherra Bretlands, er þeirr-
ar skoðunar að myndun Evrópusam-
bandsins sé „trúlega mesta vitleysa
nútímans“ og hvetur Breta til þess að
hefja nú þegar þá vinnu, sem nauð-
synleg er til að segja skilið við þenn-
an samstarfsvettvang.
Þessi afstaða Thatcher kemur
fram í nýrri bók hennar „Statecraft“
en Lundúnablaðið The Times hóf í
gær að birta kafla úr henni.
Lafði Thatcher, sem er 76 ára,
hvetur til þess að þegar verði stigin
ákveðin skref til að greiða fyrir því að
Bretar geti sagt sig úr Evrópusam-
bandinu. Íhaldsflokknum beri að lýsa
yfir því að næsta stjórn flokksins
muni leita eftir grundvallarbreyting-
um á þeim samningum, sem Bretar
hafa gert við ESB. Bretar eigi að
draga sig út úr sameiginlegu land-
búnaðarstefnunni, sjávarútvegs-
stefnunni og öryggismálastefnunni
og taka á ný yfir stjórn viðskipta
sinna.
„Á þeim árum, sem ég hefi lifað,
hafa flest þau vandamál, sem heim-
urinn hefur staðið frammi fyrir, átt
upptök sín á meginlandi Evrópu og
þann sama vanda hafa menn utan
meginlands Evrópu leyst,“ segir
Thatcher. Hún hafnar þeirri skoðun
að óhugsandi sé að Bretar segi skilið
við Evrópusambandið og lýsir yfir
því að staðreyndin sé sú að aðrar
þjóðir Evrópu þarfnist Breta meira
en þeir þarfnist sambandsins.
Í bókinni kemur og fram að
„járnfrúin“ telur umbætur á Evrópu-
sambandinu í raun óhugsandi. Mynd-
un þess sé „trúlega mesta vitleysa
nútímans“ og þátttaka Breta í þessu
samstarfi „söguleg stórmistök“.
„ESB er
mesta vit-
leysa nú-
tímans“
London. AFP.
ATVINNA mbl.is