Morgunblaðið - 28.11.2007, Blaðsíða 6
6 MIÐVIKUDAGUR 28. NÓVEMBER 2007 MORGUNBLAÐIÐ
FRÉTTIR
Eftir Silju Björk Huldudóttur
silja@mbl.is
„MARKMIÐIÐ er að safna einni
milljón til handa börnum í Pakistan,“
segir Keith Reed,
söngvari og kórstjórn-
andi, sem nk. föstudag
stjórnar tónleikum í
Grafarvogskirkju til
styrktar ABC-
barnahjálpinni sem
starfar í Pakistan. Að-
spurður segir Keith
styrktartónleikana
eiga sér langan að-
draganda því hann hafi
fengið hugmyndina
fyrir síðustu jól.
„Mig langaði til þess
að finna leið til að láta
gott af mér leiða og
virkja aðra með mér í
leiðinni,“ segir Keith
og tekur fram að hann hafi heyrt um
ABC-barnahjálpina í gegnum föður
skólasystur dóttur sinnar, en hann
sé frá Pakistan og búi og starfi hér-
lendis.
Sex kórar og 30 manna
hljómsveit unga fólksins
Keith segist í framhaldinu hafa
farið að leita að tónverki sem hentaði
til flutnings á stórum styrktartón-
leikum. „Síðasta sumar heyrði ég
síðan frumflutt á Mývatni verkið
Mass of the Children eftir tónskáldið
John Rutter sem hann samdi árið
2003. Þetta er af-
skaplega fallegt, ljúft
og áheyrilegt kórverk
undir rómantískum
áhrifum, aðeins um
hálftími að lengd, þann-
ig að ég sá í hendi mér
að það myndi henta öll-
um kórunum mínum af-
skaplega vel,“ segir
Keith og vísar þar til
þeirra sex kóra sem
hann og kona hans,
Ásta Bryndís Schram,
stjórna og koma munu
fram á tónleikunum,
þ.e. Kirkjukórs Linda-
kirkju, Samkórs
Reykjavíkur, Lands-
virkjunarkórsins, Kórskóla Linda-
kirkju, Kammerkórs Smáraskóla og
Unglingakórs Suðurhlíðarskóla. Það
munu því samtals 120 kórsöngvarar
koma fram nk. föstudag ásamt 30
manna hljómsveit, því Sinfóníu-
hljómsveit unga fólksins leikur á
tónleikunum.
Að auki koma fram söngvararnir
Birgitta Haukdal og Ragnar Bjarna-
son, hljómsveitin Bardukha, nem-
endur úr óperudeild Söngskóla Sig-
urðar Demetz ásamt Mörtu
Guðrúnu Halldórsdóttur sópran,
Einari Clausen barítón, Elísabetu
Waage hörpuleikara, Auði Haf-
steinsdóttur fiðluleikara, Bryndísi
Höllu Gylfadóttur sellóleikara og
Steinunni Birnu Ragnarsdóttur
píanóleikara. Að sögn Keiths ættu
tónleikarnir líka að verða mikil upp-
lifun sjónrænt séð, því Logi Berg-
mann hyggst kynna starf ABC-
barnahjálparinnar í bæði máli og
myndum.
Miðaverðið dugar fyrir
framfærslu í einn mánuð
„Allir listamennirnir á tónleik-
unum gefa vinnu sína þannig að allur
aðgangseyrir rennur óskertur til
góðgerðarmála,“ segir Keith og
bendir á að miðaverðið sé 1.950 kr.
sem sé jafnmikið og kosti að sjá fyrir
barni í Pakistan í mánuð. Samkvæmt
upplýsingum frá ABC-barnahjálp-
inni eru nú þegar um 1.800 börn í
átta ABC-skólum í Pakistan, þar af
búa 360 barnanna á heimavist. Alls
eru hins vegar um eitt þúsund börn á
biðlista eftir skólagöngu í ABC-
skólunum í Pakistan.
„Á hverjum einasta aðgöngumiða
er mynd af barni í Pakistan sem
vantar stuðning ásamt upplýsingum
um nafn og aldur barnsins, sem við-
komandi tónleikagestur hefur með
komu sinni séð fyrir þann mánuðinn.
Á bakhlið miðans er hægt að fylla út
umsókn um að styrkja viðkomandi
barn áfram,“ segir Keith og tekur
fram að ástæða þess að hann hafi
valið að skipuleggja styrktartónleika
til handa ABC-barnahjálpinni sé að
honum líki svo vel það skipulag sam-
takanna að komið sé á beinu sam-
bandi milli þess sem styrkir og þess
sem nýtur stuðningsins.
„Þannig geta fjölskyldur styrkt
sama barnið þar til það verður 18
ára, sem skapar eðlilega persónu-
legri nálgun á hjálparstarfið. Með
þessum hætti er verið að fjárfesta í
mannslífum með beinum hætti.“
Á biðlista Þúsund börn bíða eftir skólagöngu í ABC-skólunum í Pakistan.Keith Reed
Sungið fyrir börnin í Pakistan
BJARNI Sigurðsson, fram-
kvæmdastjóri Dreggs Shipping,
segist ósáttur við þá ákvörðun að
fara með Axel til Fáskrúðsfjarðar.
Þetta hafi verið gert án samráðs við
sig. „Við hefðum viljað fá skipið
beint inn á Akureyri þar sem er kví
og allt fyrir hendi. Ég hefði viljað
vera með í ráðum þegar þetta var
ákveðið. En það var Umhverfis-
stofnun og Landhelgisgæslan sem
ákváðu þetta. Miðað við aðstæður og
stöðugt ástand skipsins töldum við
ráðlegast að fara til Akureyrar. Við
getum ekkert gert hér á Fáskrúðs-
firði.“
Bjarni segist þó feginn að ekki
skyldi verða meira tjón en raun varð
á.
Skipið var á leið til Póllands með
fullfermi af frystri síld og segir hann
ekki ákveðið á þessari stundu hvort
farminum verði umstaflað í annað
skip eða beðið viðgerðar á Axel. Síld-
in muni samt geymast vel enda eng-
ar skemmdir á frystilestum.
„Það er náttúrlega alveg ljóst að
það verður eitthvert tap á þessu. En
ég álít samt að þetta hafi sloppið
ótrúlega vel.“
Ósáttur við
áningu á Fá-
skrúðsfirði
MS Axel er 2.500 tonna frystiskip,
byggt árið 1989. Skráður eigandi
skipsins er Dregg ehf. en það er
skráð á eyjunni Mön. Í áhöfn skips-
ins eru 11 manns.
Flutningaskipið var með full-
fermi af frosnum fiski þegar óhapp-
ið varð og um 170 tonn af olíu voru
talin vera um borð í skipinu. Ekki
varð þó olíumengun við óhappið.
Skráð á Mön
!
"# $% %
$&
%
Eftir Örlyg Stein Sigurjónsson
orsi@mbl.is
EF tala mætti um mögulega hættu
sem fylgdi óhappinu þegar flutninga-
skipið Axel steytti á blindskeri úti
fyrir Hornafjarðarósi í gær, þá fælist
hún í því að skipið var á ystu mörkum
þess að vera komið hættulega nálægt
landi þegar tókst að koma taug í það
og draga það út. Þegar skipið rakst á
skerið um kl. 8:20 drapst á öllum vél-
um nema ljósavél en skipið losnaði
án utanaðkomandi hjálpar áður en
fyrstu björgunarmenn komu á vett-
vang. Skipið rak aflvana í átt að landi
en á meðan var drifið í að koma taug í
það. Það tókst sem betur fer áður en
skipið var komið óþægilega nálægt
landi og þannig tókst að afstýra
raunverulegri hættu.
Axel var á útleið frá Hornafirði og
hafði fengið leiðsögn lóðsbáts út úr
ósnum en á leiðinni þarf að krækja
fyrir varasöm sker. Ekki löngu eftir
að leiðir skildi milli lóðsins og Axels
sýndi Borgeyjarboðinn þó hversu
skeinuhættur hann getur verið.
Liðsmenn Björgunarfélags
Hornafjarðar fengu boð um óhappið
klukkan 8:20 og fóru til hjálpar
skömmu síðar á björgunarskipinu
Ingibjörgu. „Við vorum farnir út
fjórum mínútum eftir útkall en þegar
við komum að skipinu var það þegar
laust,“ sagði Friðrik Jónas Friðriks-
son, formaður Björgunarfélags
Hornafjarðar. „Þá var dautt á öllum
vélum nema ljósavél og skipið komið
á rek. Við könnuðum umhverfið en
urðum ekki varir við neinn stóran
olíuleka. Fljótlega eftir að við kom-
um á staðinn tilkynnti skipstjórinn
okkur að það væri mikill leki kominn
að framskipinu. Við settum því tvo
menn með eina dælu um borð til að
dæla upp úr skipinu og loka hólfum.
Síðan fór að líða að því að við vildum
annaðhvort fá skipsvélarnar í gang
eða setja taug í það. Skipið var nefni-
lega farið að nálgast land, ekki
hættulega mikið þó. Það varð því úr
að lóðsbáturinn setti taug í skipið og
byrjaði að draga það út. Eftir um 18-
19 mínútna tog komst aðalvélin í
gang og eftir það var þetta auðvelt
viðfangs.“ Sigldi Axel eftir það fyrir
eigin vélarafli austur með landinu.
Friðrik telur að dautt hafi verið á
vélinni í rúman klukkutíma og ekki
verið hætta á ferð. „En ef við hefðum
ekki náð tauginni yfir í skipið, þá
hefði skapast hætta. Skipið átti hálfa
sjómílu eftir upp í fjöru þegar orðið
var strekkt á tauginni.“
Bráðamengunarbúnaður
á Reyðarfirði virkjaður
Þegar Axel var orðinn sjálfbjarga
var ákveðið, í samráði við Landhelg-
isgæsluna, Umhverfisstofnun, flokk-
unarfélag skipsins og skipstjórann,
að halda til hafnar á Fáskrúðsfirði til
að skoða skipið og meta sjóhæfi þess,
skv. tilkynningu LHG.
Þrátt fyrir að ekki yrði mengunar-
slys vegna óhappsins munu fulltrúar
Heilbrigðiseftirlits Austurlands þó
skoða hvort olía hafi borist á strend-
ur. Jafnframt var bráðamengunar-
búnaður á Reyðarfirði virkjaður og
mun Umhverfisstofnun fylgjast með
aðgerðum.
Gottskálk Friðgeirsson, deildar-
stjóri hjá Umhverfisstofnun, segir
hugsanlegt að sú olía sem fór í sjóinn
í byrjun hafi komið úr tómum olíu-
geymi en innan í tómum geymum sé
alltaf olíusmit. Þegar skipið verði
kannað betur á Fáskrúðsfirði verði
þar flotgirðing til taks ef á þarf að
halda. „Fulltrúar okkar frá Heil-
brigðiseftirliti Austurlands munu
meta ástand skipsins,“ segir hann.
Skipið hálfa mílu frá landi
þegar tókst að draga það út
Ljósmynd/Sigurður Mar
Slapp Axel var á leið til Póllands með fullfermi af fiski þegar skipið rakst á skerið, skömmu eftir að lóðsbátur lét af fylgdinni frá Höfn í Hornafirði.
Morgunblaðið/Kristinn Ben.
Fylgd Axel sigldi undir eigin vélarafli í fylgd varðskips til Fáskrúðsfjarðar.