Tíminn - 10.05.1986, Blaðsíða 14

14 Tíminn
Laugardagur 10. maí 1986
HREINSAD
í BORGINNI
- íbúarnir taka til
hendinni
Fjöldi íbúa- og hverfissamtaka
efnir á næstunni til hreinsunar-
daga þar sem ætlunin ^r að íbúar
hvers hverfis taki höndum saman
og hreinsi hverfið sitt.
í dag verður hreinsað í Hlíðar-
skóla-, Selás, Árbæjar- og Aust-
urbæjarskólahverfi, Breiðholti III,
Suðurhlíðum, gamla Vesturbæn-
um og Laugarneshverfi.
24. maí verður svo hreinsað í
Bakka- og Stekkjarhverfi, Graf-
arvogi, Hvassaleitisskóla- Skóga
og Seljahverfi og Grjótaþorpi.
Þessi hreinsun er undanfari
hreinsunarviku í Reykjavík sem
verður 7.-15. júní.
f mörgum hverfanna verður
hreinsunardagurinn gerður að
eins konar hátíðisdegi þar sem
jafnframt hreinsuninni verður
efnt til margs konar skemmtunar
og samveru.
í fyrra var efnt tii svipaðrar
hreinsunar sem tókst mjög vel.
Fegrunarnefnd Reykjavíkur
hefur staðið að undirbúningi verk-
efnisins. Formaður hennar er
Gerður Steinþórsdóttir.
Graskögglaverksmiöjur í eigu ríkisins:
Framleiðsla miðuð við
lágmarksaf köst í sumar
- er tillaga nefndar á vegum landbúnaðarráðherra
„Ég mun leita leiða til þess að
hægt verði að fara eftir tillögum
nefndarinnar, en ég þarf að ræða
málið við fjármálaráðherra áður en
endanleg ákvörðun verður tekin,“
sagði Jón Helgason landbúnaðarráð-
herra.
Að undanförnu hefur starfað
nefnd á vegum landbúnaðarráðherra
til að skoða stöðu og rekstur gras-
kögglaverksmiðjanna fjögurra sem
ríkið á og hefur hún skilað áliti.
Leggur hún til að verksmiðjurnar
framleiði 4000 tonn af graskögglum
í sumar sem skiptist þannig: Ólafs-
dalur framleiddi 1000 tonn, Stórólfs-
vellir og Gunnarsholt samanlagt
2.400 tonn og Flatey í Mýrahr. 600
tonn. Þessi skipting var grundvölluð
á markaðsstöðu og birgðum sem til
eru í landinu og til þess að hægt sé
að nota þann tækjabúnað sem til er
við að nýta skástu túnin sem eru við
verksmiðjunnar- svo þau fari ekki í
órækt á meðan endanleg ákvörðun
verður tekin um starfsemi verk-
smiðjanna í framtíðinni sagði Bjarni
Guðmundsson einn nefndarmanna.
„Það hafa komið fram hugmyndir
um að láta rekstur verksmiðjanna í
hendur heimamönnum en í því
sambandi er ekki ljóst hvað gert yrði
við þann skuldahala sem fylgir
þeim,“ sagði Bjarni.
ABS
Hvítasunnan:
Útihátíð í
Borgarfirði
Magnús Magnússon fréttaritari Tímans í Borgar-
firði:
Um hvítasunnuhelgina, dagana
16.-19. maí verður haldin úti-
skemmtun hér í Borgarfirði. Mót-
staðir eru þeir sömu og um hvíta-
sunnuna 1985 en það eru félagsheim-
ilin Logaland í Reykholtsdal og
Geirsárbakkar í sömu sveit. Tjald-
stæðin og veitingasalan verða á
Geirsárbökkum.
Dagskrá hátíðahaldanna verður
þannig: í Logalandi verða tveirdans-
leikir, á föstudagskvöld skemmtir
hljómsveitin Tíbrá en á sunnudags-
kvöldið spilar hljómsveitin Goðgá,
og einnig sú hljómsveit sem vinnur
hljómsveitarkeppnina sem haldin
verður á Geirsárbökkum á laugar-
deginum. Hljómsveitin Goðgá mun
stjórna hljómsveitarkeppninni og
þurfa þátttökutilkynningar að berast
Guðjóni Guðmundssyni í síma 93-
5213 fyrir fimmtudag, í næstu viku.
Diskótekið Dísa vakir á Geirsár-
bökkum og spilar þar alla mótsdag-
ana. Sætaferðir verða á hátíðina frá
BSÍ, Akranesi, Borgarnesi og víðar.
Björgunarsveitin Ok, ásamt landeig-
endum, mun sjá um framkvæmd
mótsins og einnig um gæslu á svæð-
inu. Læknir verður á staðnum.
Afengi með í för?
Ökuferð tveggja manna endaði utan vegar við Jaðarsel í gær. Bíllinn kom á umtalsverðri ferð eftir götunni, bremsuför mældust
um sjötíu metrar. Hann lagði að velli einn Ijósastaur og hcntist út af veginum og lenti á hvolfi úti í móa. Ókumaður og farþegi
meiddust lítillega og voru fluttir á sjúkrahús. Grunur leikur á að ökumaðurinn hafi verið búinn að innbyrða eitthvað af áfengum
drykkjum. Tímamynd Sverrir
Aðeins 12% Islendinga
spá verðbólgu undir 10%
Önnur hver kona býst við 20-50% verðhækkunum
Þótt nýlega sé búið að ganga frá
kjarasamningum þar sem gengið er
út frá minna en 10% verðbólgu var
það aðeins um 12% þjóðarinnarsem
bjóst við að hún yrði svo lítil - en
hins vegar um 17%, að hún yrði yfir
30% - í skoðanakönnun sem Hag-
vangur gerði um verðbólguvænting-
ar almennings nokkru eftir kjara-
samningana. Konurnar eru mun
svartsýnni en karlarnir og höfuð-
borgarbúar svartsýnni en lands-
byggðafólkið.
Hagvangur, sem vann þessa könn-
un fyrir tímaritið Frjálsa verslun,
spurði fólk hversu mörg prósent það
teldi að verðbólgan yrði næstu 12
mánuðina. Um 12% spáði undir
10% verðbólgu, sem fyrr segir, alls
36% undir 15% verðbólgu og um
60% minna en 20% verðbólgu.
Um 44% karlanna trúði á verð-
bólgu undir 15% en hins vegar
aðeins um 27% kvennanna. Samtals
um 69% karlanna spáir minna en
20% verðbólgu en tæp 47% kvenn-
anna. Um 4% kvennanna (20 konur)
á allt eins von á meira en 40%
verðbólgu en aðeins 1,2% (4) karl-
anna.
Aðeins um þriðjungur höfuðborg-
arbúa reiknar með minna en 15%
verðbólgu en það hlutfall var 41%
úti á landi. Þá kom og í Ijós að aðeins
þriðjungur yngsta fólksins reiknar
með minna en 15% verðbólgu, en
um helmingur þeirra fimmtugu og
eldri,
-HEI
Sunnudag kl. 13.00:
Reykjavíkur-
ganga Útivistar
Gengið verður frá Grófinni
í tilefni 200 ára afmælis Reykja-
víkurborgar mun Ferðafélagið
Útivist efna til afmælisferða þar
sem kynntar verða gönguleiðir á
höfuðborgarsvæðinu. Fyrstaferðin
og ein sú athyglisverðasta verður
farin á morgun, sunnudaginn 11.
maí og nefnist hún Reykjavíkur-
ganga Útivistar.
Ferðin hefst kl. 13. og verður
lagt upp frá bílastæðinu á milli
Vesturgötu 2 og Vesturgötu 4.
Hægt verður að slást í hópinn á
eftirtöldum stöðum: Við bensín-
sölu BSÍ, kl. 13.30, við heita lækinn
um kl. 14. og í Skógræktarstöðinni
kl. 15. Áætlaður göngutími er um
þrjár og hálf klukkustund.
Þátttökugjald er ekkert og verða
sérfróðir menn um jarðfræði,
skógrækt, sögu o.fl. með í förinni.
PHH