Fréttablaðið - 18.11.2006, Blaðsíða 84
Á fimmtudaginn
skellti ég mér í bíó og
bar nýjan James
Bond augum. Ég
kom mér fyrir í bíó-
sætinu í Smárabíó
og deildi slúðri
um menn og mál-
efni við bíófélagana
mína. Þegar ljósin í
salnum slökknuðu sló þögn á bíó-
hópinn og skrjáfhljóð í popppok-
um og smjatt í bíógestum ómaði
milli veggja. Töfrar Hollywood og
nýr James Bond voru um það bil
að birtast á skjánum og ég var
bara orðin nokkuð spennt. Enda
hef ég ákaflega gaman af því að
horfa á myndarlega menn.
James Bond staulaðist loks á
tjaldið og gamanið hófst. Bond
hljóp, skaut, sprengdi, kyssti,
daðraði og gerði aðra hluti sem
Bondar gera. Mér fór hins vegar
fljótt að leiðast þófið og leiddi
hugann að því sem skipti mestu
máli. Ég spáði í nýja Bondinn sem
var bara nokkuð myndarlegur.
Svolítið „hott“, svolítið flagaraleg-
ur, banvæn blanda. Bondinn nýi
tekur sig einnig vel út í sundskýlu
þó að hálsinn á honum sé heldur
stuttur miðað við breiddina á þess-
um agalegu öxlum sem hann ber.
En axlirnar fara mjög vel við upp-
handleggina sem eru banvænir út
af fyrir sig.
Nýi Bondinn er einnig með
himinblá gullfalleg augu sem bæði
geta sindrað sakleysislega ásamt
því að senda brjálað „bad boy“
augnaráð ef óvinir Bretlands
koma til tals. Andlitsdrættirnir
eru sterkir og brosið fallegt. Hins
vegar fannst mér nýi Bondinn svo-
lítið „pósaður“ í framan. Alltaf var
hann með einhvern Zoolander stút
á munninum og pírð augu, tilbúinn
að pósa í myndatöku fyrir MI6
Monthly, og ef andlitið var slakt,
þá minnti nýi Bondinn mig á ótrú-
lega hissa önd. Sem gaf honum
nokkur mínus stig. Þannig Önd,
James Önd, fær um sjö og hálfan á
kynþokkaskalanum. Myndina ætla
ég ekki að leggja dóm á enda var
ég svosum ekkert að fylgjast með
henni.
Helgi, góða helgi. Hafið hana
hrista og hrærða.