Morgunblaðið - 30.08.2003, Blaðsíða 44
ÍÞRÓTTIR
44 LAUGARDAGUR 30. ÁGÚST 2003 MORGUNBLAÐIÐ
KEFLVÍKINGAR hafa gengið
frá samningi við bandaríska
körfuknattleiksmanninn Nick
Bradford um að hann leiki
með úrvalsdeildarliði þeirra í
vetur.
Bradford er 25 ára og um
tveir metrar á hæð. Hann leik-
ur mest stöðu framherja og
lék í Bandaríkjunum, var með-
al annars í Kansas-háskól-
anum og stóð sig vel þar.
Hann er fjölhæfur leikmaður
og sérlega öflugur varn-
armaður.
Bradford
til Kefla-
víkur
ARNÓR Atlason, handknattleiksmaður
með KA og nýkrýndur Evrópumeistari
með 18 ára landsliðinu, meiddist á
auga í leik með KA-mönnum gegn
þýska liðinu Dessau á æfingamótinu í
Ludwigshafen um helgina. Arnór fékk
fingur eins leikmanna Dessau í augað
og skaddaðist sjónhimnan af þeim sök-
um. Arnór, sem var einn af lykil-
mönnum 18 ára landsliðsins í sigurför
þess í Slóveníu á dögunum, gat því ekki
spilað úrslitaleikinn á móti Essen og
verður að fara sér afar hægt næstu
tvær vikurnar. Hann má ekkert æfa
eða reyna á sig og e því ekki með norð-
anmönnum á opna Reykjavíkurmótinu
sem stendur nú yfir en KA-menn von-
ast til þess að Arnór verði klár í slaginn
þegar Íslandsmótið hefst 16. sept-
ember.
Arnór meiddur á auga
Morgunblaðið/Þorkell
Arnór Atlason á fullri ferð í leik
gegn HK á síðustu leiktíð.
JÓNAS Stefánsson mun verja
mark Þórsara á Íslandsmótinu í
handknattleik á komandi tímabili
en báðir markverðir liðsins á síð-
ustu leiktíð eru horfnir á braut –
Hafþór Einarsson í KA og Hörð-
ur Flóki Ólafsson í HK. Jónas
hefur leikið með FH-ingum und-
anfarin ár og þá hefur hann
einnig spilað með Stjörnunni og
Haukum þar sem hann varð Ís-
landsmeistari fyrir þremur ár-
um. Axel Stefánsson, fyrrum
markvörður Þórsara, sem einnig
hefur leikið með Val og Stjörn-
unni, verður Jónasi til halds og
trausts hvað markvarðarstöðuna
varðar en hann mun einnig að-
stoða Sigurpál Árna Aðalsteins-
son við þjálfun liðsins líkt og á
síðustu leiktíð.
Jónas ætlaði að leggja skóna á
hilluna áður en hann gekk til liðs
við Þórsara.
Gusic áfram en ekki Lazdins
Þá hafa Þórsarar endurnýjað
samning sinn við Goran Gosic en
hann skoraði 147 mörk í 25 leikj-
um með Þórsurum í Esso-
deildinni í fyrravetur. Aftur á
móti verður rétthenta skyttan
Aigars Lazdins ekki áfram með
Akureyrarliðinu. Hann skoraði
93 mörk fyrir Þór á síðastliðnu
tímabili.
Jónas Stefánsson
verður í marki Þórsara
HELGI Reynir Guðmundsson,
bakvörður úr Stykkishólmi, hefur
ákveðið að ganga til liðs við úrvals-
deildarlið KR í körfuknattleik.
Helgi, sem er á 23. aldursári, kom
upp í úrvalsdeild með Snæfelli á
síðasta vetri og skoraði að meðaltali
10 stig í leik í stöðu leikstjórnanda.
BARRY Ferguson er kominn til
liðs við Blackburn, en samningar á
milli Blackburn og Rangers tókust
loks í gær eftir nokkra mæðu.
Blackburn greiðir Rangers 7,5
millj. punda, jafnvirði rúmlega 900
millj. króna, fyrir Ferguson auk
þess sem það greiðir honum um 4
millj. króna í vikulaun næstu fimm
árin á meðan samningurinn sem
Ferguson skrifaði undir í gærkvöldi
gildir.
GRAEME Souness, knattspyrnu-
stjóri Blackburn, hefur lengi haft
augastað á landa sínum og viljað fá
hann í raðir Blackburn, en þeir hafa
þekkst um árabil. Ferguson verður
hugsanlega í leikmannahópi Black-
burn þegar liðið mætir Chelsea á
Stamford Bridge í dag.
CLAUDIO Reyna var í gær seld-
ur frá Sunderland til Manchester
City fyrir rúmlega 300 millj. króna.
Reyna gerði þriggja ára samning
við Manchester City, en Everton og
Fulham höfðu einnig rennt hýru
auga til hans.
FLEIRI leikmenn eru að yfirgefa
herbúðir Sunderland en Reyna.
Emerson Thome, varnarmaður,
gekk í gær til liðs við Bolton og
gerði eins árs samning. Thome hef-
ur verið hjá Sunderland í þrjú en
var áður hjá Chelsea.
ÞRJÚ félög keppast nú um að
klófesta John Carew, framherja
Valencia, sem virðist ekki eiga
mikla framtíð hjá spænska félaginu.
Liðin sem um er að ræða eru Rang-
ers, Everton og Roma og munu for-
svarsmenn Rangers vera einna
bjartsýnastir á að fá Norðmanninn
hávaxna í sínar raðir.
SETH Johnson, leikmanni Leeds,
hefur verið skipað að vinna í 100
klukkustundir í þágu enska sam-
félagsins og verður hann einnig
sviptur ökuleyfi í tvo mánuði eftir
að hafa verið stöðvaður af lögreglu
á tæplega 200 km hraða á sportbíl
sínum, en auk ofsaakstursins reynd-
ist Johnson hafa verið ölvaður við
aksturinn.
EL HADJI Diouf, leikmaður Liv-
erpool, kemur fyrir dómstóla í
næstu viku þar sem tekið verður
fyrir mál sem höfðað var á hendur
honum eftir að hann hrækti á stuðn-
ingsmenn Celtic í undanúrslitaleik
Liverpool og Celtic í í Evrópu-
keppni félagsliða í vor.
NEIL Sullivan, varamarkvörður
Tottenham, er á leið til Chelsea til
þess að taka við sama hlutverki þar
og vera Carlo Cudicini til halds og
trausts.
FÓLK
Varnarmaður Newcastle United,Aaron Hughes, nýtti ekki
vítaspyrnu s.l. miðvikudagskvöld í
vítaspyrnukeppni milli Newcastle
og Partizan frá Belgrad í leik um
sæti í riðlakeppni Meistaradeildar
Evrópu. Það að spyrnan skyldi
misheppnast reyndist félaginu dýr.
Í stað þess að leika í deild þeirra
bestu, Meistaradeild Evrópu, þarf
Newcastle að taka þátt í UEFA
keppninni sem litið er á sem hálf-
gerða varaliðskeppni fyrir Meist-
aradeildina. Tapið var ekki ein-
göngu leikmönnum og fylgis-
mönnum Newcastle mikið
reiðarslag því fjárhagslega hefur
Meistaradeildin gríðarlega mikla
þýðingu. Á fimmtudag féllu hluta-
bréf í Newcastle niður um tæp
14%. Borussia Dortmund var ann-
að stórlið sem einnig var skotið úr
leik í vítaspyrnukeppni. Þar á bæ
féllu hlutabréf um 16% á fimmtu-
dag. Lauslega er reiknað að félög-
in verði af 5 milljónum punda, um
650 millj. króna, í það minnsta en
gott gengi í Meistaradeildinni get-
ur fært liðum allt að 15 milljónum
punda. Vissulega getur UEFA
keppnin fært félögum einhverja
fjármuni en ekkert í líkingu við
Meistaradeildina og þá aðeins að
þau nái alla leið í úrslitaleikinn.
Fékk hálfan annan
milljarð á síðustu leiktíð
Góður árangur Newcastle í
Meistaradeildinni á síðustu leiktíð
færði félaginu 10,9 milljónir
punda, um hálfan annan milljarð
króna, þegar öll innkoma er tekin
með í reikninginn, þ.e.a.s. miða-
sala, árangurstengdar greiðslur
evrópska Knattspyrnusambands-
ins og síðast en ekki síst sú fjár-
hæð sem liðið fékk vegna sölu
sjónvarpsréttar á leikjum liðsins í
keppninni. Þessir miklu peningar
gerðu að verkum að félagið gat
enn styrkt sveit sína til þess að
vera í betur í stakk búið til að
leika í ensku úrvalsdeildinni og
síðast en ekki síst, í Meistaradeild-
inni.
Árið 1999 tók Newcastle lán upp
á 55 milljónir til að stækka heima-
völl sinn, St Jameś Park. Lánið
verður að greiða innan 17 ára.
Stuðningsmenn félagsins geta nú
átt von á að einhverjar aðhalds-
aðgerðir verði í rekstri félagsins.
En þó ekkert í líkingu við það sem
gerst hefur hjá Leeds United, sem
nú rær lífróður eftir að hafa mis-
tekist að tryggja sér Meistara-
deildasæti vorið 2002 eftir að hafa
lagt gríðarlegan pening undir í
keppni um að vinna sér sæti.
Áfall fyrir Newcastle
Það er ekki auðvelt að kveðja en íhjarta mér veit ég að þetta er
rétti tíminn til að hætta. Einnig
finnst mér viðeigandi að ég tilkynni
ákvörðunina hér í New York þar sem
sigurganga mín hófst þegar ég var
einungis nítján ára gamall.“ Sampr-
as vann sinn fyrsta risatitil af fjór-
tán, sem er met, í New York árið
1990 er hann sigraði Andre Agassi í
úrslitaleik Opna bandaríska meist-
aramótsins.
Vann aldrei Opna
franska mótið
Sampras, sem skilur ekki eftir sig
mikið af frægum tilsvörum, vann
Wimbledon-mótið sjö sinnum, Opna
bandaríska fimm sinnum og Opna
ástralska tvisvar. Eini risatitillinn
sem Sampras tókst aldrei að vinna
var Opna franska meistaramótið en
hægur leikvöllur hentaði aldrei hin-
um kvika Sampras.
Í samkomunni sem haldin var
Sampras til heiðurs á mánudag bað
Andre Agassi, meginkeppinautur
Sampras í gegnum árin, fyrstur um
orðið. „Það þarf ekkert að fara
mörgum orðum um Sampras, hann
er sá besti sem ég hef leikið gegn á
mínum ferli, sagði Agassi.
Næst var komið að Þjóðverjanum
Boris Becker og sló hann á létta
strengi. „Áður en þú komst á sjón-
arsviðið þá kallaði ég Wimbledon
heimili mitt. En sjö titlum síðar átt-
aði ég mig á því að þú hafðir stolið
lyklunum.“
McEnroe kvaddi Sampras
Síðastur til að kveðja Sampras var
John McEnroe, einn þekktasti háð-
fugl tennisheimsins. McEnroe sagði
að sér þætti mikill heiður að fá að
kveðja Sampras. „Ég reyndi að gefa
upp eins og þú. Ég gat það ekki. Ég
reyndi að slá fast eins og þú. Ég gat
það ekki. Að lokum reyndi ég að
haga mér eins þú. Kannski er óþarft
að svara því en ég gat það ekki held-
ur.“ Sampras, sem er 32 ára gamall,
kvaddi að lokum áhorfendur. „Ég
mun aldrei segja að ég hafi verið sá
besti sem hefur leikið tennis, en ég
vona að bikarasafnið mitt svari þó
einhverjum spurningum,“ sagði Pete
Sampras.
Pete Sampras hefur ákveðið að leggja tennisspaðann á hilluna
Reuters
Pete Sampras, ásamt syni
sínum Christian, veifar til
aðdáenda sinna þegar hann
kvaddi þá á dögunum og
lagði tennisspaðann á hill-
una eftir langan og sérlega
árangursríkan feril.
Sá besti
kveður
SIGURSÆLASTI tenniskappi allra tíma, Bandaríkjamaðurinn Pete
Sampras, tilkynnti í vikunni, við upphaf Opna bandaríska meist-
aramótsins í tennis, að hann hefði ákveðið að leggja spaðann á hill-
una. Sampras, sem í gegnum feril sinn var oft kallaður kaldur og
leiðinlegur, gat ekki haldið aftur af tárunum er fjölmargir áhorf-
endur í New York hylltu hann í athöfn sem haldin var honum til heið-
urs í New York.
Lennon sá
yngsti í úrvals-
deildinni
AARON Lennon, 16 ára strák-
ur hjá Leeds United, setti met
í ensku úrvalsdeildinni í knatt-
spyrnu á síðasta laugardag.
Hann kom inn á sem varamað-
ur þegar Leeds mætti Totten-
ham og varð þá yngsti leik-
maðurinn í deildinni frá
stofnun hennar árið 1992.
Lennon er fæddur í apríl 1987
og var 16 ára og 129 daga
gamall á laugardaginn. Fyrra
metið átti Gary McSheffrey
sem lék með Coventry gegn
Aston Villa í febrúar 1999, þá
16 ára og 198 daga gamall.
Lennon náði þó ekki að
bæta félagsmetið sem var sett
þrjátíu árum áður en úrvals-
deildin var stofnuð. Það á Pet-
er Lorimer sem spilaði sinn
fyrsta deildaleik með Leeds,
gegn Southampton, þegar
hann var aðeins 15 ára og 289
daga gamall, í september árið
1962. Lorimer var lykilmaður
í liði Leeds um langt árabil og
var talinn skotfastasti leik-
maðurinn í ensku knattspyrn-
unni á sínum tíma.