Morgunblaðið - 30.08.2003, Blaðsíða 24

LISTIR
24 LAUGARDAGUR 30. ÁGÚST 2003 MORGUNBLAÐIÐ
R
AGNHEIÐUR Ríkharðsdóttir,
bæjarstjóri Mosfellsbæjar, segist
ekki hafa leitt hugann að þátttöku
Mosfellsbæjar í rekstri Sinfón-
íuhljómsveitar Íslands á þeim
grundvelli sem Reykjavík og Seltjarnarnes
gera nú.
„Sem sveitarstjórnarmanni finnst mér þetta
eitt af þeim verkefnum sem ríki og sveitarfélög
eigi að líta til. Þetta er Sinfóníuhljómsveit Ís-
lands, og mér finnst rekstur hennar eiga að
vera á höndum ríkisins, en að sveitarfélögin
verði að velta fyrir sér hvernig þau geti styrkt
einstaka verkefni, tónleika eða eitthvað í þá
veru. En í grundvallaratriðum á það að vera
verkefni ríkisins að reka Sinfóníuhljómsveit Ís-
lands, og gera það með reisn.“
Garðabær tekur þátt í rekstri
annarrar ríkisstofnunar
Ásdís Halla Bragadóttir, bæjarstjóri í Garða-
bæ, segir að ekki hafi verið eftir því leitað að
bærinn styddi við rekstur Sinfóníuhljómsveitar
Íslands, en bendir á þátttöku bæjarfélagsins í
rekstri annarrar ríkisstofnunar, Hönn-
unarsafns Íslands, sem enn er deild innan
Þjóðminjasafns.
„Sveitarfélögin eru rekin á ákveðnum for-
sendum, og þótt þau hafi í grunninn sömu
skyldum að gegna, þá hefur hvert og eitt
þeirra mótað sínar eigin áherslur. Garðabær
tekur þátt í rekstri Hönnunarsafns Íslands,
sem er í Garðabæ. Safnið er rekið með samn-
ingi Garðabæjar og ríkisins og er staðsett hér.
Með því að taka þátt í því starfi á mjög öflugan
hátt lít ég svo á að við séum að styrkja menn-
ingarstarfsemi sem nýtist höfuðborgarsvæðinu
og jafnvel landinu öllu, og að það sé framlag
Garðabæjar til ákveðinnar menningar-
starfsemi. Stuðningur af þessu tagi er nokkuð
sem hvert og eitt sveitarfélag verður að meta
út af fyrir sig og skilgreina á þeim forsendum
sem það vill starfa eftir. Við höfum ekki velt
því fyrir okkur að draga okkur í hlé gagnvart
Hönnunarsafni Íslands, jafnvel þótt það sé
ekki með neinum hætti okkar lögboðna
skylda.“
Ekkert samkrull við ríkið
„Nei,“ segir Sigurður Geirdal, bæjarstjóri í
Kópavogi, spurður að því hvort til greina komi
að bærinn tæki þátt í rekstri Sinfóníuhljóm-
sveitar Íslands á sama grundvelli og Reykjavík
og Seltjarnarnesbær gera nú. „Almennt er ég
ekkert hrifinn af neinu samkrulli við ríkið.
Sveitarfélögin eiga að reka sitt og ríkið sitt.
Með dæmi eins og Sinfóníuna, þá er hún mál
ríkisins. Það getur þó alveg komið til greina að
sveitarfélagið sem svona stofnun er staðsett í
taki þátt í rekstrinum, ekki síst þar sem það er
höfuðborgin sem hér um ræðir. Þetta er
hundrað manna vinnustaður, þannig að borgin
hefur líka tekjur af honum. Ef reksturinn ætti
að ná út fyrir það að vera bara á höndum rík-
isins og í þessu tilfelli borgarinnar ættu öll
sveitarfélög á landinu að taka þátt í honum. Að
vera að pikka út eitt og eitt sveitarfélag í ein-
hvern taprekstur hjá ríki og borg er ekki mín
pólitík.“
Skuldbinding Seltjarnarnes-
bæjar sérkennileg
Lúðvík Geirsson, bæjarstjóri í Hafnarfirði,
segir að í sínu bæjarfélagi hafi hugsanleg þátt-
taka í rekstri Sinfóníuhljómsveitar Íslands ekki
verið rædd.
„Eins og önnur sveitarfélög eigum við fullt í
fangi með að halda úti okkar lögbundnu þjón-
ustu og það eru ekki margar krónurnar til
skiptanna í þeim efnum. Hins vegar er það lyk-
ilatriði í menntuðu menningarsamfélagi að við
höldum úti öflugri Sinfóníuhljómsveit, og eig-
um þegar eina allra bestu hljómsveit í heim-
inum eins og margir vilja meina. Í mínum huga
er það verkefni samfélagsins alls að reka slíka
hljómsveit af myndarskap. Hvort aðild sveitar-
félaganna kemur þar til er auðvitað fyrst og
fremst samkomulagsatriði milli þeirra og rík-
isins. Það tengist öðrum tónlistarmálum í land-
inu. Núna eigum við í viðræðum um tónlistar-
menntun og -kennslu, og ekki óeðlilegt að þessi
mál beri á góma þar líka.“
Lúðvík segir ekki óeðlilegt að höfuðborgin
taki þátt í rekstri hljómsveitarinnar á einhvern
hátt, þar sem hljómsveitin hafi aðsetur þar.
„Þetta eru þó sérkennileg lög, til að mynda
hvað varðar skuldbindingu Seltjarnarnesbæjar
til þátttöku í rekstrinum, og kemur ekkert á
óvart að þar vilji menn skoða þetta fyrir-
komulag nánar. Tilhneigingin hefur verið sú í
gegnum tíðina af hálfu ríkisvaldsins, að koma
sem mestum kostnaði af rekstri yfir á sveit-
arfélögin, án þess að þau hafi fengið tekjurnar
á móti. Ef okkur væru tryggðar tekjur er ekk-
ert vandamál fyrir okkur að styðja allt sem
gott er og til framþróunar í samfélaginu.“
Eðlilegt og sanngjarnt að
allir rekstraraðilar greiði
Tómas Ingi Olrich menntamálaráðherra var
spurður að því hvort eðlilegt væri að þrír
rekstraraðilar Sinfóníuhljómsveitarinnar, Rík-
isútvarpið, Reykjavíkurborg og Seltjarnarnes,
sætu uppi með lífeyrisskuldbindingar hljóm-
sveitarinnar sem urðu til þegar ríkið ákvað ár-
ið 1993 að B-hluta-stofnanir eins og Sinfón-
íuhljómsveitin skyldu sjálfar standa undir þeim
lífeyrishækkunum sem ríkið greiddi áður beint.
Eins og fram kom í Morgunblaðinu í gær er
það upplýst í nýrri skýrslu ráðuneytisins að
upphæðin nemi nú tæpum 1,4 milljörðum
króna, og að unnið sé að því að gera skuldbind-
inguna upp á milli rekstraraðila í samræmi við
aðild þeirra að rekstri hljómsveitarinnar. Tóm-
as Ingi segir það misskilning að verið sé að
koma þessum lífeyrisskuldbindingum yfir á
hina rekstraraðilana.
„Það er vitaskuld eðlilegt að aðilar sem
standa sameiginlega að rekstri beri sameig-
inlega ábyrgð á þeim skuldbindingum sem
stofnað er til með rekstrinum. Þetta á ekki ein-
vörðungu við um Sinfóníuhljómsveit Íslands,
þar sem ríkið, sveitarfélögin tvö og RÚV eiga
hlut að máli, heldur allt það samstarf annað,
þar sem rekstrarleg ábyrgð er að einhverju
leyti sameiginleg. Annað dæmi um skuldbind-
ingar af slíku tagi eru lífeyrisskuldbindingar
fyrrverandi starfsmanna Borgarspítalans. Það
segir sig sjálft að það er ekki hægt að ætla
einum aðila að axla ábyrgð sem efnt er til í
samrekstri af þessum toga. Sú ákvörðun rík-
isins sem þú vísar til með spurningunni fól
ekki annað í sér en það að uppsafnaðar lífeyr-
isskuldbindingar sem stofnað hafði verið til
voru skilgreindar og viðurkenndar. Það var
ekki verið að búa til neinar nýjar byrðar á
hljómsveitina, heldur að horfast í augu við
raunverulegan kostnað við rekstur hennar. Af
þeirri ástæðu verður hún að skoðast eðlileg og
sanngjörn.“
Tómas Ingi segir að undanfarin tvö ár hafi
verið unnið að því í fjármálaráðuneytinu í sam-
vinnu við Reykjavíkurborg að skilgreina og
greina sundur kostnað vegna samrekstrar ríkis
og borgar. „Þar hafa skuldbindingar vegna
Sinfóníuhljómsveitarinnar verið til umfjöllunar
meðal annars, og til dæmis skuldbindingar
fyrrverandi starfsmanna Borgarspítala. Von-
andi geta þær niðurstöður orðið til þess að
beita megi svipuðum uppgjörsaðferðum gagn-
vart samrekstrarverkefnum með öðrum aðilum.
Mér er ekki kunnugt um að borgin hafi sett sig
upp á móti þessu atriði, nema að því leyti að
okkur hefur borist erindi þar sem borgin óskar
eftir því að draga sig út úr kostnaði við rekst-
ur hljómsveitarinnar. Hins vegar er það þann-
ig, og ég býst við að málsaðilar séu sammála
um það, að það er nauðsynlegt að ábyrgð-
arskipting sé jafnan skýr, svo ekki verði til
skuldbindingar sem enginn telur sig bera
ábyrgð á.“ Tómas Ingi segir að brugðist verði
við erindi Reykjavíkurborgar og málefni hljóm-
sveitarinnar tekin til umfjöllunar með borginni.
„Þegar við sjáum hvernig þeim viðræðum mið-
ar áfram verða næstu skref ákveðin.“
Skiptar skoðanir bæjarstjóra á höfuðborgarsvæðinu um þátttöku í rekstri SÍ
Kemur ekki á óvart að
Seltjarnarnes vilji út
Morgunblaðið/Sverrir
Ásdís Halla
Bragadóttir
Tómas
Ingi Olrich
Sigurður
Geirdal
Lúðvík
Geirsson
Ragnheiður
Ríkharðsdóttir
HLÖÐVER Sig-
urðsson tenór og
Antonía Hevesi
píanó- og orgel-
leikari halda tón-
leika í Siglu-
fjarðarkirkju kl.
16 í dag, laugar-
dag. Á dagskrá
eru íslensk ein-
söngslög, erlend
ljóð og óperu-
aríur.
Hlöðver er Siglfirðingur. Hann
hóf söngnám við Tónlistarskóla
Siglufjarðar hjá Antoniu Hevesi ár-
ið 1995 og lauk 8. stigs prófi í söng
þaðan vorið 2000. Hann stundar
söngnám við Mozarteum-tónlistar-
háskólann í Salzburg í Austurríki
frá haustinu 2002, við ljóða- og
óratoríudeild skólans. Auk þess tók
hann þátt í uppfærslu á óperunni
La finta giardiniera eftir Mozart
sem óperudeildin setti upp sl. vet-
ur, þar sem hann söng hlutverk Il
Contino Belfiore. Áður var hann
einn vetur við Guildhall School of
Music and Drama í London.
Antonía starfar sem organisti og
kórstjóri við Hafnarfjarðarkirkju.
Einsöngs-
tónleikar í
Siglufjarð-
arkirkju
Hlöðver
Sigurðsson
Á SEINUSTU tónleikum í Sumar-
tónleikaröð Stykkishólmskirkju á
þessu sumri syngur Gerður Bolla-
dóttir sópransöngkona íslensk
sönglög með sumarblæ. Tónleik-
arnir hefjast kl. 17 á sunnudag.
Undirleikari er Júlíana Rún
Indriðadóttir píanóleikari. Á efnis-
skránni eru verk eftir m.a. Sigvalda
Kaldalóns, Sigfús Einarsson, Pál Ís-
ólfsson, Karl Ó. Runólfsson, Jór-
unni Viðar og Atla Heimi Sveins-
son.
Gerður Bolladóttir sópran-
söngkona og Júlíana Rún
Indriðadóttir píanóleikari.
Sönglög í
Stykkis-
hólmskirkju
Norræna húsið
Sýningu á 48 ljósmyndum, sem
Ragnar Th. Sigurðsson ljósmyndari
tók á Grænlandi, í Færeyjum og á Ís-
landi lýkur á sunnudag. Með honum í
för var Ari Trausti Guðmundsson rit-
höfundur og jarðeðlisfræðingur.
Listasafn ASÍ – Ásmundarsalur
Minningarsýningu um Ragnar
Kjartansson lýkur á sunnudag.
Opið alla daga, nema mánudaga,
kl. 13.30–17.
Eden, Hveragerði
Málverkasýningu Jóns Inga lýkur
á sunnudag.
Breyttur sýningartími
Eftir 1. september verður sýning-
in Safneignin og samtíminn í Lista-
safni Árnesinga opin laugardaga og
sunnudaga kl. 14–18. Síðasti sýning-
ardagur er 21. september. Aðgangur
er ókeypis.
Sýningum
lýkur
♦ ♦ ♦