Fréttablaðið - 18.11.2006, Blaðsíða 40

Þó að Sigurður Bogi Sævarsson
blaðamaður hafi farið oftar
milli Reykjavíkur og Selfoss
en tölu verður á komið finnur
hann þar endalaust eitthvað
nýtt að sjá og nema.
Sigurður Bogi nefnir fyrst að
veðrátta, birta, árstíð og farar-
tæki skapi stöðugt ný sjónarhorn
á gamalkunnri leið og bætir svo
við: „Með ofurlítilli þekkingu á
sögu, mönnum og málefnum fær
ferðalagið líka nýjar víddir.
Þannig erum við strax við Rauða-
vatn komin inn í ævintýraheim
bókmennta. Þarna eru heimkynni
Valda koppasala og hans nóta sem
Einar Kárason hefur gert ódauð-
lega í bókum sínum. Nokkru ofar
er Gunnarshólmi, herragarður
sem ber sama nafn og magnað-
asta ljóð íslenskrar tungu. Ofan
við Lögbergsbrekku blasir við
Vífilfell, fjallið sem kókfabrikkan
er nefnd eftir og efst á Sandskeiði
er Litla kaffistofan, þar sem Stef-
án vert selur stærstu kleinur á
Íslandi og veitir gestum góðan
beina.“
Sigurður Bogi bendir á að kaffi-
stofan standi undir Draugahlíð.
„Þar týndi skáfrændi minn eigin
flutningabíl í svartabyl endur
fyrir löngu,“ segir hann drauga-
lega og er svo í huganum kominn
upp í Svínahraun eftir „undarleg-
asta vegi á Íslandi þar sem skipt-
ast á tvær akreinar í aðra áttina og
hjólreiðabraut í hina!“ eins og
hann orðar það og getur þess að
veginum um hraunið sleppi við
minnismerki um organista sem
um aldur fram hvarf fyrir
ætternisstapann. Sigurður Bogi
rifjar líka upp sleðaferðir sem
hann fór með foreldrum sínum
barn að aldri að Kolviðarhóli þar
sem nú er verið að reisa orkuver.
„Hellisheiðin sem áður mátti kalla
öræfi í alfaraleið er nú leikvöllur
verkfræðinga sem hafa hana
rúnum rist með gufupípum, raf-
magnslínum og öðrum apparötum
sem ég kann engin skil á,“ segir
hann í ljúfsárum saknaðartón.
Á Kambabrún er kappinn kom-
inn á Drottningarbarm, bílaplan
sem búið var til svo Margrét Þór-
hildur gæti virt fyrir sér Suður-
landssléttuna þegar hún kom
hingað til lands í opinbera heim-
sókn fyrir um 30 árum. „Sjálfur
dokaði ég við á drottningarslóðum
á bjartri Jónsmessunótt endur
fyrir löngu og hlustaði á þjóðsöng-
inn leikinn í útvarpinu um leið og
ég horfði yfir breiðar byggðir í
ævintýrabirtu blíðsumars,“ rifjar
hann upp rómantískur og endar
söguna á svipuðum nótum. „Þá
kveiktu útvarpssöngurinn og
útsýnið með mér slíkan anda þjóð-
arstolts og gleði yfir lífinu að ekki
er örgrannt um að grípa hafi þurft
til vasaklúts, líkt og veikgeðja
fólk gerir, sé endir í bíómynd
harmrænni en hjarta þess býður.“
Hlýtt á þjóðsönginn á
Drottningarbarmi
British Airways hefur tekið í
notkun nýtt og endurhannað
viðskiptafarrými sem notað er
á löngum flugleiðum.
Á nýja viðskiptafarrýminu hjá
British Airways eru meiri þæg-
indi en áður. Sætin eru um fjórð-
ung breiðari og þau er hægt að
fella alveg niður svo úr verði rúm.
Jafnframt verður tekið í notkun
nýtt og fullkomið afþreyingar-
kerfi á viðskiptafarrýminu. Far-
þegar fá líka sér rafmagnsinn-
stungu, tíu tommu sjónvarpsskjá,
aðgang að sér eldhúsi þar sem má
fá sér snarl á milli flugvélamála.
Farþegar fá einnig afhenta
snyrtitösku frá Anya Hindmarch
og náttföt auk þess sem allir far-
þegar í flugvélunum fá inniskó.
Nýtt viðskiptafarrými
Við leggjum okkur fram.
Ertu að fara á skíði?
Bókaðu bílaleigubílinn strax á avis.is
Bílaleigubíll í Þýskalandi
Vika fyrir flokk I Opel Vectra station eða sambærilegan bíl á 333 evrur.
Innifalið í verði: Ótakmarkaður akstur, kaskó- og þjófatrygging,
flugvallargjald og skattar.
LEIÐSÖGUTÆKI TIL LEIGU
Leigðu GPS leiðsögutæki í bílinn,
fáðu kennslu á það hér heima og
taktu það með þér til útlanda.
Handhægt og mjög einfalt í
notkun.
Knarrarvogi 2 / Sími 591 4000 / avis.is
P
IP
A
R

• S
ÍA

• 6
0
7
7
1
Á slóðum Þórbergsseturs eru tvö
einbýlishús í boði fyrir þá sem
vilja gista á Hala í Suðursveit.
Gistihúsin tvö sem tilheyra Hala
rúma samtals 26-28 manns og eru
bæði með góðri eldunaraðstöðu og
setustofu. Þar er hægt að dvelja
yfir helgi eða í lengri tíma og á það
við um hópa, fjölskyldur, fræði-
menn eða skólahópa. Á vegum Þór-
bergsseturs er hægt að panta sér-
staka dagskrá sem hentar hverjum
og einum hóp, stórum
eða smáum. Sem dæmi
má nefna gönguferð að
kvöldlagi og stjörnu-
skoðun, upplestur úr
verkum Þórbergs eða
efni úr Suðursveit.
Einnig vettvangsferðir
úti í náttúrunni og rat-
leiki auk þess sem áhugafólk um
fiskeldi og ála getur kynnst slíku á
Hala. Hátíðarkvöldverð er hægt að
fá í Þórbergssetri með fyrirvara og
þar sem jarðhiti hefur fundist á
svæðinu er fremur frumstæður
heitur pottur í grennd við gistihúsin
þar sem gott er að dorma.
Frekari upplýsingar gefur Þor-
björg Arnórsdóttir í síma 867 2900
og einnig er fróðleikur um Þór-
bergssetur á vefnum thorbergur.is.
Hátíðarkvöldverður
og huggulegheit