Fréttablaðið - 18.11.2006, Page 52

{ austurland } 6
Leikverkið Listin að lifa var frum-
sýnt á Iðavöllum um síðustu helgi
en um er að ræða verk sem var
sérstaklega samið í tilefni af 40 ára
afmæli Leikfélags Fljótsdalshéraðs.
Fyrirhugað er að verkið verði sýnt
alls sex sinnum á tveggja vikna
tímabili og fer lokasýningin fram á
sunnudaginn eftir viku.
Leikstjóri verksins er Oddur
Bjarni Þorkelsson, en hann er orð-
inn Héraðsbúum að góðu kunnur
fyrir uppsetningar á undanförnum
árum og er skemmst að geta upp-
setningu hans á Sex í sveit, sem
sló gegn hjá leikfélaginu á síðasta
leikári. Höfundur Listarinnar að
lifa er Sigríður Lára Sigurjónsdótt-
ir en helstu hlutverk eru í höndum
Eyglóar Daníelsdóttur, Oddnýjar
Ólafíu Sævarsdóttur og Þráins Sig-
valdasonar.
Leikfélag Fljótsdalshéraðs hefur
starfað nær óslitið frá árinu 1966
og heldur upp á 40 ára afmæli sitt
um þessar mundir. Félagið hefur
verið snar þáttur í menningarlífi
Austurlands í allan þann tíma og
stefnir félagið að fjölbreyttri og öfl-
ugri starfsemi á þessu afmælisári.
- vig
Sýningar á Listinni að lifa verða
sem hér segir:
Sunnudag 19. nóvember
Föstudag 24. nóvember
Sunnudag 25. nóvember, lokasýning
Allar sýningar hefjast kl. 20.30
Miðapantanir í síma 846 2121 eða
á Bókasafni Héraðsbúa
Frumsýnt í tilefni
40 ára afmælis
Listin að lifa sýnd á Iðavöllum.
Alls eru 24 nemendur teknir inn í
Handverks- og Hússtjórnarskól-
ann á hverri önn, en námið sam-
anstendur af 31 einingu í hinum
ýmsu fögum sem oft eru metin sem
valfög í öðrum framhaldsskólum
landsins. Að sögn Þráins Lárusson-
ar, skólameistara á Hallormsstað, er
að finna fólk á öllum aldri við nám
í skólanum.
„Elsti nemandinn sem hefur verið
hér var 38 ára en algengasti aldur-
inn er frá 16 til 17 ára og allt upp
í 25 ára,“ segir Þráinn. Í sumar var
tekin sú ákvörðun að breyta nafni
skólans og var þá orðinu handverk
bætt ofan á það sem áður var, það er
Hússtjórnarskólinn. Nú heitir skólinn
Handverks- og Hússtjórnarskólinn
og eru bundnar vonir við að skólinn
höfði meira til karla í kjölfarið.
„Það hallar náttúrulega alltaf á
strákana,“ segir Þráinn og glottir
þegar hann er spurður um kynja-
hlutfallið í skólanum. „En því fer
fjarri að hér séu aðeins kennd fög
sem hafa verið heimfærð á kven-
þjóðina. Við kennum fög á borð við
myndlist og handmennt sem á mjög
vel við karla,“ útskýrir Þráinn.
Handverks- og Hússtjórnarskól-
inn er á framhaldsskólastigi og segir
Þráinn að nemendur komi hvaða-
næva af landinu. „Segja má að tvær
forsendur séu fyrir komu nemenda
til okkar. Annars vegar er þetta
ungt fólk sem vill fá mikla og góða
fagkennslu á þeim sviðum sem við
erum að kenna, svo sem matreiðslu,
textílfræðum, fatahönnun og ann-
arri handavinnu. Hins vegar er stór
hluti nemenda fólk sem hefur, ein-
hverja hluta vegna, lent undir í hinu
almenna skólakerfi. Þetta eru oft á
tíðum krakkar sem reynast algjörir
snillingar þegar þeir gefa sig í námið,“
segir Þráinn en ítrekar jafnframt að
skólinn sé ekki einhver geymslustað-
ur fyrir vandræðaunglinga. „Hér er
aðeins fólk á eigin forsendum. Það
er enginn sendur hingað og hér þarf
að hafa mikið fyrir náminu.“
Þráinn bætir við að það sé ekki
síst hinn félagslegi þáttur sem felst
í því að vera á Hallormsstað sem
nemendur læra svo mikið af. „Hér
eru þeir í heimavist og þurfa að læra
að umgangast samnemendur sem
hafa annan bakgrunn og eru með
aðrar skoðanir á hlutunum. Þetta
er lítið samfélag sem við erum með
hérna sem mjög þroskandi er að
taka þátt í.“
Sjá nánari upplýsingar um Hand-
verks- og Hússtjórnarskólann á heim-
síðu skólans, www.hushall.is. - vig
Námið á einnig
vel við strákana
Handverks- og Hússtjórnarskólinn á Hallormsstað er nýtt
nafn gamla Hússtjórnarskólans. Að sögn skólameistara er
alltaf jafn mikil ásókn í skólann.