Fréttablaðið - 18.11.2006, Qupperneq 92
Glöggir lesendur nýjasta tölublaðs
tískuritsins Vogue hafa eflaust
rekið augun í stóran tískuþátt þar
sem íslensk náttúra er í aðalhlut-
verki. Myndirnar eru teknar af
hinum fræga þýska ljósmyndara
Horst Diekgerdes og er notuð ein
fyrirsæta sem skartar nýjustu
vetrartískunni í takt við gráa nátt-
úrufegurð Íslands.
Stuðlabergið, mosinn og hrá
náttúra landsins er notuð mikið og
eru myndirnar mjög fallegar.
Ljósmyndaranum hefur tekist vel
til og fer með hið stórbrotna
íslenska landslag.
Íslensk náttúra í tísku
Reiðir aðdáendur popparans Michael Jackson vilja fá
miðana sem þeir borguðu inn á heims-tónlistarverð-
launin í London á dögunum endurgreidda.
Miðinn á verðlaunahátíðina kostaði um þrettán
þúsund krónur. Bjuggust aðdáendurnir við því að sjá
og heyra Jackson flytja slagara sinn Thriller en ekk-
ert varð úr því. Þess í stað var lagið flutt af banda-
ríska söngvaranum Chris Brown. „Ég er bálreið. Mér
líður eins og ég hafi verið féflett,“ sagði einn aðdá-
andinn sem eyddi yfir tuttugu þúsund krónum í
aðgangseyri.
Jackson söng aðeins tvö erindi í laginu We Are
The World áður en hann yfirgaf sviðið. „Þetta var
mikið spennufall. Ég gekk í burtu,“ sagði annar sár-
svekktur aðdáandi.
Jackson kom fram í London í fyrsta skipti síðan
hann var sýknaður af ákæru um kynferðislega mis-
notkun. Hefur hann dvalið í Bahrain og Írlandi und-
anfarna mánuði og hyggur á útgáfu nýrrar plötu á
næsta ári.
Aðdáendur vilja endurgreiðslu
Leikkonan heimsfræga var föst
inni í skóla eftir að læti brutust út
á tökustað nýjustu myndar henn-
ar á Indlandi. Lætin brutust út
meðal foreldra þegar verið var að
taka upp atriði í myndinni „A
Mighty Heart“ í strætó við hliðina
á skóla. Fannst foreldrum lífverð-
ir Jolie vera að hóta börnunum og
brutust því út ólæti á skólalóðinni
meðal fjölda manna.
Jolie var því komið fyrir inni í
skólanum ásamt börnunum og
fékk að dúsa þar í smá tíma. Jolie
er stödd á Indlandi ásamt börnum
sínum þremur og kærasta, Brad
Pitt, en hann er einmitt framleið-
andi myndarinnar.
Lokuð inni í skóla
Slær met
í Bretlandi
Nýjasta Bond-myndin, Casino
Royale, náði inn meiri peningum
á sínum fyrsta sýningardegi í
Bretlandi en nokkur önnur Bond-
mynd.
Alls seldust 1,7 milljónir miða
á myndina. Er það tvöfalt meira
en keypt var á fyrsta sýningar-
degi Bond-myndarinnar Die
Another Day, sem átti fyrra
metið.
Gefið hefur verið leyfi til að
sýna Casino Royale í Kína. Verð-
ur hún fyrsta Bond-myndin sem
er sýnd í kvikmyndahúsum þar.
Hingað til hefur kvikmyndaeft-
irlitið í Kína bannað myndirnar
vegna mikils ofbeldis og kynlífs-
atriða. „Við erum mjög ánægðir
með að myndin hefur fengið
grænt ljós og ég býst við því að
hún verði ein sú tekjuhæsta í
landinu á næsta ári,“ sagði yfir-
maður Sony í Kína.
Casino Royale, sem er 21.
Bond-myndin í röðinni, hefur
fengið mjög góða dóma gagnrýn-
enda og hefur aðalleikarinn
Daniel Craig jafnframt hlotið
mikið lof fyrir frammistöðu
sína.
NÝ VERSLUN Í KRINGLUNNI 7
HÚSI VERSLUNARINNAR
FÓLK EHF ::: Húsi verslunarinnar, Kringlunni 7 ::: 103 Reykjavík ::: Sími 5 88 44 22 ::: www.folk-ehf.is
BON´A PARTE í 20 ár á Íslandi og Fólk ehf. opnar því nýja deild með
glæsilegum vörum. Í tilefni af opnuninni býður Fólk 20% afslátt af
öllum vörum frá 18. - 24. nóvember.
Opið mánudaga, þriðjudaga og miðvikudaga kl. 10-18, fimmtudaga og
föstudaga kl. 10-19, laugardaga kl. 10-18 og sunnudaga 13-17.