Fréttablaðið - 18.06.2005, Side 32

„Við upplýsum viðskiptavininn
okkar um þjónustuna sem við
bjóðum upp á og kynnum allt fyrir
honum áður en við förum yfir bíl-
inn. Við leggjum mikið upp úr
hreinlæti, veitum góða þjónustu
og ég held að við séum eina fyrir-
tækið á landinu sem býður upp á
heildarþjónustu fyrir bílinn. Við
erum með verkstæði, smurstöð,
dekkjaverkstæði og verslun allt á
einum stað og veitum þjónustu frá
A til Ö,“ segir Jóhannes Jóhannes-
son, annar eigandi Bílaáttunnar.
„Þegar bílar koma í smurningu
fá þeir ekki bara smurningu held-
ur alhliða þjónustu. Við skiptum
um olíu og olíusíu á vél. Við athug-
um loftsíu og miðstöðvarsíu og
skiptum um ef þörf er á. Við
athugum gírkassa, millikassa, drif
og sjálfskiptingu og einnig ástand-
ið á olíu og olíumagn. Við kíkjum á
magn og frostþol kælivökva á
kælikerfinu, athugum hvort næg-
ur vökvi sé á kúplingsdælum,
bremsudælu, stýrisvél, forðabúri
fyrir rúðuvökva og rafgeymi og
smyrjum í lamir. Við athugum
perur og setjum nýjar rúðuþurrk-
ur á bílinn ef þess er þörf. Ef bíl-
eigandi óskar eftir því að eitthvað
af þessu sé ekki gert verðum við
auðvitað við öllum óskum hans en
þetta er nauðsynlegt að athuga
áður en lagt er af stað í ferðalag.
Ef bíleigandi vill ganga skrefinu
lengra getum við athugað alla
helstu slithluti bílsins á verkstæði
eins og bremsur, stýrishluta,
viftureimar og svo framvegis,“
segir Jóhannes en hjá Bílaáttunni
er hægt að velja um þrenns konar
olíu. „Viðskiptavinir geta valið um
olíu sem þarf að skipta um á 5.000
kílómetra fresti, 7.500 kílómetra
fresti eða 10.000 kílómetra fresti
en við notum Liqui-Moly mótor-
olíur.“
lilja@frettabladid.is
10 18. júní 2005 LAUGARDAGUR
Audi A8 quattro varð í öðru sæti í sín-
um flokki, rétt á eftir Audi A6 quattro.
Gott gengi hjá Audi
LESENDUR BLAÐSINS AUTO BILD ALLES
ALLRAD ELSKA AUDI A6 QUATTRO.
Audi A6 quattro er besti bíllinn með
drifi á öllum hjólum árið 2005 í flokki
lúxusbíla en í öðru sæti varð Audi A8
quattro. Þetta er niðurstaða lesenda
þýska bílablaðsins Auto bild alles
allrad. Valið stóð á milli 102 gerða bíla
í níu flokkum en A3 quattro, A4 quattro
og TT Coupé quattro lentu allir í öðru
sæti í sínum flokki.
Audi A6 hefur unnið fjölda verðlauna
um heim allan auk þess að vera út-
nefndur bíll ársins á heimsvísu.
Ford innkallar
260.000 bíla
GALLI FANNST Í BENSÍNLEIÐSLUM
OG VÉLUM STÆRRI BÍLA HJÁ FORD.
Ford Motor í Bandaríkjunum þurfti að
innkalla tæplega 260 þúsund bifreiðar í
vikunni.
Bifreiðarnar voru
annað hvort
með vélar
sem gátu
drepið á sér
án viðvörunar eða bensínleiðslur sem
var hætta á að færu í sundur. Vissar bif-
reiðar með 6,0 lítra dísilvélum geta
drepið á sér án viðvörunar og hugsan-
lega leitt til umferðaróhappa. Endur-
köllunin stafar af vandamáli í bensín-
innspýtingu í stjórnunareiningum bif-
reiðanna. Ford innkallaði 180 þúsund
pallbíla og vörubíla með 6,0 dísilvél og
78 þúsund F-series vörubíla með bens-
ínvél.
Farsælt ferðalag á fjórum dekkjum
Nú þeysast margir út úr bænum um helgar eða keyra um landið vikunum saman. Starfsmenn Bílaáttunnar á
Smiðjuvegi 30 í Kópavogi sýndu blaðamanni hvernig á að tryggja að ferðin verði farsæl á fjórum dekkjum.
Trausti Hafliðason tók að sér að sýna
blaðakonu hvernig á að undirbúa bílinn og
byrjaði á því að setja vélahreinsi á bílinn.
Síðan mældi hann frostþol á kælikerfinu.
Trausti kíkti á rafgeyminn næst og athug-
aði hvort vökvinn væri yfir höllum sellun-
um.
Síðan losaði hann olíuna úr bílnum með olíustampi, tók olíusíuna úr og lét nýja í.Hann smurði líka lamirnar, hann Trausti.
Loks mældi hann loftþrýstinginn í dekkj-
um og varadekki.
Því næst bætti hann á rúðuvökvann, sem
er algjörlega nauðsynlegt þegar ferðast er
í allra veðra von.
FR
ÉT
TA
B
LA
Ð
IÐ
/G
VA
Næst athugaði hann ástand loftsíunnar.