Morgunblaðið - 28.11.2007, Blaðsíða 27
MORGUNBLAÐIÐ MIÐVIKUDAGUR 28. NÓVEMBER 2007 27
Fegurðin er frá þér barst,
fullvel þótti sanna,
að yndið okkar allra varst,
engill meðal manna.
Sú besta gjöf er gafst þú mér,
var gleðisólin bjarta,
sem skína skal til heiðurs þér,
skært í mínu hjarta.
(B.H.)
Þínir bræður,
Óskar og Auðbjörn.
Góði Guð og Jesús, viljið þið
passa vin minn Tómas.
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
(Ásmundur Eiríksson)
Þinn vinur,
Brynjar Máni.
Legg ég nú bæði líf og önd
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson)
Þakka þér fyrir samveruna.
Styrgerður.
HINSTA KVEÐJAokkar og við fórum í tölvuleiki og fleiri
leiki sem reyndu ekki of mikið á þig
og svo fór ég oft yfir til þín.
Í sumar kom ég til Reykjavíkur, þá
bauðstu mér að koma í heimsókn á
spítalann, þú vildir sýna mér leikstof-
una. Við borðuðum kjúkling og horfð-
um á vídeóspólu. Daginn eftir fórum
við á leikstofuna að leika okkur, þetta
var ánægjuleg stund sem við áttum
þar. Þann 6. október gisti ég hjá þér.
Ekki vissi ég að það yrði í síðasta
skiptið. Þetta var eftirminnilegt kvöld
hjá okkur. Ég bauð þér að koma yfir
til okkar 4. nóvember, þá átti pabbi af-
mæli. Þú vildir koma og fá köku,
mamma var búinn að baka pönnukök-
ur og ég þeytti rjómann. Þú fékkst
þér eina pönnuköku með rjóma en
þér fannst rjóminn ekki góður af því
að ég þeytti hann næstum í smjör.
Svo fékkstu þér eina með sykri en þá
varstu orðinn saddur, eftir stutta
stund varstu orðinn þreyttur og
spurðir mig hvort ég gæti fylgt þér
heim og auðvitað gat ég það. Þetta
var í síðasta sinn sem þú komst yfir til
okkar, eftir það varstu svo veikur að
við gátum ekki leikið oftar saman.
Þín verður sárt saknað á mínu
heimili.
Elsku Tómas Ingi, mér þykir svo
vænt um þig. Ég vil þakka þér fyrir
allar góðu stundirnar sem við áttum
saman. Ég mun alltaf hugsa til þín.
Ég og fjölskylda mín viljum senda
fjölskyldu þinni samúðarkveðjur.
Megi góður guð styrkja þau á þessum
erfiða tíma.
Hvíl þú í friði elsku Tómas Ingi.
Þinn vinur,
Rannver Olsen
Barnið litla, blítt þú sefur,
blessun guðs nú fundið hefur.
Lífið flaug til ljóssins heima
ljúfa minning skulum geyma.
Af hvörmum streyma tregatárin
tíminn getur hulið sárin.
Þá verða brosin bráa þinna
að björtum perlum minninganna.
(Torhildur Hólm Torfadóttir.)
Þegar við kveðjum hann Tómas
Inga sem við fengum að hafa svo allt-
of stutt hjá okkur þá eru engin orð
sem ná yfir allt það sem við vildum
segja, yfir allt það sem við vildum
hafa gert með honum og allt það sem
við áttum eftir að gera. Það er komið
skarð í hópinn okkar sem verður aldr-
ei bætt. Sú spurning leitar sterkt á af
hverju þetta þurfti að fara svona en
við vitum að við henni eru engin svör.
Engin svör við því af hverju Tómas
Ingi fékk að staldra svona stutt við.
En við yljum okkur við minningarnar
um hann og þann tíma sem við áttum
saman. Árin áður en hann veiktist og
dagana sem hann gat verið með okk-
ur eftir að veikindin bönkuðu upp á.
Óbilandi þrautseigja, æðruleysi og
bjartsýni Tómasar Inga og foreldra
hans er okkur hollt veganesti. Af
þeim höfum við lært að reyna að meta
hvern þann dag sem okkur hlotnast
og eyða honum þannig að við séum
sátt við vegferð okkar.
Hröð er förin
örskömm dvöl
á áningarstað.
Verum því hljóð,
hver snerting er kveðja
í hinsta sinn.
(Birgir Sigurðsson.)
Við vottum foreldrum, bræðrum,
öllum ættingjum og vinum innilega
samúð.
Nemendur og starfsfólk
Grunnskóla Hornafjarðar.
Hæ Tómas minn.
Mamma mín segir að þú sért dáinn.
Mér finnst það nú frekar skrítið því
síðast þegar við hittumst varstu svo
hress og kátur. Ég spurði mömmu af
hverju og hún sagði mér að þú hefðir
verið svo mikið veikur. Ég hringdi
líka í mömmu þína og spurði hana og
hún sagði það sama og mamma mín,
að þú værir dáinn. Við greindumst
bæði með krabbamein í vor, þú í apríl
og ég í maí. Við vorum svo góðir vinir,
bæði með sumarklippingu og lyfja-
brunn. Einu sinni þegar ég lá inni á
spítalanum fórstu með pabba þínum
og keyptir handa mér stórt box fullt
af piparkökum því þú vissir að ég
elskaði piparkökur. Og manstu eftir
partíinu okkar í unglingastofunni? Þá
var nú mikið fjör hjá okkur. Diskóljós
og tónlist og Begga hjúkkan okkar
dansaði, það var svolítið fyndið.
Hjúkkurnar komu með ís og þú með
sleikjó. Ég segi oft við mömmu hvað
það var gaman í partíinu okkar.
Fyrsta partíinu mínu. Gott að það var
með þér. Ég vildi óska þess núna að
ég hefði ekki verið svona slöpp þegar
þú bauðst mér að koma með þér niður
að tjörn að gefa öndunum. Ég hélt að
við gætum bara farið seinna en núna
er það of seint. Ég gef öndunum bara
fyrir þig, er það ekki? Okkur fannst
líka svo gaman á leikstofunni hjá
Gróu, Áslaugu og Sibbu. Ég held bara
að þú hafir verið búinn að föndra allt
sem var í boði á leikstofunni. Mamma
þín og pabbi eru heppin núna að eiga
allt föndrið þitt og ég ætla sko að
passa vel engilinn sem þú málaðir
handa mér. Manstu líka þegar
Skoppa og Skrítla komu og heimsóttu
okkur á spítalann? Ég er svo heppin
að eiga mynd af ykkur saman og þeg-
ar við mamma förum heim næst ætl-
um við að senda mömmu þinni og
pabba myndina. Þau verða nú aldeilis
ánægð með það. Þegar við veiktumst
fengum við bæði gæludýr. Ég fékk
kisuna mína, hana Snældu, og þú
fékkst tíkina Tinnu. Mamma og pabbi
sögðust hafa séð hana þegar þau
heimsóttu ykkur austur um daginn og
hún væri svo falleg og góð. Mamma
þín segir líka að Tinna þín sé búin að
vera leitandi að þér síðustu daga og
sakni þín greinilega mikið eins og við
öll. Okkur mömmu finnst voða tóm-
legt að koma á spítalann núna og ef
við fengjum eina ósk myndum við
óska þess að þú værir bara búinn að
klára meðferðina þína og kominn
heim til Hornarfjarðar hress og kát-
ur. Kannski kominn í sveitina til
ömmu þinnar og afa, kannski að
keyra nýju dráttarvélina með afa þín-
um eða hjálpa ömmu þinni að baka
eða föndra. Eða kannski værir þú í
bíltúr með fjölskyldunni í nýja bílnum
sem þú varst að skoða á netinu. Ég
sakna þín mikið Tómas minn og ég
vona að þér líði vel núna á himninum
þar sem eru engar hækjur eða hjóla-
stólar. Vonandi ertu bara hlaupandi
um í fótbolta eða körfubolta eins og
Óskar stóri bróðir þinn, laus við ógleði
og sársauka og bara ótrúlega glaður.
Það væri best. Það var svo gaman að
vera vinur þinn, þú varst svo góður.
Ég vildi að við hefðum kynnst undir
öðrum kringumstæðum, t.d. á lands-
mótinu hjá ykkur í sumar þar sem við
hefðum bæði verið að keppa. Og bæði
unnið verðlaun. Já, það hefði verið
gaman. Mamma mín ætlar að hjálpa
mér að muna alltaf eftir þér og þegar
ég horfi út um gluggann minn og sé
stjörnurnar á himninum ætla ég að
veifa til þín og senda þér fingurkoss.
Hvíldu í friði Tómas minn.
Þín vinkona,
Vala Örvarsdóttir.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Sorgin er mikil, tárin mörg og
spurningar stórar þegar 10 ára vinur
kveður í hinsta sinn. Þá er gott að eiga
góðar minningar og myndir.
Tómas Ingi var nágranni og
skemmtilegur vinur, hógvær með
geislandi bros sem náði til augnanna.
Margt var brallað þau ár sem þið vor-
uð hér á Dalbrautinni; hlaupið milli
húsanna, leikið úti og inni, skemmti-
legir drekkutímar með hlátri og sög-
um, stundum var horft á vídeó með
popp og ís, þá voruð þið í bíó.
Það var mikil vinna lögð í stóra
snjóhúsið; tvennar dyr, göng og hola
svo hægt væri að renna í gegn. Það
voru stoltir 6 og 7 ára strákar með
rauðar eplakinnar sem hlógu í hverri
ferð sem þeir renndu sér niður.
Mýrin bak við húsin hefur alltaf
heillað börnin hér í hverfinu en ekki
foreldrana og þar áttu þeir Tómas
Ingi og Brynjar Máni sinn uppáhalds-
stað við stóra staurinn þar sem spýta
var í polli og hægt að trampa á svo
sullaði upp úr. Þar var sullað og pödd-
ur látnar synda, svo var kallað úr öðru
hvoru húsinu að þeir ættu að koma,
mættu ekki vera í mýrinni. Einu sinni
fékk ég skemmtilegt svar; „það er allt
í lagi að vera í mýrinni, við sjáum allt-
af heim og það er alveg satt.“ Þá var
erfitt að brosa ekki.
Þegar Tómas Ingi var byrjaður í
skólanum kom hann og sagði Brynj-
ari Mána á hverju hann ætti von þeg-
ar hann byrjaði ári seinna. Það voru
skemmtilegar samræður. Tómasi
Inga fannst gaman að vera í sveitinni
hjá ömmu og afa, hann hlakkaði alltaf
jafnmikið til að fara þangað. Hann
kom stundum og sagði okkur að hann
væri að fara í sveitina og ljómaði eins
og sól.
Það var oft glatt á hjalla hérna í
hverfinu og allir að leika saman á öll-
um aldri og gekk ótrúlega vel. Sum-
arkvöldin þegar allir smullu saman í
feluleik, boltaleik og allskonar leiki
þannig að erfitt var að segja að hátta-
tíminn væri kominn. Það er gott að
eiga góða vini í hverfinu sínu. Það var
söknuður þegar þið fluttuð í vor,
lengra á milli og Tómas Ingi svona
mikið veikur. Kóngafiðrildadögunum
þegar allir voru að veiða með háfana
sína og litlu hendurnar gleymir mað-
ur aldrei. Þá komu þeir fjórir; Tómas
Ingi, Auðbjörn, Guðjón og Brynjar
Máni, með krukkurnar sínar og allir
jafnstoltir eftir veiði dagsins. Augun
þeirra ljómuðu og blikuðu eins og
fiðrildavængir og svo var talið í
krukkunum og ákveðið að veiða meira
næsta dag en kóngafiðrildin komu og
fóru.
Elsku Tómas Ingi, Guð þig geymi
og góðir englar. Takk fyrir tímann
sem þú varst hér. Minning þín lifir litli
vinur. Heiður, Ingvar, Óskar, Auð-
björn og aðrir aðstandendur, Guð veri
með ykkur öllum og gefi ykkur styrk
og ljós.
Sigurbjörg, Jón,
Brynjar Máni og Sigþór.
✝
Elskulegur eiginmaður minn, faðir okkar, tengda-
faðir, afi og langafi,
JÓN GUÐJÓNSSON
rafvirkjameistari,
Hjúkrunarheimilinu Eir,
áður Brautarlandi 6,
Reykjavík,
lést 21. nóvember.
Jarðarförin fer fram frá Grafarvogskirkju
29. nóvember kl. 13.00.
Arndís Guðjónsdóttir,
Guðjón Magnús Jónsson, Sigríður Þorláksdóttir,
Margrét Katrín Jónsdóttir,
Hrönn Guðjónsdóttir, Björn Baldvinsson,
Magnea Ólöf Guðjónsdóttir, Halldór Kjartansson Björnsson,
Arndís Guðjónsdóttir, Magnús Örn Guðmarsson,
Jón Þór Guðjónsson, Eva Björg Torfadóttir,
Hrafn Eyjólfsson,
Hrafnhildur Eyjólfsdóttir, Halldór Ingi Hákonarson,
Jón Örn Eyjólfsson
og barnabarnabörn.
✝
Elskulegur eiginmaður minn, faðir okkar, tengda-
faðir, afi og langafi,
ÁSGEIR SIGURJÓNSSON,
fyrrv. yfirvélstjóri,
Rauðalæk 27,
Reykjavík,
lést sunnudaginn 25. nóvember á Landspítalanum
við Hringbraut.
Útförin verður auglýst síðar.
Þórunn Ingvarsdóttir,
Inga Ásgeirsdóttir, Sæmundur S. Gunnarsson,
Ásgeir Ásgeirsson,
Sigurjón Ásgeirsson, Ragnheiður Ragnarsdóttir,
barnabörn og barnabarnabörn.
✝
Elskuleg eiginkona mín, móðir, tengdamóðir, amma
og langamma,
DÓRA GUÐLAUGSDÓTTIR,
Heiðarvegi 9,
Vestmannaeyjum,
andaðist mánudaginn 26. nóvember á Heilbrigðis-
stofnun Vestmannaeyja.
Bjarni Sighvatsson,
Sigurlaug Bjarnadóttir, Páll Sveinsson,
Guðmunda Áslaug Bjarnadóttir, Viðar Elíasson,
Sighvatur Bjarnason, Ragnhildur S. Gottskálksdóttir,
Ingibjörg Rannveig Bjarnadóttir, Halldór Arnarsson,
Hinrik Örn Bjarnason, Anna Jónína Sævarsdóttir,
barnabörn og barnabarnabörn.
✝
Elskulegur faðir okkar, tengdafaðir, afi og langafi,
ÁSGEIR SÆMUNDSSON
rafmagnstæknifræðingur,
fv. stöðvarstjóri Andakílsárvirkjunar,
Fornhaga 11,
Reykjavík,
lést á Landspítalanum við Hringbraut mánudaginn
26. nóvember.
Jarðarförin auglýst síðar.
Sæmundur Ásgeirsson, Steinunn Jóhannsdóttir,
Ásdís Ásgeirsdóttir, Helgi Árnason,
Haukur Ásgeirsson, Ásdís Pálsdóttir,
Anna Guðný Ásgeirsdóttir, Bjarni Á. Friðriksson,
Hafdís Ásgeirsdóttir,
Gyða Ásgeirsdóttir,
barnabörn og barnabarnabörn.
✝
Ástkær eiginmaður minn og faðir, tengdafaðir og
afi,
BIRGIR GUÐLAUGSSON
byggingameistari,
Hlíðarvegi 43,
Siglufirði,
andaðist á Heilbrigðisstofnun Siglufjarðar
mánudaginn 26. nóvember.
Útför verður auglýst síðar.
Erla Svanbergsdóttir,
börn, tengdabörn og barnabörn.