Tíminn - 14.07.1987, Síða 1

Mjólk
undanhaldi
samkvæmt skipulegri
framleidslustjórnun
Svo virðist sem framleiðslustjórnun í mjólkurfram-
leiðslu ætli að skila nokkrum árangri á yfirstandandi
verðlagsári þó útlit sé fyrir talsverða umframfram-
leiðslu. Þannig er útlit fyrir að mjólkurinnlögnin hjá
stærsta mjólkurbúi landsins, Mjólkurbúi Flóa-
manna á Selfossi, verði u.þ.b. 1,5-2 milljónum lítra
minni á þessu verðiagsári en í fyrra. Samt sem áður
má búast við 500 þúsund til 1 milljón lítra umfram-
framleiðslu á þessu svæði.
Hjá mörgum öðrum mjólkurbúum er einnig um
umtalsverðan samdrátt að ræða þó misvel gangi að
draga úr framleiðslu á hinum ýmsu svæðum.
Mjólkurframleiðslan er nú að nálgast það magn
sem fullvirðisréttur kemur fyrir á þessu verðlagsári
og þó nokkrir framleiðendur hafa þegar náð fullvirð-
ismarki.
Sjá bls. 3
Stórbruni Málningar:
Vindátt varði
íbúðarhverfi
Það verður að teljast mildi að vindátt stóð á haf út
í Kópavogi þegar framleiðsiudeild Málningar h.f.
brann til kaldra kola í miklum eldsvoða í gær. Ljóst
er að eldurinn hefði læst sig í nærliggjandi íbúðar-
hús ef vindur hefði snúist að ráði. Verksmiðjuhúsið
sem stendur mitt í íbúðarhverfi varð alelda á
skammri stundu síðdegis og átti slökkviliðið í
talsverðum erfiðleikum með að ná valdi á eldinum
eftir að það kom á vettvang, enda mikið af eldfimum
efnum í verksmiðjunni. Vatnsskortur hamlaði einn-
ig slökkvistarfi, en íbúar í nágrenni verksmiðjunnar
höfðu vakið athygli bæjaryfirvalda á vöntun nauð-
synlegra öryggistækja í hverfinu m.a. brunahönum.
Bæjaryfirvöld höfðu viðurkennt slæmt ástand en
ekkert hafði verið að gert.
Sjá bls. 5
ÞRIÐJUDAGUR 14. JÚLÍ 1987-150. TBL. 71. ÁRG.
Mjólkursamlögin á landinu: