Fréttablaðið - 18.06.2005, Síða 12
12 18. júní 2005 LAUGARDAGUR
Víkin er eins og kirkja
„Fallegasti staður sem ég hef
komið á er Hornvík,“ segir Ólína
Þorvarðardóttir, skólameistari
Menntaskólans á Ísafirði. Hún
gekk á Hornstrandir síðastliðið
sumar og féll svo fyrir staðnum
að hún ætlar þangað aftur í
sumar. „Þarna er allt. Ótrúleg
náttúrufegurð, fámenni og auð-
ugt fuglalíf,“ segir Ólína, sem
líkir staðnum við kirkju. „Þetta
er kyrrlát vík mót opnu hafi og
þarna eru allir litir og mikil
kyrrð.“ Ólína segir að Hornvíkin
sé sá staður á Íslandi sem hafi
orkað sterkast á hana á ævinni.
Annar uppáhaldsstaður Ólínu
er gljúfur í Álftafjarðarbotni en
þangað liggur eingöngu göngu-
leið. „Þar er óskaplega fallegt,“
segir Ólína en henni þykir vænst
um Vestfirðina þó hún segi að
vissulega eigi allir landshlutar
sína helgistaði sem séu mjög
fallegir. Staðir eins og Dritvík á
Snæfellsnesi, Hvallátrar í Barða-
strandarsýslu, Skaftafell, Fljóts-
dalshérað, Eyjafjörður og
Hornafjörður. „Það er einhver
karakter í vestfirsku landslagi
sem orkar mjög sterkt á mig,“
segir Ólína, sem á örugglega eft-
ir að koma oft á Hornstrandir í
framtíðinni.
Varla jarðneskt að sjá laxa stökkva
í Norðurá
„Minn uppáhaldsstaður er
Norðurárdalurinn í Borgarfirði,“
segir Ísólfur Gylfi Pálmason,
sveitarstjóri í Hrunamanna-
hreppi, sem er að planta trjám
þegar samband er haft við hann.
Auk þess er Þórsmörk í miklu
uppáhaldi hjá honum.
Ísólfur var meðal annars kenn-
ari í sex ár á Samvinnuskólanum á
Bifröst og einnig veiðivörður í
nokkur sumur í Norðurá. „Þar var
svo fallegt að maður sveif um og
fannst maður varla jarðneskur
þegar maður sá laxinn stökkva í
Norðurá,“ segir Ísólfur, sem á
mikið af góðum minningum frá
þessum tíma.
„Þórsmörkin er líka óskaplega
falleg og það er gaman að ganga
um mörkina. Þar stendur tíminn
nánast kyrr,“ segir Ísólfur, sem
fer alltaf einu sinni á ári í Þórs-
mörk og reynir einnig að komast
reglulega í Norðurárdalinn.
Ísólfur hefur mest gaman af
því að ganga um og skoða náttúr-
una. Þegar hann er staddur í Þórs-
mörk finnst honum best að gera út
frá Húsadal, því þar er gufubað
sem gott er að fara í á kvöldin. Þá
hefur hann gengið Fimmvörðu-
hálsinn í nokkur skipti. „Það er
himnaríki á jörð,“ álítur Ísólfur,
sem finnst best að vera á ferðinni
um hásumarið. Hins vegar séu
bæði Þórsmörk og Norðurárdal-
urinn mjög falleg í haustlitunum.
Æskuminningar úr Hallormsstað
„Ísland allt,“ segir Hjörleifur
Guttormsson, náttúrufræðingur
og fyrrverandi þingmaður og ráð-
herra, þegar hann er spurður að
uppáhaldsstað sínum á landinu.
Honum finnst erfitt að gera upp á
milli staða enda kann hann vel við
sig hvar sem hann fer, að eigin
sögn. Hann veit þó meira um
Austurland en önnur svæði enda
hefur hann skrifað um það svæði í
nokkrum af árbókum Ferðafélags
Íslands.
Hallormsstaður er honum þó
ofarlega í huga. „Þar er fjöl-
breytni í landi og lífríki,“ segir
Hjörleifur, sem kemur oft á ári í
Hallormsstaðarskóginn.
Hann á margar minningar
þaðan enda var faðir hans skógar-
vörður á staðnum. Hjörleifur
segir það hafa verið mjög góðan
stað til að alast upp á. „Þetta er
þekktasti þjóðskógur á Íslandi og
var ennþá frægari fyrir hundrað
árum, áður en farið var að hlúa að
skógum annars staðar,“ segir
Hjörleifur, sem segir að sér hafi
komið það spánskt fyrir sjónir
þegar hann kom út úr skóginum
sem krakki.
Hjörleifur segist þó ekki síður
kunna vel við sig uppi til fjalla.
„Ég hef heildstæða skynjun á nátt-
úrunni og kann alls staðar vel við
mig. Hvert svæði hefur sín sér-
kenni og sjarma og erfitt að gera
upp á milli.“
Heimabærinn Reykjavík
Jónína Bjartmarz alþingiskona á
sér marga uppáhaldsstaði á land-
inu. Reykjavík er henni ofarlega í
huga enda borin þar og barnfædd.
„Þetta er heimabærinn,“ segir Jón-
ína, sem hefur búið í Smáíbúða-
hverfinu, Vesturbænum og Breið-
holti.
Þá hefur hún einnig sérstakt dá-
læti á Hornströndum, sem hún
hefur gengið í fimm skipti, en þang-
að fór hún í fyrsta sinn árið 1982.
„Fyrst ég er komin með hug-
ann vestur dettur mér líka í hug
Haukadalur í Dýrafirði,“ segir
Jónína. „Í fyrsta sinn sem ég kom
þangað á æskuárum fann ég að ég
væri ættuð þaðan,“ segir Jónína
en hið sama segir hún að hafi
verið uppi á teningnum þegar hún
kom í Skaftafellssýslu þaðan sem
amma hennar er ættuð.
Það sem heillar Jónínu mest
við Hornstrandir er hin ósnortna
náttúra. „Ef maður er svo heppinn
að koma þangað með góðum leið-
sögumanni er það tvöföld
ánægja,“ segir Jónína, sem segir
sjarmann jafn mikinn hvort sem
gengið sé í glampandi sól eða
rigningu.
Í fyrstu ferð Jónínu á Horn-
strandir gekk hún í fjórtán tíma í
nýjum skóm og þurfti það sem
eftir var ferðar, níu daga að ganga
í ullarsokkum og stígvélum þar
sem hún fékk hrikalegt hælsæri.
Jónína reynir að komast á fjöll
á hverju ári. Hún segir það lífs-
nauðsynlegt til að hlaða batteríin.
Nú eru hins vegar tvö ár síðan
hún fór slíka ferð síðast og því
alls konar varaleiðslur komnar í
gagnið. Hún stefnir þó að á að
fara í lengri gönguferð í sumar.
solveig@frettabladid.is
Á Íslandi eru gríðarlega margir fallegir og áhugaverðir staðir og því um nóg að
velja fyrir innlenda sem erlenda ferðalanga. Þó eru alltaf einhverjir sem standa
upp úr í minningunni. Það er eitthvað við hvern stað sem orkar mismunandi
sterkt á hvern þann sem sækir hann heim. Nokkrir þjóðþekktir einstaklingar
sögðu frá sínum uppáhaldsstað á landinu og hvar þeir vilja helst vera.
Allt á grillið
Lúðusteikur í hvítlaukskryddlegi.......1690,-
Löngusteik í rauðvínskryddolíu.....1.290,-
Keilusteik m/piparkryddblöndu....1.290,-
Steinbítssteikur með hvítlauk og kryddjurtum...1.290
Laxasteik hunangslegin, beinlaus....1.290,-
Humar stór................................5.350,-
Humar medium........................3.990,-
Risarækjur með skel.................2.000,-
Hörpufiskur kanadískur..............2.990,-
ÞÓRSMÖRK Einn af eftirlætisstöðum Ísólfs Gylfa.
HORNVÍK Ólína Þorvarðardóttir á uppáhaldsstað sínum í Hornvík.
Hér vil ég helst vera
HALLORMSSTAÐUR Hjörleifur Guttormsson á margar æsku-
minningar úr Hallormsstaðarskógi.
REYKJAVÍK Jónína er borin og barnfædd í Reykjavík og kann því
einna best við sig þar.